ಸರ್ಕಾರದಿಂದ ಮಹತ್ವದ ನಿರ್ಧಾರ.. 2 ವರ್ಷದೊಳಗಿನ ಮಕ್ಕಳು ​ಟಿವಿ, ಸ್ಮಾರ್ಟ್​ಫೋನ್​ ನೋಡುವುದು ನಿಷೇಧ

ಸ್ಮಾರ್ಟ್​ಟಿವಿ, ಸ್ಮಾರ್ಟ್​ಫೋನ್​ ಬಂದ ಬಳಿಕ ಮಕ್ಕಳ ಏಕಾಗ್ರತೆ ಅದರತ್ತ ತಿರುಗಿದೆ. ಪುಟಾಣಿ ಮಕ್ಕಳು ಸ್ಮಾರ್ಟ್​ಫೋನ್​ ಕೈಗಿಡದಿದ್ದರೆ ಊಟ ಮಾಡದಂತ ಪರಿಸ್ಥಿತಿ ನಿರ್ಮಾಣವಾಗಿದೆ. ಜೊತೆಗೆ ಕೆಲವು ಸಮಸ್ಯೆಗಳು ಉಲ್ಬಣಗೊಂಡಿವೆ. ಸದ್ಯ ಇವೆಲ್ಲವನ್ನು ಗಮನಿಸಿದ ಸರ್ಕಾರ ಭವಿಷ್ಯದಲ್ಲಿ ಮಾರಕ ಖಂಡಿತ ಎಂಬುದನ್ನು ಅರಿತು ನಿರ್ಧಾರವೊಂದನ್ನು ಮಾಡಿದೆ. 2 ವರ್ಷದೊಳಗಿನ ಮಕ್ಕಳಿಗೆ ಟಿವಿ ಮತ್ತು ಸ್ಮಾರ್ಟ್​ಫೋನ್​​ ವೀಕ್ಷಿಸುವುದನ್ನು ನಿಷೇಧಿಸಿದೆ.

ಸ್ವೀಡನ್​ ದೇಶವು ಇಂತಹದೊಂದು ನಿರ್ಧಾರಕ್ಕೆ ಬಂದಿದೆ. 2 ವರ್ಷಕ್ಕಿಂತ ಕೆಳಗಿನ ಮಕ್ಕಳು ಸ್ಮಾರ್ಟ್​ಫೋನ್​, ಸ್ಮಾರ್ಟ್​ಟಿವಿ ಬಳಸದಂತೆ ಪೋಷಕರನ್ನು ಒತ್ತಾಯಿಸಿದೆ. ಡಿಜಿಟಲ್​​​ ಮಾಧ್ಯಮ ಮತ್ತು ದೂರದರ್ಶನದಿಂದ ಸಂಪೂರ್ಣ ದೂರವಿಡಬೇಕು ಎಂದು ಕೇಳಿಕೊಂಡಿದೆ.

ಸ್ಮಾರ್ಟ್​ಫೋನ್​ ಮತ್ತು ಸ್ಮಾರ್ಟ್​ಟಿವಿ ಪರದೆ ವೀಕ್ಷಣೆಯಿಂದ ಮಕ್ಕಳ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಸ್ವೀಡನ್​ ಸರ್ಕಾರ ಹೇಳಿಕೆ. 2 ವರ್ಷಕ್ಕಿಂತ ದೊಡ್ಡ ಮಕ್ಕಳಿಗೆ ಸ್ಕ್ರೀನ್​ ಸಮಯವನ್ನು ನಿಯಂತ್ರಣದಲ್ಲಿಡಿ ಎಂದು ಹೇಳಿದೆ.

ಇದನ್ನೂ ಓದಿ: ಡ್ಯುಯೆಲ್​ ಸ್ಕ್ರೀನ್​ ಆಯ್ತು.. ಈಗ ಟ್ರಿಪಲ್​ ಸ್ಕ್ರೀನ್​​ ಪರ್ವ! ಮಾರುಕಟ್ಟೆಯಲ್ಲಿ ಮ್ಯಾಜಿಕ್​ ಮಾಡೋಕೆ ಹುವೈ​ ರೆಡಿ

ಸರ್ಕಾರವು ಮಕ್ಕಳ ಆರೋಗ್ಯದ ಬಗ್ಗೆ ಗಮನ ಹರಿಸಿ ಹೊಸ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಎರಡರಿಂದ ಐದು ವರ್ಷದೊಳಗಿನ ಮಕ್ಕಳಿಗೆ ದಿನಕ್ಕೆ ಒಂದು ಗಂಟೆಯವರೆಗೆ ಸ್ಕ್ರೀನ್​​ ಸಮಯ ಸೀಮಿತವಾಗಿರಬೇಕು ಎಂದು ಹೇಳಿದೆ.

ಆರರಿಂದ ಹನ್ನೆರಡು ವಯಸ್ಸಿನ ಮಕ್ಕಳಿಗೆ ಸ್ಕ್ರೀನ್​ ಟೈಮಿಂಗ್​​​ ಪ್ರತಿದಿನ ಒಂದರಿಂದ ಎರಡು ಗಂಟೆಯವರೆಗೆ ನಿರ್ಬಂಧಿಸಬೇಕು. 13ರಿಂದ 18 ವರ್ಷ ವಯಸ್ಸಿನ ಮಕ್ಕಳು ಪ್ರತಿದಿನ ಎರಡರಿಂದ ಮೂರು ಗಂಟೆಗಳ ಪರದೆಯ ಬಳಕೆಯನ್ನು ಮೀರಬಾರದು ಎಂದು ತಿಳಿಸಿದೆ.

ಇದನ್ನೂ ಓದಿ: iPhone​ 15 ಪ್ರೊ ಮ್ಯಾಕ್ಸ್​​ ಸ್ಥಗಿತಗೊಳ್ಳುತ್ತಿದೆಯೇ? ಆ್ಯಪಲ್​ ಪ್ರಾಡೆಕ್ಟ್​ ಕುರಿತಂತೆ ಹರಿದಾಡುತ್ತಿದೆ ಶಾಕಿಂಗ್​ ಸುದ್ದಿ

ಮಲಗುವಾಗ ಸ್ಮಾರ್ಟ್​ಫೋನ್​ ಅಥವಾ ಟಿವಿ ಪರದೆ ವೀಕ್ಷಿಸುವುದನ್ನು ನಿಯಂತ್ರಿಸಿ ಎಂದು ಹೇಳಿದೆ. ಮಕ್ಕಳು ಮಲಗುವ ಕೋಣೆಯಲ್ಲಿ ಸ್ಮಾರ್ಟ್​ಫೋನ್​, ಟ್ಯಾಬ್ಲೆಟ್​​ ಇಡದಂತೆ ಕೇಳಿಕೊಂಡಿದೆ.

ಸದ್ಯ ಮಕ್ಕಳಲ್ಲಿ ನಿದ್ರಾ ಬಿಕ್ಕಟ್ಟು ಎದುರಾಗುತ್ತಿದೆ. 15 ವರ್ಷದ ಮಕ್ಕಳು ಸರಿಯಾಗಿ ನಿದ್ರೆ ಮಾಡುತ್ತಿಲ್ಲ ಎಂಬ ವರದಿ ಹೊರಬಿದ್ದಿದೆ. ಇದರಿಂದಾಗಿ ಖಿನ್ನತೆ ಮತ್ತು ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ತುತ್ತಾಗುತ್ತಿದ್ದಾರೆ ಎಂಬುದನ್ನು ಪತ್ತೆಹಚ್ಚಿದೆ. ಹೀಗಾಗಿ ಸ್ವೀಡನ್​ ದೇಶ ಈ ನಿರ್ಣಯಕ್ಕೆ ಬಂದಿದೆ.