ಕಾಂತಿಯುತ ಚರ್ಮ, ಆಯಸ್ಸು ಸೇರಿ ದೇಹದ ಆರೋಗ್ಯಕ್ಕೆ ಬೇಕೇ ಬೇಕು ಯೋಗಾಸನ..!

ಯೋಗಾಸನ ಇಂದು ಇಡೀ ವಿಶ್ವದದ್ಯಾಂತ ಪಸರಿಸಿದೆ. ಯೋಗಕ್ಕೆ ಇಷ್ಟೊಂದು ಡಿಮ್ಯಾಂಡ್​ ಬರಲು ಹಲವಾರು ಕಾರಣಗಳಿವೆ. ಒಂದು ಯೋಗಸಾನ ಮಾಡುವುದರಿಂದ ಆರೋಗ್ಯದಲ್ಲಿ ತುಂಬಾ ಸುಧಾರಣೆಗಳು ಕಾಣಬಹುದು. ಬೊಜ್ಜು ಹೊಂದಿದವರು ನಿರಂತರ ಯೋಗದಿಂದ ಸ್ಲಿಮ್​ ಆಗಿ ಆಕರ್ಷಣಕರವಾಗಿ ಕಾಣಬಹುದು. ಅಲ್ಲದೇ ಆಯಸ್ಸು ಕೂಡ ವೃದ್ಧಿಯಾಗುತ್ತದೆ.

ನಿತ್ಯ ಮನೆಯಲ್ಲಿ ಯೋಗಾಸನ ಮಾಡುವುದರಿಂದ ದೇಹದಲ್ಲಿ ರಕ್ತ ಪರಿಚಲನೆ ಸುಲಭಗೊಳ್ಳುತ್ತದೆ. ದೇಹವನ್ನು ಆರೋಗ್ಯವಾಗಿ ಇಟ್ಟುಕೊಳ್ಳಲು ಯೋಗ ಒಳ್ಳೆಯ ಉಪಾಯ ಜೊತೆಗೆ ಯೋಗದಿಂದ ಮನಸ್ಸು ಮತ್ತು ದೇಹ ಆರೋಗ್ಯವಾಗಿರುತ್ತವೆ.

ಯೋಗದಿಂದ ಏನೇನು ಉಪಯೋಗ?

ಒತ್ತಡದಲ್ಲಿರುವ ಮನಸನ್ನು ಶಾಂತ ರೀತಿಗೆ ತರುವಂತಹ ಕೆಲಸ ಯೋಗ ಮಾಡುತ್ತದೆ. ದೇಹದಲ್ಲಿ ಬೊಜ್ಜು ಹೆಚ್ಚಾಗಿದ್ದರೆ ನಿತ್ಯ ಯೋಗಾಸನ ಮಾಡುವುದರಿಂದ ದೇಹವು ತೂಕವನ್ನು ಕಳೆದುಕೊಂಡು ಸುಂದರ ಮತ್ತು ದೃಢವಾಗಬಹುದು. 

ರಕ್ತದ ಒತ್ತಡ, ಕಡಿಮೆ ತೂಕ, ಮನಸ್ಸಿನ ಒತ್ತಡವನ್ನು ಕಡಿಮೆ ಮಾಡುವುದು ಹಾಗೂ ಕೊಲೆಸ್ಟ್ರಾಲ್ ಅನ್ನು ಹತೋಟಿಗೆ ತರುವುದರಿಂದ ಯೋಗ ಸಕಾರಾತ್ಮಕವಾದ ಪರಿಣಾಮ ನೀಡುತ್ತದೆ. ಹೀಗಾಗಿಯೇ ಇಂದು ಜಗತ್ತಿನಾದ್ಯಂತ ಎಲ್ಲರೂ ಯೋಗವನ್ನು ಮೆಚ್ಚಿಕೊಂಡಿದ್ದಾರೆ.

ಯೋಗದಿಂದ ದೇಹದಲ್ಲಿ ಉಸಿರಾಟ, ರಕ್ತ ಸಂಚಲನ ಸರಾಗವಾಗುತ್ತದೆ. ಆಮ್ಲಜನಕ, ಜೀವಸತ್ವಗಳು ದೇಹದ ಎಲ್ಲ ಭಾಗಗಳಿಗೂ ಸರಿಯಾಗಿ ಸಂಚಲನ ಆಗುತ್ತವೆ. ಹೀಗಾಗಿ ಅಂಗಗಳು ಆರೋಗ್ಯಯುತ ಆಗುವುದರ ಜೊತೆ ಚರ್ಮ​ ಕಾಂತಿಮಯ ಉಂಟಾಗುತ್ತದೆ.

ಹೊಟ್ಟೆ ಕರಗಿಸಬೇಕೆಂದರೆ ನೌಕಾಸನ, ಉಷ್ಟ್ರಾಸನದ ಜೊತೆ ಜೊತೆಗೆ ಇನ್ನು ಕೆಲ ಆಸನಗಳನ್ನು ನಿತ್ಯ ಮಾಡಿದ್ರೆ ಹೊಟ್ಟೆ ತೆಳ್ಳಗಾಗುತ್ತದೆ. ಹಾಗೂ ನೀವು ನೋಡಲು ಅಂದವಾಗಿ ಕಾಣುತ್ತೀರಿ. ಜಿಮ್​ಗೆ ಹೋಗುವ ಅವಶ್ಯಕತೆ ಇಲ್ಲ.

ಇದನ್ನೂ ಓದಿ: ನಿತ್ಯ ನೀವೂ ಇದನ್ನು ತಿನ್ನಲೇಬೇಕು.. ಅಂಜೂರದ ಆರೋಗ್ಯದ ಗುಟ್ಟು ಗೊತ್ತಾ ನಿಮ್ಗೆ..?

ಉಸಿರಾಟಕ್ಕೆ ಸಂಬಂಧಿಸಿದ ಕೆಲ ಆಸನಗಳಿವೆ. ಅವುಗಳನ್ನು ಮಾಡುವುದರಿಂದ ನಿಮ್ಮ ಹೃದಯದ ಆರೋಗ್ಯ ಸುಧಾರಿಸುತ್ತದೆ. ಈ ಆಸನಗಳು ರಕ್ತ ಹೆಪ್ಪುಗಟ್ಟುವಿಕೆಯ ಕ್ರಿಯೆಯಿಂದ ರಕ್ಷಣೆ ನೀಡಿ ಹೃದಯದಲ್ಲಿ ರಕ್ತ ಸರಾಗವಾಗಿ ಸಂಚಲನ ಮಾಡುತ್ತದೆ. ಯೋಗಾಸನ ಮಾಡುವಾಗ ಶ್ವಾಸ (ಉಸಿರಾಟದ ಅಂಗ) ಬಹಳ ಮುಖ್ಯ. ಪ್ರಾಣಾಯಾಮ, ಅನುಲೋಮ, ವಿಲೋಮಗಳನ್ನು ಸಹಜವಾಗಿ ಮಾಡುವುದರಿಂದ ಆರೋಗ್ಯಯುತ ಶ್ವಾಸ ಪಡೆಯಬಹುದು.

ಯೋಗದಿಂದ ಮತ್ತೊಂದು ಬಹಳ ಮುಖ್ಯವಾದ ಕೆಲಸ ಆಗುತ್ತೆ. ಅದೇ ಸ್ನಾಯು ಸೆಳೆತ, ಕೀಲು ನೋವುಗಳು ಮಾಯಾವಾಗಿ ಸದೃಢ ಸ್ನಾಯುಗಳನ್ನು ಹೊಂದಬಹುದು. ದೀರ್ಘ ಉಸಿರಾಟ ಮತ್ತು ನಿಧಾನ ಉಸಿರಾಟದ ಆಸನಗಳಿಂದ ಶ್ವಾಸಕೋಶ ಮತ್ತು ಹೊಟ್ಟೆಯ ಸಾಮರ್ಥ್ಯವನ್ನು ಹೆಚ್ಚಿಸಬಹುದು. ದೀರ್ಘ ಉಸಿರಾಟದ ಯೋಗವು ವಿಶ್ರಾಂತಿ ನೀಡಿ ಮನಸ್ಸಿನ ಮತ್ತು ದೇಹದ ಒತ್ತಡ ಕಡಿಮೆ ಮಾಡುತ್ತದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ