ವಿರಾಟ್ ಕೊಹ್ಲಿ ರಿಟೈರ್​​ಮೆಂಟ್​​ಗೆ ಆಗ್ರಹಿಸಿದ ಫ್ಯಾನ್ಸ್! ಇವರ ಬೇಸರಕ್ಕೆ ಕಾರಣ?

ಮಾಡ್ರನ್ ಡೇ ಕ್ರಿಕೆಟ್​ನ ದೇವರು ವಿರಾಟ್​ ಕೊಹ್ಲಿಯ ಆಟಕ್ಕೆ ಕುಣಿದು ಕುಪ್ಪಳಿಸಿದ್ದ ಫ್ಯಾನ್ಸ್​, ಇದೀಗ ನಿಮ್ಮ ಆಟ ಸಾಕಪ್ಪ ಅಂತಿದ್ದಾರೆ. ಈ ವರ್ಷದಲ್ಲಂತೂ ವೈಫಲ್ಯದ ಹಾದಿ ಹಿಡಿದಿರೋ ವಿರಾಟ್​, ರನ್​ಗಳಿಕೆಗೆ ಪರದಾಟ ನಡೆಸ್ತಿದ್ದಾರೆ. ಕೊಹ್ಲಿ ಆಟವನ್ನ ಎಂಜಾಯ್​ ಮಾಡ್ತಿದ್ದ ಫ್ಯಾನ್ಸ್​, ಇದ್ರಿಂದ ಆಗಿರೋ ಬೇಸರ ಅಷ್ಟಿಷ್ಟಲ್ಲ. ಕೊಹ್ಲಿಯ ಈ ವೈಫಲ್ಯಕ್ಕೆ ಕಾರಣ ಇದೆ. ಆ ಕಾರಣ ಏನು..? ಇಲ್ಲಿದೆ ಓದಿ.

1 + 17 = 18.. ನಾವ್ ಹೇಳ್ತಿರೋದು ಕಿಂಗ್ ಕೊಹ್ಲಿಯ ಜೆರ್ಸಿ ನಂಬರ್​ನ ಕಥೆಯಲ್ಲ. ಇದು ವಿರಾಟ್​ ಕೊಹ್ಲಿ ಫೇವರಿಟ್ ಗ್ರೌಂಡ್ ಪುಣೆಯಲ್ಲಿ ಗಳಿಸಿದ ರನ್​ನ ಕಥೆ.! ವ್ಯಥೆ.!

ಹೌದು! ನ್ಯೂಜಿಲೆಂಡ್​ ಎದುರಿನ ಬೆಂಗಳೂರು ಟೆಸ್ಟ್​ನ 2ನೇ ಇನ್ನಿಂಗ್ಸ್​ನಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದ ಕೊಹ್ಲಿ, ಪುಣೆಯಲ್ಲಿ ಪವರ್ ಫುಲ್ ಕಮ್​ಬ್ಯಾಕ್ ಮಾಡ್ತಾರೆ ಎಂಬ ನಿರೀಕ್ಷೆ ಎಲ್ಲರಲ್ಲೂ ಇತ್ತು. ಆದ್ರೆ, ಈ ನಿರೀಕ್ಷೆ ಹುಸಿಯಾಯ್ತು. ರನ್​ಗಳಿಸೋದು, ಸೆಂಚುರಿ ಸಿಡಿಸೋ ನಿರೀಕ್ಷೆಯನ್ನ ಬಿಟ್​ ಬಿಡಿ. ಮಿಚೆಲ್ ಸ್ಯಾಂಟ್ನರ್​ಗೆ ವಿಕೆಟ್​ ಒಪ್ಪಿಸಿದ ರೀತಿ ಇತ್ತಲ್ಲ ಅದಂತೂ ಹೀನಾಯವಾಗಿತ್ತು.

ಇದನ್ನೂ ಓದಿ: WTC ಅಂಕಪಟ್ಟಿಯಲ್ಲಿ ಟೀಮ್ ಇಂಡಿಯಾ ಕುಸಿತ.. ರೋಹಿತ್ ಪಡೆಗೆ ಫೈನಲ್ ಮತ್ತಷ್ಟು ಕಷ್ಟ.. ಕಷ್ಟ!

ಕೊಹ್ಲಿ ಔಟಾದ ರೀತಿಗೆ ಅಭಿಮಾನಿಗಳ ಆಕ್ರೋಶದ ಕಟ್ಟೆ ಒಡೆದಿದೆ. ಟೀಕೆಗಳು ಕೇಳಿ ಬರ್ತಿವೆ. ಅಷ್ಟೇ ಅಲ್ಲ.! ದಿಗ್ಗಜ ಕ್ರಿಕೆಟಿಗರು ಕೂಡ ವಿರಾಟ್​ ವೈಫಲ್ಯದ ಬಗ್ಗೆ ಡಿಬೇಟ್ ನಡೆಸ್ತಿದ್ದಾರೆ. ಇದ್ರ ನಡುವೆ ಲೆಜೆಂಡರಿ ಕ್ರಿಕೆಟಿಗ ಅನಿಲ್ ಕುಂಬ್ಳೆ, ವಿರಾಟ್​ ವೈಫಲ್ಯದ ಹಿಂದಿನ ಸಿಕ್ರೇಟ್ ರಿವೀಲ್ ಮಾಡಿದ್ದಾರೆ.

Virat Kohli was heartbroken the way he got out yesterday at Pune. ??pic.twitter.com/HkoLeJa0zb

— Tanuj Singh (@ImTanujSingh)

Virat Kohli was heartbroken the way he got out yesterday at Pune. 🥺💔pic.twitter.com/HkoLeJa0zb

— Tanuj (@ImTanujSingh) October 27, 2024

">October 27, 2024

‘ದೇಶಿ ಕ್ರಿಕೆಟ್​ನಲ್ಲಿ ಆಡಿದ್ರೆ ಉಪಯೋಗವಾಗ್ತಿತ್ತು’

ಕೇವಲ ನೆಟ್ ಪ್ರಾಕ್ಟೀಸ್ ಮಾಡುವುದಕ್ಕಿಂತ, ದೇಶಿ ಕ್ರಿಕೆಟ್‌ನಲ್ಲಿ ಒಂದೆರಡು ಇನ್ನಿಂಗ್ಸ್‌ ಆಡಿದ್ದರೂ, ವಿರಾಟ್ ಕೊಹ್ಲಿಗೆ ತುಂಬಾನೇ ಪ್ರಯೋಜನವಾಗುತ್ತಿತ್ತು. ಸ್ಪಿನ್ನರ್‌ಗಳ ಎದುರು ವಿರಾಟ್ ಕೊಹ್ಲಿ ರನ್​ಗಳಿಸಲು ಪರದಾಡುತ್ತಿರುವುದಕ್ಕೆ ಇದೊಂದೇ ಕಾರಣ ಎಂದು ಹೇಳಲಾರೆ. ಆದ್ರೆ, ಮ್ಯಾನೇಜ್‌ಮೆಂಟ್​ನ ಒಪ್ಪಿಸಿ ಮೊದಲೇ ದೇಶಿ ಕ್ರಿಕೆಟ್ ಪಂದ್ಯಗಳನ್ನಾಡಿದ್ರೆ, ಅನುಕೂಲವಾಗ್ತಿತ್ತು.
ಅನಿಲ್ ಕುಂಬ್ಳೆ, ಮಾಜಿ ಆಟಗಾರ.

ಇದನ್ನೂ ಓದಿ: ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ಕೈಕೊಟ್ಟ ಕೋಚ್​​; ಗೌತಮ್ ಗಂಭೀರ್​ಗೆ ಏನಾಯ್ತು..?

ದಿಗ್ಗಜ ಅನಿಲ್ ಕುಂಬ್ಳೆ ಅಭಿಪ್ರಾಯದಲ್ಲಿ ತಪ್ಪಿಲ್ಲ. ಯಾಕಂದ್ರೆ, ಕಿಂಗ್ ಕೊಹ್ಲಿ ಎಂದು ಕರೆಸಿಕೊಳ್ಳುವ ಈ ಮಾಡ್ರನ್ ಡೇ ದಿಗ್ಗಜನ ಆಟ ಇಂದು ಅಷ್ಟರ ಮಟ್ಟಿಗೆ ಕುಸಿದಿದೆ. ಕಾನ್ಪಿಡೆನ್ಸ್​ ಮಾಯವಾಗಿದೆ. ಪರದಾಟ ಸಾಮಾನ್ಯ ಅನ್ನಿಸಿ ಬಿಟ್ಟಿದೆ. ಮೊದಲಿದ್ದ ಕೊಹ್ಲಿ ಬ್ಯಾಟಿಂಗ್ ಖದರ್​​ಗೂ ಈಗಿರೋ ಬ್ಯಾಟಿಂಗ್​ಗೂ ಅಜಗಜಾಂತರ ವ್ಯತ್ಯಾಸವಿದೆ. ಇದ್ರಿಂದಾಗಿ ವಿರಾಟ್ ಕೊಹ್ಲಿಯ​ ನಡೆ ಹಾಗೂ ಕಮಿಟ್ಮೆಂಟ್​ನ ಪ್ರಶ್ನೆ ಮಾಡುವಂತಾಗಿದೆ.

ಬೇರೆಯವರಿಗೊಂದು ನ್ಯಾಯ.. ಕೊಹ್ಲಿಗೊಂದು ನ್ಯಾಯ..?

ಕಳೆದ ಬಾಂಗ್ಲಾದೇಶ ವಿರುದ್ಧದ ಸಿರೀಸ್ ಆರಂಭಕ್ಕೂ ಮುನ್ನ 2 ತಿಂಗಳು ಟೀಮ್ ಇಂಡಿಯಾ ಆಟಗಾರರು ರೆಸ್ಟ್​ನಲ್ಲಿದ್ದರು. ಈ ವೇಳೆ ಟೀಮ್​ ಮ್ಯಾನೇಜ್​ಮೆಂಟ್​ ಕೆಲ ಆಟಗಾರರಿಗೆ ಇರಾನಿ ಕಪ್​ ಆಡುವಂತೆ ಸೂಚನೆಯನ್ನ ನೀಡಿತ್ತು. ಅದರಂತೆ ಕೆ.ಎಲ್.ರಾಹುಲ್, ರಿಷಭ್ ಪಂತ್, ಶುಭ್​ಮನ್ ಗಿಲ್, ಯಶಸ್ವಿ ಜೈಸ್ವಾಲ್ ಇರಾನಿ ಟ್ರೋಫಿಯನ್ನಾಡಿ ಆ ಬಳಿಕ ಬಾಂಗ್ಲಾ ಟೆಸ್ಟ್​ ಸರಣಿಗೆ ಬಂದ್ರು. ಆದ್ರೆ, ಇರಾನಿ ಕಪ್​​ನಿಂದ ದೂರ ಉಳಿದಿದ್ದ ವಿರಾಟ್​​​​​ ಹಾಗೂ ರೋಹಿತ್ ಶರ್ಮಾ ಕೇವಲ ಅಭ್ಯಾಸವನ್ನಷ್ಟೇ ನಡೆಸಿ ಬಾಂಗ್ಲಾ ಎದುರು ಕಣಕ್ಕಿಳಿದಿದ್ದರು. ಆನ್​ಫೀಲ್ಡ್​ ಇವರು ಎಂತಾ ಪರ್ಫಾಮೆನ್ಸ್​ ನೀಡಿದ್ದಾರೆ ಅನ್ನೋದು ನಿಮಗೆ ಗೊತ್ತು. ಕೇವಲ ಫಾರ್ಮ್​ ಮಾತ್ರವಲ್ಲ. ಇಲ್ಲಿ ಕಮಿಟ್​ಮೆಂಟ್​ನ ಪ್ರಶ್ನೆಯೂ ಹುಟ್ಟಿದೆ. ಇತರೆ ಆಟಗಾರರಿಗೊಂದು ನ್ಯಾಯ? ಸೂಪರ್ ಸ್ಟಾರ್​ಗಳಿಗೊಂದು ನ್ಯಾಯನಾ ಎಂಬ ಚರ್ಚೆ ನಡಿತಿದೆ.

ಸೂಪರ್ ಸ್ಟಾರ್ ಡೊಮೆಸ್ಟಿಕ್ ಆಡಬಾರದಾ..?

2012, ನವೆಂಬರ್. ಉತ್ತರ ಪ್ರದೇಶ ಎದುರು ರಣಜಿ ಪಂದ್ಯವನ್ನಾಡಿದ್ದೆ ಕೊನೆ. ಆ ಬಳಿಕ ವಿರಾಟ್, ದೇಶಿ ಕ್ರಿಕೆಟ್​ನಲ್ಲಿ ಕೊಹ್ಲಿ ಒಂದೇ ಒಂದು ಪಂದ್ಯ ಆಡಿಲ್ಲ. ವೈಫಲ್ಯ ಹಾದಿ ತುಳಿದಾಗಲೂ ಸ್ಟಾರ್ ಕ್ರಿಕೆಟರ್ ಎಂಬ ಮತ್ತಲ್ಲಿದ್ದ ಕಾರಣಕ್ಕೋ ಏನೋ ದೇಶಿ ಕ್ರಿಕೆಟ್​ನ ಆಡಲಿಲ್ಲ. ಆದ್ರೆ, ಅಂದು ಎಲ್ಲವನ್ನು ನೋಡಿದ್ದ ಸಚಿನ್ ತೆಂಡುಲ್ಕರ್​, ತನ್ನ 40ನೇ ವರ್ಷದಲ್ಲಿ 2013ರ ವೆಸ್ಟ್ ಇಂಡೀಸ್ ಎದುರಿನ ಟೆಸ್ಟ್ ಸರಣಿಗೂ ಮುನ್ನ ಹರಿಯಾಣ ಎದುರು ರಣಜಿ ಪಂದ್ಯವನ್ನಾಡಿದ್ದರು. ಆದ್ರೆ, ವಿರಾಟ್, ತಾನು ಹತ್ತಿ ಬಂದ ರಣಜಿ ಎಂಬ ಏಣಿಯನ್ನೇ ಮರೆತಂತಿದೆ.

ದೇಶಿ ಕ್ರಿಕೆಟ್ ಆಡಿದ್ರೆ, ಫಾರ್ಮ್ ಸಮಸ್ಯೆ ಬರ್ತಿಲಿಲ್ವಾ..?

ಕಳೆದೊಂದು ವರ್ಷದಿಂದ ಫಾರ್ಮ್​ ಸಮಸ್ಯೆ ಅನುಭವಿಸ್ತಿರುವ ವಿರಾಟ್, ಸ್ಪಿನ್ನರ್​​ಗಳಿಗೆ ಸುಲಭದ ತುತ್ತಾಗ್ತಿದ್ದಾರೆ. ವಿಕ್ನೇಸ್​​​​​​​​​​​​​​​ ಸರಿಪಡಿಸಿಕೊಳ್ಳಲು ದೇಶಿ ಕ್ರಿಕೆಟ್​​ ಎಂಬ ಪರಿಹಾರದ ದಾರಿ ವಿರಾಟ್ ಮುಂದಿತ್ತು. ಈ ಹಿಂದೆ ಫಾರ್ಮ್​ ಸಮಸ್ಯೆ ಅನುಭವಿಸಿದ್ದ ಭಾರತದ ಹಲವು ದಿಗ್ಗಜರು ದೇಶಿ ಕ್ರಿಕೆಟ್​ಗೆ ತೆರಳಿ ಕಮ್​​ಬ್ಯಾಕ್ ಮಾಡಿದ್ದಿದೆ. ಆದ್ರೆ, ಇದ್ಯಾವುದನ್ನು ಗಣನೆಗೆ ತೆಗೆದುಕೊಳ್ಳದ ವಿರಾಟ್​, ಬ್ರೇಕ್​ ಸಿಕ್ರೆ ಸಾಕು ಲಂಡನ್​ಗೆ ಹಾರ್ತಾರೆ.

ಕೊಹ್ಲಿ ಫಾರ್ಮ್​ಗೆ ಮರಳಲು ಇನ್ನೆಷ್ಟು ದಿನ ಕಾಯಬೇಕು.?

2023.. ಜುಲೈ, ವೆಸ್ಟ್​ ಇಂಡೀಸ್ ಎದುರು ಟೆಸ್ಟ್​ ಕ್ರಿಕೆಟ್​ನಲ್ಲಿ ಶತಕ ಸಿಡಿಸಿದ್ದ ಕೊಹ್ಲಿ, ಈ ಬಳಿಕ ಹೇಳಿಕೊಳ್ಳುವಂತ ಆಟವಾಡಿಲ್ಲ. ಹೋಮ್ ಕಂಡೀಷನ್ಸ್​ನಲ್ಲೂ ಕೊಹ್ಲಿಯ ಪರದಾಟ ನೋಡಿ ಬೇಸತ್ತಿರುವ ಕೆಲ ಫ್ಯಾನ್ಸ್​, ಸದ್ಯ ಗೌರವದಿಂದ ನಿವೃತ್ತಿ ಹೇಳುವಂತೆ ಒತ್ತಾಯಿಸುತ್ತಿದ್ದಾರೆ. ಕೊಹ್ಲಿಯ ಆಟ ಅಷ್ಟು ಬೇಸರ ತರಿಸಿದೆ. ಮುಂಬರುವ ಆಸಿಸ್ ಪ್ರವಾಸಕ್ಕೂ ಮುನ್ನವಾದ್ರೂ ಎಚ್ಚೆತ್ತುಕೊಂಡು ಕೊಹ್ಲಿ, ವೀಕ್ನೆಸ್​​ ಮೇಲೆ ವರ್ಕೌಟ್​ ಮಾಡಬೇಕಿದೆ. ಆಸ್ಟ್ರೇಲಿಯಾ ಆಟಗಾರರಂತೆ ದೇಶಿ ಕ್ರಿಕೆಟ್​ಗೆ ಮರಳಿ ಸಮಸ್ಯೆಗೆ ಪರಿಹಾರ ಕಂಡುಕೊಂಡ್ರೆ, ಕೊಹ್ಲಿ ಏನು ಸಣ್ಣವರಾಗಲ್ಲ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ