ಬರೀ 10 ನಿಮಿಷ ಸಾಕು.. iPhone​ 16 ಸರಣಿಯನ್ನು ಮನೆ ಬಾಗಿಲಲ್ಲೇ ವಿತರಿಸುತ್ತೆ ಈ ಫ್ಲಾಟ್​ಫಾರ್ಮ್​!

ಕುಪರ್ಟಿನೋ ಮೂಲಕ ಆ್ಯಪಲ್​ ಕಂಪನಿ ಐಫೋನ್​ 16 ಸರಣಿಯನ್ನು ಪರಿಚಯಿಸಿದ್ದು, ಇಂದು ಭಾರತದಲ್ಲಿ ಮಾರಾಟ ಪ್ರಾರಂಭವಾಗಿದೆ. ಬಹುತೇಕರು ನೂತನ ಐಫೋನ್​​ ಖರೀದಿಸಲು ಮುಂದಾಗಿದ್ದಾರೆ.

ಮುಂಬೈ, ದೆಹಲಿಯಲ್ಲಿ ಮಳಿಗೆ ಮುಂದೆ ಜನರು ಕ್ಯೂ ನಿಂತಿರುವ ಘಟನೆಯು ಸಾಕ್ಷಿಯಾಗಿದೆ, ಆ್ಯಪಲ್​​ ಸ್ಟೋರ್​ ತೆರೆಯುವುದಕ್ಕೂ ಮುನ್ನವೇ ಜನರು ಐಫೋನ್​ 16 ಖರೀದಿಸಲು ಸಾಲುಗಟ್ಟಿನಿಂತ ಘಟನೆ ದೃಶ್ಯ ಸಮೇತ ಬೆಳಕಿಗೆ ಬಂದಿದೆ.

ಆದರೆ ಐಫೋನನ್ನು ಬರೀ 10 ನಿಮಿಷದಲ್ಲಿ ಮನೆ ಬಾಗಿಲಲ್ಲೇ ಖರೀದಿಸಬಹುದಾಗಿದೆ. ಅದಕ್ಕೆಂದೇ ಆನ್​ಲೈನ್​​ ಕಿರಾಣಿ ವಿತರಣಾ ವೇದಿಕೆ ಬಿಗ್​ಬಾಸ್ಕೆಟ್​​ ಐಫೋನ್​ 16ಗಾಗಿ ಟಾಟಾ ಕ್ರೋಮಾ ಜೊತೆಗೆ ಪಾಲುದಾರಿಕೆ ಹೊಂದಿದೆ.

ಇದನ್ನೂ ಓದಿ: iPhone 16 ಖರೀದಿಸಲು ಕ್ಯೂ ನಿಂತ ಜನರು.. ಮಳಿಗೆ ಮುಂದೆ ಜನಸಾಗರ!

ಬಿಗ್​ ಬಾಸ್ಕೆಟ್​​​ನ ಎಲೆಕ್ಟ್ರಾನಿಕ್ಸ್​​ ವರ್ಗಕ್ಕೆ ಭೆಟಿ ನೀಡುವ ಮೂಲಕ ಐಫೋನ್​ 16 ಸರಣಿ ಖರೀದಿಸಬಹುದಾಗಿದೆ. ಕಂಪನಿಯು ಬರೀ 10 ನಿಮಿಷದಲ್ಲಿ ವಿತರಿಸುವ ಭರವಸೆಯನ್ನು ನೀಡಿದೆ. ಬೆಂಗಳೂರು, ದೆಹಲಿ, ಮುಂಬೈ ಆ್ಯಪಲ್​ ಪ್ರಿಯರು ಖರೀದಿಸಬಹುದಾಗಿದೆ.

ಐಫೋನ್​​ಗಾಗಿ ಕ್ಯೂ ನಿಂತ ಜನರು

ಮುಂಬೈನ ಬಿಕೆಸಿಯಲ್ಲಿರುವ ಮಳಿಗೆಯಲ್ಲಿ ಐಫೋನ್​ 16 ಸರಣಿ ಖರೀದಿಸಲು ಜನರು ಸರತಿ ಸಾಲಿನಲ್ಲಿ ನಿಂತಿದ್ದಾರೆ. ಈ ದೃಶ್ಯ ಕ್ಯಾಮೆರಾ ಕಣ್ಣಿಗೆ ಕಂಡಿದ್ದು, ಬೆರಗುಗೊಳಿಸುವಂತೆ ಮಾಡಿದೆ. ಅತ್ತ ದೆಹಲಿಯಲ್ಲಿ ಇಂತಹದ್ದೇ ದೃಶ್ಯ ಕಂಡುಬಂದಿದೆ.

ಇದನ್ನೂ ಓದಿ: ಜೈಲಲ್ಲಿ ಮೀನಾ ತೂಗುದೀಪ ಮಾತಿಗೆ ದರ್ಶನ್​​ ಭಾವುಕ.. ಆ 28 ನಿಮಿಷ ಏನೆಲ್ಲಾ ಮಾತನಾಡಿದ್ರು ಗೊತ್ತಾ?

ಆ್ಯಪಲ್​ ಸ್ಟೋರ್​​ ತೆರೆಯುವ ಮುನ್ನವೇ ಅಂಗಡಿ ಮುಂದೆ ಜನರು ಸೇರಿದ್ದಾರೆ. ಕ್ಯೂ ನಿಂತು ಐಫೋನ್​​ 16 ಸರಣಿ ಖರೀದಿಸಲು ಮುಂದಾಗಿದ್ದಾರೆ. ಕಳೆದ ವರ್ಷ ಐಫೋನ್​ 15 ಮಾರಾಟದ ಸಮಯದಲ್ಲೂ ಇಂತಹದ್ದೇ ದೃಶ್ಯ ಕಂಡುಬಂದಿದೆ.

ದೆಹಲಿ ಸಾಕೇತ್​​ನಲ್ಲಿರುವ ಆ್ಯಪಲ್​​ ಸ್ಟೋರ್​ ಹೊರಗಡೆಯು ಉದ್ದನೆಯ ಸರತಿ ಸಾಲುಗಳು ಕಂಡುಬಂದಿವೆ. ಸದ್ಯ ನೂತನ ಐಫೋನ್​ ಖರೀದಿಸಲು ಇಷ್ಟೊಂದು ಜನರು ಕುತೂಹಲಭರಿತರಾಗಿದ್ದಾರೆ ಎಂಬುದು ಅಚ್ಚರಿಗೆ ದೂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ