ಹೊಸ ಲುಕ್​​ನಲ್ಲೇ ಫ್ಯಾನ್ಸ್​ಗೆ ಗುಡ್​ನ್ಯೂಸ್​ ಕೊಟ್ಟ ಱಪರ್​ ಚಂದನ್​ ಶೆಟ್ಟಿ.. ಏನದು ನೀವೇ ನೋಡಿ! VIDEO

ಕನ್ನಡದ ಸ್ಟಾರ್​ ಸಿಂಗರ್​ ಚಂದನ್​ ಶೆಟ್ಟಿ ಫ್ಯಾನ್ಸ್​ಗೆ ಗುಡ್​ನ್ಯೂಸ್​ ಕೊಟ್ಟಿದ್ದಾರೆ. ಸದ್ಯದಲ್ಲೇ ಯುನಿವರ್ಸಲ್ ಬಾಸ್​ ಹಾಗೂ ಱಪರ್​ ಚಂದನ್​ ಶೆಟ್ಟಿ ಕೊಲ್ಯಾಬೋರೇಷನ್​ನಲ್ಲಿ ಸಾಂಗ್​ ಮೂಡಿ ಬರುತ್ತಿದೆ.

ಇದನ್ನೂ ಓದಿ: ‘ಕರ್ನಾಟಕಕ್ಕೆ ಬಾಡೂಟ ಹಾಕಿಸ್ತೀವಿ ಅಂದಿದ್ದಾರೆ..’ ರಾಘು ಜೊತೆಗಿನ ಮದುವೆ ಬಗ್ಗೆ ಮಾನಸ ಹೇಳಿದ್ದೇನು?

ಹೌದು, ಚಂದನ್‌ ಶೆಟ್ಟಿ ಮ್ಯೂಸಿಕ್ ಯುವ ಜನತೆಯನ್ನ ಆಕರ್ಷಿಸುತ್ತದೆ. ಅದರಲ್ಲೂ ಪಾರ್ಟಿ ಸಾಂಗ್​ಗಳು ಮೂಡಿ ಬಂದರೆ ಸಾಕು ಹುಚ್ಚೆದ್ದು ಕುಣಿಯುತ್ತಾರೆ. ಎಲ್ಲಿ ನೋಡಿದ್ರೂ, ಎಲ್ಲರ ಬಾಯಲ್ಲೂ ಚಂದನ್​ ಶೆಟ್ಟಿ ಗುನುಗುತ್ತಾ ಇರುತ್ತವೆ. ಇದೀಗ  ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡೋಕ್ಕೆ ಚಂದನ್​ ಶೆಟ್ಟಿ ಮುಂದಾಗಿದ್ದಾರೆ,

ಕ್ರಿಸ್‌ ಗೇಲ್​ ಜೊತೆಗೆ ಱಪರ್​ ಚಂದನ್ ಶೆಟ್ಟಿ

ಱಪರ್ ಚಂದನ್‌ ಶೆಟ್ಟಿ ಅವರು ಕ್ರಿಸ್‌ ಗೇಲ್‌ ಜೊತೆಗೆ ಕಾಣಿಸಿಕೊಂಡಿದ್ದಾರೆ. ʻಯೂನಿವರ್ಸಲ್‌ ಬಾಸ್‌ʼ ಕ್ರಿಸ್‌ ಗೇಲ್‌ ಹಾಗೂ ಚಂದನ್​ ಶೆಟ್ಟಿ ಕೊಲ್ಯಾಬೋರೇಷನ್‌ ಬಗ್ಗೆ ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಚಂದನ್‌ ಶೆಟ್ಟಿ ಅವರನ್ನು ಕ್ರಿಸ್​ ಗೇಲ್ ʻರಾಕ್‌ ಸ್ಟಾರ್‌ʼ ಎಂದು ಪರಿಚಯಿಸಿದ್ದಾರೆ.

View this post on Instagram

A post shared by Chandanshetty Fc (@chandanshetty_fc__)

ಚಂದನ್​ ಶೆಟ್ಟಿ ಹೊಸ ಹೊಸ ಸಾಹಸಗಳನ್ನು ಮಾಡುತ್ತಲೇ ಇರುತ್ತಾರೆ. ಅದಕ್ಕೆ ಅಭಿಮಾನಿಗಳು ಕೂಡ ಸಾಥ್ ನೀಡುತ್ತಾರೆ. ಇದೀಗ ಸಖತ್​ ಬೀಟ್‌ಗಳ ಮೂಲಕ ಗಮನ ಸೆಳೆಯುವ ಚಂದನ್​ ಶೆಟ್ಟಿ ಕ್ರಿಕೆಟ್‌ ದಿಗ್ಗಜ ಕ್ರಿಸ್‌ ಗೇಲ್‌ ಜೊತೆಗೆ ಸಾಂಗ್​ ಶೂಟ್‌ ಮಾಡುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ಈ ಹಾಡಿನ ಬಗ್ಗೆ ಇನ್ನಷ್ಟು ಮಾಹಿತಿಯನ್ನು ಹಂಚಿಕೊಳ್ಳುವುದಾಗಿ ತಿಳಿಸಿದ್ದಾರೆ. ಇದೇ ವಿಡಿಯೋ ನೋಡಿದ ಅಭಿಮಾನಿಗಳು ಸಖತ್ ಥ್ರಿಲ್​ ಆಗಿದ್ದಾರೆ. ಜೊತೆಗೆ ಅನಿರೀಕ್ಷಿತ ಕೊಲ್ಯಾಬ್‌, ಏನ್‌ ಗುರು ನಿನ್‌ ಲೆವೆಲ್‌, ವೇಯ್ಟಿಂಗ್ ಅಂತ ಕಾಮೆಂಟ್ಸ್​ ಹಾಕಿದ್ದಾರೆ. ʻಲೈಫ್‌ ಈಸ್‌ ಕಸಿನೋʼ ಸಾಂಗ್​ ರಿಲೀಸ್‌ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ