BSNL: ದಿನಕ್ಕೆ 7 ರೂಪಾಯಿಯಂತೆ 105 ದಿನಗಳಿಗೆ 210GB ಡೇಟಾ.. ಸಖತ್ತಾಗಿದೆ ನೂತನ ಪ್ಲಾನ್​

ಸರ್ಕಾರಿ ಸ್ವಾಮ್ಯದ ಬಿಎಸ್​ಎನ್​ಎಲ್​ ಹೊಸ ಪ್ರಿಪೇಯ್ಡ್​ ರೀಚಾರ್ಜ್​ ಪ್ಲಾನ್​ ಪರಿಚಯಿಸಿದೆ. ನೂತನ ಪ್ಲಾನ್​ ಮೂಲಕ ಗ್ರಾಹಕರು 105 ದಿನಗಳವರೆಗೆ 2ಜಿಬಿ ಡೇಟಾವನ್ನು ಪಡೆಯಲಿದ್ದಾರೆ. ಅಂದಹಾಗೆಯೇ ಬಿಎಸ್​ಎನ್​ಎಲ್​ ಪರಿಚಯಿಸಿರುವ ಈ ಪ್ಲಾನ್​ನಲ್ಲಿ ಬೇರೇನಿದೆ? ತಿಳಿಯೋಣ.

ಬಿಎಸ್​ಎನ್​ಎಲ್​ ತನ್ನ ಬಳಕೆದಾರರಿಗೆ ವಿಸ್ಕೃತ ವ್ಯಾಲಿಡಿಟಿಯನ್ನು ನೀಡುವ ಸಲುವಾಗಿ 666 ರೂಪಾಯಿಯ ಹೊಸ ರೀಚಾರ್ಜ್​ ಪ್ಲಾನ್​ ಪರಿಚಯಿಸಿದೆ. ನೂತನ ಪ್ಲಾನ್​ 105 ದಿನಗಳ ಅವಧಿಯವರೆಗೆ ಅನಿಯಮಿತ ಕರೆ ಸೌಲಭ್ಯವನ್ನು ಒದಗಿಸಲಿದೆ. ಹೆಚ್ಚುವರಿಯಾಗಿ ಬಳಕೆದಾರರು ಪ್ರತಿದಿನ 100 ಉಚಿತ ಎಸ್​​​ಎಮ್​ಎಸ್​ ಪ್ರಯೋಜನವನ್ನು ಪಡೆಯಲಿದ್ದಾರೆ.

ಇದನ್ನೂ ಓದಿ: Robotaxi: ಸ್ಟೀರಿಂಗ್​ ಇಲ್ಲ, ಪೆಡಲ್​ ಇಲ್ಲ.. AI ಚಾಲಿತ ರೋಬೋಟ್ಯಾಕ್ಸಿ ಪರಿಚಯಿಸಿದ ಎಲಾನ್​ ಮಸ್ಕ್​

ಗ್ರಾಹಕರಿಗಾಗಿ ಈ ಪ್ಲಾನ್ ಮೂಲಕ ಸಾಕಷ್ಟು ಇಂಟರ್​ನೆಟ್​ ಸೌಲಭ್ಯವನ್ನು ನೀಡುತ್ತಿದೆ. 105 ದಿನಗಳವರೆಗೆ ಒಟ್ಟು 210 ಜಿಬಿ ಡೇಟಾ ನೀಡುತ್ತಿದೆ. ಅಂದರೆ ದಿನಕ್ಕೆ 2ಜಿಬಿಯಷ್ಟು ಬಳಸಬಹುದಾಗಿದೆ.

ಇದನ್ನೂ ಓದಿ: Mysore Dasara: ಮೈಸೂರು ದಸರಾ ಶುರುವಾಗಿದ್ದು ಹೇಗೆ? ಯಾವಾಗ? ಇಂಟ್ರೆಸ್ಟಿಂಗ್‌ ವಿಷಯಗಳು ಇಲ್ಲಿವೆ

ಸದ್ಯ ಖಾಸಗಿ ಟೆಲಿಕಾಂ ಕಂಪನಿಗಳ ಮುಂದೆ ಸರ್ಕಾರಿ ಸ್ವಾಮ್ಯದ ಬಿಎಸ್​ಎನ್​ಎಲ್​ ಹೊಸ ಯೋಜನೆಗಳು ಬಳಕೆದಾರರ ಗಮನ ಸೆಳೆಯುತ್ತಿದೆ. ಅದರಲ್ಲೂ ಹೆಚ್ಚಿನ ಬೆನಿಫಿಟ್ಸ್​ ಒದಗಿಸುವ ಕಾರಣ ಮತ್ತಷ್ಟು ಹೊಸ ಗ್ರಾಹಕರನ್ನು ಬಿಎಸ್​ಎನ್​ಎಲ್​ ತನ್ನತ್ತ ಸೆಳೆಯುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ