ಕಿಚ್ಚ ಸುದೀಪ್ ವಿರುದ್ಧ ವೈಯಕ್ತಿಕ ನಿಂದನೆ -ಪೊಲೀಸ್ ಆಯುಕ್ತರಿಗೆ ದೂರು

ಬೆಂಗಳೂರು: ಕಿಚ್ಚ ಸುದೀಪ್ (Kiccha Sudeep) ಕುರಿತು ಅವಹೇಳನಕಾರಿ ಕಮೆಂಟ್​ ಮಾಡಿದವರ ವಿರುದ್ಧ ಬೆಂಗಳೂರು ಪೊಲೀಸ್ ಆಯುಕ್ತರಿಗೆ ದೂರು ದಾಖಲಾಗಿದೆ.

ಅಖಿಲ ಕರ್ನಾಟಕ ಕಿಚ್ಚ ಸುದೀಪ್ ಸೇನಾ ಸಮಿತಿ ದೂರು ನೀಡಿದೆ. ಸುದೀಪ್ ಅವರ ಫೇಕ್ ಫೊಟೋ ಬಳಕೆ ಮಾಡಿ ಕಮೆಂಟ್ ಮಾಡಲಾಗಿದೆ. ಟ್ವಿಟರ್​ನಲ್ಲಿ ಕೆಟ್ಟದಾಗಿ ಕಮೆಂಟ್ ಮಾಡುವ ಮೂಲಕ ನಟನ ಘನತೆಗೆ ದಕ್ಕೆ ತಂದಿದ್ದಾರೆ. ಇದರಿಂದ ನೇರವಾಗಿ ಸ್ಟಾರ್ ವಾರ್​ಗೆ ಕಾರಣವಾಗ್ತಿದೆ. ಈ ಹಿನ್ನಲೆ ಫೇಕ್ ಅಕೌಂಟ್ ಹೋಲ್ಡರ್ ವಿರುದ್ಧ ಕ್ರಮ ಕೈಗೊಳ್ಳುವಂತೆ ನವೀನ್ ಗೌಡ ಅನ್ನೋರು ದೂರು ನೀಡಿದ್ದಾರೆ.

ಇದನ್ನೂ ಓದಿ:Asia Cup: ಓಮನ್ ವಿರುದ್ಧದ ಪಂದ್ಯದಿಂದ ಬುಮ್ರಾ ಔಟ್! ಏನಾಯ್ತು..?

ದೂರಿನಲ್ಲಿ ಏನಿದೆ..? 

ಇವರಿಗೆ, 
ಪೋಲಿಸ್ ಆಯುಕ್ತರು,
ಬೆಂಗಳೂರು

ವಿಷಯ: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ ರವರ ವಿರುದ್ಧ " X" (ಟ್ವಿಟ್ಟರ್) ಸಾಮಾಜಿಕ ಜಾಲತಾಣದಲ್ಲಿ ವಿಕೃತ ವೈಯಕ್ತಿಕ ನಿಂದನೆ ವಿರುದ್ಧ ದೂರು.

ಮಾನ್ಯರೇ,

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತನಾಮರಾಗಿರುವ ಶ್ರೀ ಕಿಚ್ಚ ಸುದೀಪ ರವರ ವಿರುದ್ಧ" X" (ಟ್ವಿಟ್ಟರ್) ಸಾಮಾಜಕ ಜಾಲತಾಣದಲ್ಲಿ ವಿಕೃತವಾದ ವೈಯಕ್ತಿಕ ನಿಂದನೆ ಮಾಡುವ / ಹೀಯಾಳಿಸುವ ಫೇಕ್ ಫೋಟೋಶಾಪ್ ವೀಡಿಯೋ ಹಾಗು ಫೋಟೋಗಳನ್ನು ಹರಿಬಿಡುವುದು ಅಶ್ಲೀಲ ಪದಬಳಕೆ ಮಾಡುವುದು ನಿರಂತರವಾಗಿ ನಡೆಯುತ್ತಿದೆ.

ಇದು ಕನ್ನಡ ಚಿತ್ರರಂಗದ ಕಲಾವಿದರ ನಡುವಿನ ಸಮರಕ್ಕೆ ಮತ್ತು ಸ್ಟಾರ್ ವಾರ್​ಗೆ ಕಾರಣವಲ್ಲದೆ ಅಭಿಮಾನಿಗಳ ಆಕ್ರೋಶಕ್ಕೆ ನೇರ ಕಾರಣವಾಗಿದೆ. 

ಈ ದೂರಿನ ಜೊತೆಗೆ ಲಗ್ಗತ್ತಿಸಲಾಗಿರುವ ಅಂತಹ ಹಲವಾರು ಖಾತೆಗಳು ಹಾಗು ಪೋಸ್ಟ್‌ಗಳ ವಿವರವನ್ನು ಪರೀಶೀಲಿಸಿ ಅವರ ವಿರುದ್ಧ ಈ ಕೂಡಲೆ ಕಠಿಣ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿಕೊಳ್ಳುತ್ತೇವೆ.

ಅಖಿಲ ಕರ್ನಾಟಕ ಅಭಿನಯ ಚಕ್ರವರ್ತಿ
ಕಿಚ್ಚ ಸುದೀಪ ಸೇನಾ ಸಮಿತಿ ರೀ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ