ಪ್ರತಿದಿನ ಬೆಳಗ್ಗೆ 'ಖಾಲಿ ಹೊಟ್ಟೆಯಲ್ಲಿ' ಎಳನೀರು ಕುಡೀರಿ.. ಆರೋಗ್ಯದಲ್ಲಿ ಆಗುವ ಚಮತ್ಕಾರ ಆನಂದಿಸಿ..

ಬೇಸಿಗೆಯ ಬಿಸಿಲು ಶುರುವಾಗಿದೆ. ಬಿಸಿಲಿನ ಬೇಗೆಯಿಂದ ಪಾರಾಗಲು, ಅತಿಯಾದ ಬೆವರು ಮತ್ತು ಸುಸ್ತಿನಿಂದ ಪರಿಹಾರ ಪಡೆಯಲು ಪ್ರಕೃತಿ ನೀಡಿರುವ ವರದಾನವೇ ಎಳನೀರು (Coconut water). ಆದರೆ, ಎಳನೀರನ್ನು ಯಾವಾಗ ಬೇಕಾದರೂ ಕುಡಿಯುವ ಬದಲು, ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯುವುದರಿಂದ ಅದ್ಭುತವಾದ ಆರೋಗ್ಯ ಪ್ರಯೋಜನಗಳಿವೆ ಎನ್ನುತ್ತಾರೆ ಆರೋಗ್ಯ ತಜ್ಞರು. ಡಯಟೀಶಿಯನ್ ಡಾ. ಅನಾಮಿಕಾ ಕೌರ್ ಅವರ ಪ್ರಕಾರ, ಎಳನೀರು ನಮ್ಮ ದೇಹಕ್ಕೆ ನೈಸರ್ಗಿಕ ಎನರ್ಜಿ ಡ್ರಿಂಕ್ (Natural Energy Drink) ನಂತೆ ಕೆಲಸ ಮಾಡುತ್ತದೆ.

ಇದನ್ನೂ ಓದಿ:ದಕ್ಷಿಣ ಭಾರತದ ಅತಿದೊಡ್ಡ ಶಿರಸಿ ಜಾತ್ರೆಗೆ ಅದ್ದೂರಿ ಚಾಲನೆ: ಭಕ್ತ ಸಾಗರದ ನಡುವೆ ರಥಾರೂಢಳಾದ ಶ್ರೀ ಮಾರಿಕಾಂಬೆ

ಖಾಲಿ ಹೊಟ್ಟೆಯಲ್ಲಿ ಎಳನೀರು ಕುಡಿದ್ರೆ ಏನೆಲ್ಲ ಲಾಭ..? 

ದೇಹಕ್ಕೆ ರೀ-ಹೈಡ್ರೇಶನ್ (Re-hydration): ರಾತ್ರಿಯ ನಿದ್ದೆಯಲ್ಲಿ ನಮ್ಮ ದೇಹ ಕಳೆದುಕೊಂಡ ನೀರಿನಂಶವನ್ನು ಮರಳಿ ತುಂಬಲು ಎಳನೀರು ಅತ್ಯುತ್ತಮ. ಇದರಲ್ಲಿರುವ ಎಲೆಕ್ಟ್ರೋಲೈಟ್‌ಗಳು (Electrolytes) ದೇಹಕ್ಕೆ ತಕ್ಷಣದ ಶಕ್ತಿ ಹಾಗೂ ಚೈತನ್ಯವನ್ನು ನೀಡುತ್ತವೆ.
ಜೀರ್ಣಕ್ರಿಯೆ ಸುಧಾರಣೆ: ಖಾಲಿ ಹೊಟ್ಟೆಯಲ್ಲಿ ಎಳನೀರು ಸೇವಿಸುವುದರಿಂದ ಜೀರ್ಣಾಂಗ ವ್ಯವಸ್ಥೆ ಸಂಪೂರ್ಣವಾಗಿ ಸ್ವಚ್ಛವಾಗುತ್ತದೆ. ಆಸಿಡಿಟಿ (Acidity), ಗ್ಯಾಸ್ಟ್ರಿಕ್ ಮತ್ತು ಹೊಟ್ಟೆ ಉಬ್ಬರದಂತಹ ಸಮಸ್ಯೆಗಳಿಂದ ತ್ವರಿತ ಮುಕ್ತಿ ಸಿಗುತ್ತದೆ.

ಇದನ್ನೂ ಓದಿ:ಶಿಕಾರಿಪುರದಲ್ಲಿ BSY ಹುಟ್ಟುಹಬ್ಬದ ಸಂಭ್ರಮಕ್ಕೆ ಸಿದ್ಧತೆ.. ಶಕ್ತಿ ಪ್ರದರ್ಶನಕ್ಕೆ ಬಿವೈವಿ ಭರ್ಜರಿ ಪ್ಲಾನ್..!

ರಕ್ತದೊತ್ತಡ (BP) ನಿಯಂತ್ರಣ: ಎಳನೀರಿನಲ್ಲಿ ಸಮೃದ್ಧವಾಗಿರುವ ಪೊಟ್ಯಾಸಿಯಮ್ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ. ಇದು ಹೃದಯದ ಆರೋಗ್ಯಕ್ಕೂ ತುಂಬಾ ಒಳಿತು.

ತ್ವಚೆಯ ಸೌಂದರ್ಯ ವೃದ್ಧಿ: ದೇಹದಲ್ಲಿರುವ ವಿಷಕಾರಿ ತ್ಯಾಜ್ಯಗಳನ್ನು (Toxins) ಹೊರಹಾಕುವ ಮೂಲಕ ತ್ವಚೆ ಕಾಂತಿಯುತವಾಗಿ ಹೊಳೆಯುವಂತೆ ಮಾಡುತ್ತದೆ. ಆಯಾಸ ಕಡಿಮೆ ಮಾಡಿ ದೇಹವನ್ನು ಪುನಶ್ಚೇತನಗೊಳಿಸುತ್ತದೆ.

ಎಷ್ಟು ಕುಡಿಯಬೇಕು? ಯಾವಾಗ ಕುಡಿಯಬೇಕು?

ತಜ್ಞರ ಪ್ರಕಾರ.. ದಿನಕ್ಕೆ ಒಂದು ಗ್ಲಾಸ್ ಎಳನೀರು ಕುಡಿದರೆ ಸಾಕು. ಇದನ್ನು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯುವುದು ಅತ್ಯಂತ ಉತ್ತಮ. ಯಾವುದನ್ನೂ ಅತಿಯಾಗಿ ಸೇವಿಸಬಾರದು. ಎಳನೀರನ್ನು ಮಿತಿಮೀರಿ ಕುಡಿದರೆ ದೇಹದಲ್ಲಿ ಪೊಟ್ಯಾಸಿಯಮ್ ಮಟ್ಟ ಹೆಚ್ಚಾಗುವ ಅಪಾಯವಿರುತ್ತದೆ.

ಎಳನೀರು ಆರೋಗ್ಯಕ್ಕೆ ಸಂಜೀವಿನಿಯೇ ಆದರೂ, ತೀವ್ರವಾದ ಮೂತ್ರಪಿಂಡದ (Kidney) ಸಮಸ್ಯೆ ಇರುವವರು ಅಥವಾ ಮಧುಮೇಹ (Diabetes) ಇರುವವರು ಇದನ್ನು ತಮ್ಮ ಡಯಟ್‌ಗೆ ಸೇರಿಸಿಕೊಳ್ಳುವ ಮೊದಲು ಕಡ್ಡಾಯವಾಗಿ ವೈದ್ಯರನ್ನು ಸಂಪರ್ಕಿಸುವುದು ಸೂಕ್ತ.
ಕೇವಲ ಎಳನೀರು ಕುಡಿದರೆ ಮಾತ್ರ ಸಾಲದು; ಇದರ ಜೊತೆಗೆ ಸರಿಯಾದ ಸಮಯಕ್ಕೆ ನಿದ್ದೆ ಮಾಡುವುದು, ದಿನನಿತ್ಯ ವ್ಯಾಯಾಮ ಮಾಡುವುದು ಮತ್ತು ಜಂಕ್ ಫುಡ್‌ಗಳಿಂದ ದೂರವಿರುವುದರಿಂದ ಈ ನೈಸರ್ಗಿಕ ಪಾನೀಯದ ಸಂಪೂರ್ಣ ಪ್ರಯೋಜನಗಳನ್ನು ನಿಮ್ಮದಾಗಿಸಿಕೊಳ್ಳಬಹುದು.

ಇದನ್ನೂ ಓದಿ:ವಿಶ್ವಕಪ್​​ ಆಡ್ತಿರುವ ಭಾರತ ತಂಡಕ್ಕೆ ಆಘಾತ.. ಟೀಂ ಇಂಡಿಯಾ ಕ್ಯಾಂಪ್ ತೊರೆದ ರಿಂಕು ಸಿಂಗ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ