ಕೇವಲ ಮೂರು ದಿನದಲ್ಲಿ 1 ಲಕ್ಷ ಸಿಗಲಿದೆ.. ನಿಯಮ ಬದಲಿಸಿದೆ EPFO

ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್​ಒ) ಪಿಎಫ್​ನಿಂದ ಹಣ ಪಡೆಯುವ ಪ್ರಕ್ರಿಯೆಯನ್ನು ಮತ್ತಷ್ಟು ಸುಲಭಗೊಳಿಸಿದೆ. EPFO ಆಟೋ ಮೋಡ್ ಸೆಟಲ್​ಮೆಂಟ್ (auto-mode settlement) ಪ್ರಾರಂಭಿಸಿದೆ. 6 ಕೋಟಿಗೂ ಹೆಚ್ಚು ಪಿಎಫ್ ಸದಸ್ಯರು ಇದರ ಪ್ರಯೋಜನ ಪಡೆಯಲಿದ್ದಾರೆ. ಇದು ತುರ್ತು ಪರಿಸ್ಥಿತಿಯಲ್ಲಿ ಪಿಎಫ್ ಸದಸ್ಯರಿಗೆ ಮುಂಗಡವಾಗಿ ಹಣವನ್ನು ಒದಗಿಸುವ ಸೌಲಭ್ಯ ಇದಾಗಿದೆ. ಇದರ ಅಡಿಯಲ್ಲಿ ಮೂರು ದಿನಗಳಲ್ಲಿ ನಿಮ್ಮ ಬ್ಯಾಂಕ್ ಖಾತೆಗೆ ಹಣ ಬರುತ್ತದೆ.

Auto-mode settlement ಅಡಿಯಲ್ಲಿ ಉದ್ಯೋಗಿಗಳು ತಮ್ಮ ಇಪಿಎಫ್​ನಿಂದ ತುರ್ತು ಸಮಯದಲ್ಲಿ ಮುಂಗಡ ಹಣವನ್ನು ಪಡೆಯಬಹುದು. EPFO ತನ್ನ ಚಂದಾದಾರರಿಗೆ ಕೆಲವು ರೀತಿಯ ತುರ್ತು ಪರಿಸ್ಥಿತಿಗಳಿಗಾಗಿ ನಿಧಿಯಿಂದ ಹಣವನ್ನು ಹಿಂಪಡೆಯಲು ಅನುಮತಿಸುತ್ತದೆ. ಕಾಯಿಲೆ, ಚಿಕಿತ್ಸೆ, ಶಿಕ್ಷಣ, ಮದುವೆ, ಮನೆ ಖರೀದಿಗೆ ತುರ್ತಾಗಿ ಪಿಎಫ್​ ಹಣವನ್ನು ಮುಂಗಡವಾಗಿ ಪಡೆಯಬಹುದು. 2020ರಿಂದ ತುರ್ತು ಪರಿಸ್ಥಿತಿಯಲ್ಲಿ ಈ ನಿಯಮ ಜಾರಿಯಲ್ಲಿದೆ.

ಇದನ್ನೂ ಓದಿ:ಮೈದಾನದಲ್ಲಿ ಯುದ್ಧ.. ಡ್ರೆಸ್ಸಿಂಗ್​ ರೂಮ್​​ನಲ್ಲಿ ಸ್ನೇಹ..! ಆರ್​ಸಿಬಿ ಧೋನಿಗೆ ಸ್ಪೆಷಲ್ಲಾಗಿ ಕೊಟ್ಟಿದ್ದೇನು? VIDEO

ಎಷ್ಟು ಹಣ ಹಿಂಪಡೆಯಬಹುದು?
ಇಪಿಎಫ್ ಖಾತೆಯಿಂದ ಮುಂಗಡ ನಿಧಿಯನ್ನು ಹೆಚ್ಚಿಸಲಾಗಿದೆ. ಮೊದಲು ಈ ಮಿತಿ 50 ಸಾವಿರ ರೂಪಾಯಿಗಳಷ್ಟಿತ್ತು. ಅದನ್ನು ಈಗ ಒಂದು ಲಕ್ಷ ರೂಪಾಯಿಗೆ ಹೆಚ್ಚಿಸಲಾಗಿದೆ. ಆಟೋ ಸೆಟಲ್​​ಮೆಂಟ್ ಸಿಸ್ಟಮ್ ಮೂಲಕ ನಿಮ್ಮ ಖಾತೆಗೆ ಹಣವನ್ನು ವರ್ಗಾಯಿಸಲಾಗುತ್ತದೆ. ಇದಕ್ಕೆ ಯಾರಿಂದಲೂ ಅನುಮೋದನೆ ಪಡೆಯುವ ಅಗತ್ಯ ಇಲ್ಲ. ಮೂರು ದಿನಗಳಲ್ಲಿ ನಿಮ್ಮ ಖಾತೆಗೆ ಹಣ ಬರುತ್ತದೆ. ಅದಕ್ಕೆ ನೀವು ಕೆಲವು ದಾಖಲೆಗಳನ್ನು ಸಲ್ಲಿಸುವ ಅಗತ್ಯ ಇರುತ್ತೆ. ಕೆವೈಸಿ, ಕ್ಲೈಮ್ ರಿಕ್ವೆಸ್ಟ್​ ರೂಲ್ಸ್, ಬ್ಯಾಂಕ್ ಖಾತೆ ವಿವರಗಳನ್ನು ಒಳಗೊಂಡಿರುತ್ತದೆ.

ಇದನ್ನೂ ಓದಿ:CSK vs RCB ಪಂದ್ಯಕ್ಕೆ ಇದೆ ಒಂದು ಭಾವನಾತ್ಮಕ ಟಚ್.. ಕೆಲವು ಆರ್​ಸಿಬಿ ಫ್ಯಾನ್ಸ್​ ಮನದಾಳ ಇದು..!

ಮುಂಗಡವಾಗಿ ಹಣ ಹಿಂಪಡೆಯುವ ಪ್ರಕ್ರಿಯೆ

• ಮೊದಲು ನೀವು EPFO ಪೋರ್ಟಲ್​​ಗೆ ಲಾಗ್ ಇನ್ ಆಗಬೇಕು. ಇದಕ್ಕಾಗಿ ನೀವು ಯುಎಎನ್​ ಮತ್ತು ಪಾಸ್​ವರ್ಡ್​ ಅಗತ್ಯ ಇದೆ
• ಲಾಗ್ ಇನ್ ಮಾಡಿದ ನಂತರ ನೀವು ಆನ್​ಲೈನ್ ಸರ್ವೀಸ್​ಗೆ ಕ್ಲಿಕ್ ಮಾಡಬೇಕು, ನಂತರ ಕ್ಲೈಮ್ ವಿಭಾಗವನ್ನು ಆಯ್ಕೆ ಮಾಡಬೇಕು
• ನಂತರ ಬ್ಯಾಂಕ್ ಖಾತೆಯನ್ನು ಪರಿಶೀಲಿಸಬೇಕಾಗುತ್ತದೆ. ಈ ಬ್ಯಾಂಕ್ ಖಾತೆಗೆ ಮುಂಗಡ ಹಣ ಬರುತ್ತದೆ
• ಈಗ ನೀವು ನಿಮ್ಮ ಬ್ಯಾಂಕ್ ಖಾತೆಯ ಖಾತರಿಗೆ ಚೆಕ್ ಅಥವಾ ಪಾಸ್​ಬುಕ್ ಪ್ರತಿಯನ್ನು ಅಪ್​ಲೋಡ್ ಮಾಡಬೇಕು
• ನಂತರ ನೀವು ಹಣವನ್ನು ಹಿಂಪಡೆಯಲು ಬಯಸುವ ಕಾರಣವನ್ನು ಹೇಳಬೇಕಾಗುತ್ತದೆ

ಇದನ್ನೂ ಓದಿ:ಇವತ್ತು ಮುಂಬೈ ವಿರುದ್ಧ ಲಕ್ನೋ ಗೆದ್ದರೆ RCB ಪ್ಲೇ ಆಫ್ ಹಾದಿಗೆ ಪೆಟ್ಟು ಬೀಳುತ್ತಾ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ