ವೀಕ್ಷಕರಿಗೆ ಮತ್ತೊಂದು ಬಿಗ್​ ಅಪ್ಡೇಟ್; ದೊಡ್ಡ ಮಟ್ಟದಲ್ಲಿ ಸದ್ದು ಮಾಡೋಕೆ ಸಜ್ಜಾದ ರಿಯಾಲಿಟಿ ಶೋ

ರಿಯಾಲಿಟಿ ಶೋಗಳು ದೊಡ್ಡ ಮಟ್ಟದಲ್ಲಿ ಲಾಂಚ್ ಮಾಡೋದ್ರಲ್ಲಿ ಜೀ ವಾಹಿನಿ ಒಂದು ಹೆಜ್ಜೆ ಮುಂದೆ ಅಂತನೇ ಹೇಳಬಹುದು. ಮೊನ್ನೆಯಷ್ಟೇ ಹೊಸ ಟೀಸರ್​ ಲಾಂಚ್​ ಮಾಡಿತ್ತು. ಕಿರುತೆರೆಯ ಬಿಗ್ಗೆಸ್ಟ್​ ಶೋ ಬರ್ತಿದೆ ಅನ್ನೋದರ ಬಗ್ಗೆ ಅಲರ್ಟ್​ ವೀಕ್ಷಕರಿಗೆ ಕೊಟ್ಟಿದೆ. ಈ ಶೋ ಫಾರ್ಮೆಟ್​ ಬಗ್ಗೆ ನಮಗೆ ಸುಳಿವು ಸಿಕ್ಕಿದೆ.

ಇದನ್ನೂ ಓದಿ: ಕಿರುತೆರೆಗೆ ಲಗ್ಗೆ ಇಡ್ತಿದೆ ಮತ್ತೊಂದು ‘ಮಜಾ ಕೆಫೆ’; ಹೊಚ್ಚ ಹೊಸ ರಿಯಾಲಿಟಿ ಶೋ ಅತಿಥಿ ಇವರೇ ನೋಡಿ

ಇದೊಂದು ಪಕ್ಕಾ ಗೇಮ್​ ಶೋ ಆಗಿದೆ. ಮನರಂಜನೆ ಜೊತೆಗೆ ರೋಚಕ ಆಟಗಳನ್ನ ನೋಡಬಹುದು. ಈ ಹಿಂದೆ ಕಲರ್ಸ್ ವಾಹಿನಿಯಲ್ಲಿ ಪ್ರಸಾರವಾಗಿದ್ದ ಫ್ಯಾಮಿಲಿ ಗ್ಯಾಂಗ್​ಸ್ಟಾರ್​ ಮಾದರಿಯಲ್ಲೇ ಈ ಹೊಸ ಶೋನ ಪ್ಲ್ಯಾನ್​ ಮಾಡಿದೆಯಂತೆ ತಂಡ. ಈಗಾಗಲೇ ಶೋ ಪ್ರಿಪರೇಷನ್​ ಶುರುವಾಗಿದ್ದು ಇನ್ನೆರಡು ವಾರದಲ್ಲಿ ಲಾಂಚ್​ ಆಗಲಿದೆ.

ಮತ್ತೊಂದು ಮಾಹಿತಿ ಸಿಕ್ಕಿದೆ. ಅದೆನೆಂದರೆ ಪುನೀತ್​ ರಾಜ್​ಕುಮಾರ್​ ಅವರು ನಡೆಸಿಕೊಡ್ತಿದ್ದ ಫ್ಯಾಮಿಲಿ ಪವರ್​ ಫಾರ್ಮೆಟ್​ನ ಝಲಕ್​ ಕೂಡ ಶೋನಲ್ಲಿ ಇರಲಿದೆ ಎಂಬುವುದು ಮೂಲಗಳಿಂದ ತಿಳಿದು ಬಂದಿದೆ. ಸೀರಿಯಲ್​ ಕಲಾವಿದರನ್ನೇ ಒಂದೊಂದು ಗ್ರೂಪ್​ ಆಗಿ ಮಾಡಿ ಗೇಮ್​ ಅಡ್ಡದಲ್ಲಿ ಬಿಡೋ ಚಾನ್ಸ್​ ಇದೆ.

ಜೊತೆಗೆ ಶೋನಲ್ಲಿ ಭಾಗವಹಿಸೋಕೆ ವೀಕ್ಷಕರಿಗೂ ಅವಕಾಶ ಕೊಡೋ ಸಾಧ್ಯತೆ ಇದೆ. ಅಂದ್ಹಾಗೆ ಶೋ ಹೊಸ್ಟ್​ ಆಗಿ ಅಕುಲ್​ ಬಾಲಾಜಿ ಅಥವಾ ಸ್ಟಾರ್​ ನಟ ಬರೋ ಚಾನ್ಸ್​ ಇದೆ. ಸರಿಗಮಪ ಶೋ ಶುರುವಾಗ್ತಿರೋದ್ರಿಂದ ಅನುಶ್ರೀ ಅವರು ಡಿಕೆಡಿ ಹಾಗೂ ಸರಿಗಮಪ ಎರಡರಲ್ಲೂ ಇರೋ ಕಾರಣದಿಂದ ಅನುಶ್ರೀ ನಡೆಸಿಕೊಡೋದು ಡೌಟು. ಒಟ್ಟಿನಲ್ಲಿ ಇದೊಂದು ಪಕ್ಕಾ ಗೇಮ್​ ಎಂಟರ್​ನ್ಮೆಂಟ್​ ಶೋ ಆಗಿದ್ದು. ಇದರಿಂದ ವೀಕ್ಷಕರಿಗೆ ಭರ್ಜರಿ ಮನರಂಜನೆ ಸಿಗುವುದರಲ್ಲಿ ಡೌಟೇ ಇಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ