ಸ್ಮೃತಿ ಮಂದಾನ, ಶ್ರೇಯಾಂಕ ಪಾಟೀಲ್ ಮತ್ಯಾರಿಗೆ ಸ್ಥಾನ?

ದುಬೈ ಹಾಗೂ ಶಾರ್ಜಾದಲ್ಲಿ ಟಿ-20 ವಿಶ್ವಕಪ್ ಪಂದ್ಯ ಆಯೋಜನೆ

ಹರ್ಮನ್ ಪ್ರೀತ್ ಕೌರ್​ ಟೀಂ ಇಂಡಿಯಾದ ನಾಯಕಿ

ಐಸಿಸಿ ಮಹಿಳಾ ಟಿ-20 ವಿಶ್ವಕಪ್​ಗೆ ಟೀಂ ಇಂಡಿಯಾ ಪ್ರಕಟವಾಗಿದೆ. ಮತ್ತೊಮ್ಮೆ ಹರ್ಮನ್ ಪ್ರೀತ್ ಕೌರ್ ತಂಡವನ್ನು ಮುನ್ನಡೆಸಲಿದ್ದಾರೆ. ಈ ಬಾರಿಯ ಟಿ-20 ವಿಶ್ವಕಪ್​ ಅನ್ನು ಬಾಂಗ್ಲಾದೇಶ ಆತಿಥ್ಯ ವಹಿಸಿದೆ. ಆದರೆ ಬಾಂಗ್ಲಾದೇಶದ ಪರಿಸ್ಥಿತಿ ಸರಿ ಇಲ್ಲದ ಕಾರಣ ಪಂದ್ಯಗಳು ದುಬೈ ಹಾಗೂ ಶಾರ್ಜಾದಲ್ಲಿ ಆಯೋಜನೆಗೊಂಡಿವೆ. ವಿಶೇಷ ಅಂದರೆ ಟೀಂ ಇಂಡಿಯಾ ಪ್ರಕಟಿಸಿದ ತಂಡದಲ್ಲಿ ಐವರು ಆಟಗಾರರು ಆರ್​ಸಿಬಿ ತಂಡದವರು ಅನ್ನೋದು ವಿಶೇಷವಾಗಿದೆ.

ಇದನ್ನೂ ಓದಿ:ಕ್ರಿಕೆಟ್ ಜಗತ್ತಿಗೆ ಜಯ್ ಶಾ ಬಾಸ್.. ತೆರವಾದ BCCI ಕಾರ್ಯಾಧ್ಯಕ್ಷ ಸ್ಥಾನದ ರೇಸ್​​ನಲ್ಲಿ ಮೂವರು..!

• ಸ್ಮೃತಿ ಮಂದಾನ: ಇವರು ಆರ್​ಸಿಬಿ ತಂಡದ ನಾಯಕಿ. ಆರ್​ಸಿಬಿ ಪರ 18 ಪಂದ್ಯಗಳನ್ನು ಆಡಿದ್ದು, 449 ರನ್​ಗಳಿಸಿದ್ದಾರೆ. ಇದರಲ್ಲಿ ಎರಡು ಅರ್ಧ ಶತಕ ಕೂಡ ಸೇರಿದೆ. ಕಳೆದ ಬಾರಿ ಆರ್​ಸಿಬಿಗೆ ಕಪ್ ತಂದುಕೊಟ್ಟ ನಾಯಕಿ.
• ರಿಚಾ ಘೋಷ್: ರಿಚಾ ಘೋಷ್ ಅದ್ಭುತ ಬ್ಯಾಟರ್. 2024ರ ಐಪಿಎಲ್​​ನಲ್ಲಿ ಆರ್​ಸಿಬಿ ಪರ ಅದ್ಭುತ ಇನ್ನಿಂಗ್ಸ್ ಆಡಿದರು. ಇಲ್ಲಿಯವರಗೆ 18 ಪಂದ್ಯಗಳನ್ನು ಆಡಿ 395 ರನ್​ಗಳಿಸಿದ್ದಾರೆ.
• ಶ್ರೇಯಾಂಕ ಪಾಟೀಲ್: ಕನ್ನಡತಿ ಶ್ರೇಯಾಂಕ ಪಾಟೀಲ್ ಅದ್ಭುತ ಬೌಲರ್. ಆರ್​ಸಿಬಿ ಪರ 15 ಪಂದ್ಯಗಳನ್ನು ಆಡಿರುವ ಅವರು, 19 ವಿಕೆಟ್​ಗಳನ್ನು ಪಡೆದುಕೊಂಡಿದ್ದಾರೆ. ಇವರು ಕೂಡ ಟಿ-20 ವಿಶ್ವಕಪ್ ಆಡ್ತಿದ್ದಾರೆ.
• ರೇಣುಕಾ ಸಿಂಗ್: ವೇಗದ ಬೌಲಿಂಗ್ ಮೂಲಕ ಟೀಂ ಇಂಡಿಯಾದಲ್ಲಿ ರೇಣುಕಾಸಿಂಗ್ ಹೆಸರು ಮಾಡಿದ್ದಾರೆ. ಆರ್​ಸಿಬಿ ಪರ 16 ಪಂದ್ಯಗಳನ್ನು ಆಡಿದ್ದಾರೆ.
• ಆಶಾ ಶೋಭಾನಾ: ಇವರು ಮಹಿಳಾ ಐಪಿಎಲ್​ನಲ್ಲಿ ಆರ್​ಸಿಬಿ ಪರ ಆಡುತ್ತಿದ್ದಾರೆ. ಇಲ್ಲಿಯವರಗೆ 15 ಪಂದ್ಯಗಳನ್ನು ಆಡಿರುವ ಅವರು 17 ವಿಕೆಟ್ ಪಡೆದುಕೊಂಡಿದ್ದಾರೆ. ಇದೀಗ 2024ರ ಟಿ-20 ವಿಶ್ವಕಪ್​​ಗೆ ಸ್ಥಾನ ಪಡೆದುಕೊಂಡಿದ್ದಾರೆ.

ಟೀಂ ಇಂಡಿಯಾ: ಹರ್ಮನ್ ಪ್ರೀತ್ ಕೌರ್, ಸ್ಮೃತಿ ಮಂದಾನ, ಸೆಫಾಲಿ ವರ್ಮಾ, ದೀಪ್ತಿ ಶರ್ಮಾ, ಜೆ.ರೊಡ್ರಿಗಸ್, ರಿಚಾ ಘೋಷ್, ವೈ.ಭಾಟಿಯಾ, ಪಿ. ವಸ್ತ್ರಕರ್, ಎ.ರೆಡ್ಡಿ, ರೇಣುಕಾಸಿಂಗ್ ಠಾಕೂರ್, ಹೇಮಲತಾ, ಶೋಭಾನಾ, ಆರ್.ಯಾದವ್, ಶ್ರೇಯಾಂಕ ಪಾಟೀಲ್, ಎಸ್​.ಸಂಜೀವನ್

ಇದನ್ನೂ ಓದಿ:ಈ ಆಟಗಾರರಿಗೆ ರೋಹಿತ್ ಶರ್ಮಾ ಕೊಟ್ರು ಎಚ್ಚರಿಕೆ; ಯಂಗ್​​ಸ್ಟರ್​ ಕಲಿಯೋದು ತುಂಬಾನೇ ಇದೆ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್