ಮೂರು ವರ್ಷಗಳ ಹಿಂದೆ ಫೇಸ್​ಬುಕ್​ ಮೂಲಕ ಪರಿಚಯ

ಮೊದಲು ನನ್ನ ಪೋಷಕರು ಈ ಪ್ರೀತಿಗೆ ವಿರೋಧ ವ್ಯಕ್ತಪಡಿಸಿದ್ದರು!

ಯ್ಯೂಟೂಬರ್​ ಜತೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾದ ಯುವತಿ

ಲಕ್ನೋ: ಸೀಮಾ ಹೈದರ್​​ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ? ಪಬ್​ಜೀ ಪ್ರಿಯಕರ ಸಚಿನ್ ಪ್ರೀತಿಗಾಗಿ ಪಾಕಿಸ್ತಾನದಿಂದ ಭಾರತಕ್ಕೆ ಅಕ್ರಮವಾಗಿ ಬಂದಿದ್ದ ಸೀಮಾ ಹೈದರ್​​ ಸಾಕಷ್ಟು ಸುದ್ದಿಯಾಗಿದ್ದರು. ಇದೀಗ ಇರಾನ್ ದೇಶದ ಯುವತಿಯೊಬ್ಬಳು ಭಾರತೀಯ ಯೂಟ್ಯೂಬರ್‌ನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡು ಸಖತ್​ ಸುದ್ದಿಯಲ್ಲಿದ್ದಾಳೆ.

ಇದನ್ನು ಓದಿ: ಅಭಿಮಾನಿಗಳಿಗೆ ಗುಡ್​ನ್ಯೂಸ್​ ಕೊಟ್ಟ ಲಕ್ಷ್ಮೀ ನಿವಾಸ ಸೀರಿಯಲ್​​ ಟೀಮ್​​; ಏನದು..?

ಹೌದು, ಉತ್ತರ ಪ್ರದೇಶದ ಮೊರಾದಾಬಾದ್‌ನ ಯೂಟ್ಯೂಬರ್‌ ದಿವಾಕರ್ ಕುಮಾರ್ ಎಂಬಾತನ ಜೊತೆ ಇರಾನ್​ ದೇಶದ ಹಮೆದಾನ್‌ನ ಫೈಜಾ (24) ನಿಶ್ಚಿತಾರ್ಥ ಮಾಡಿಕೊಂಡಿದ್ದಾಳೆ. ಈ ಯುವತಿ 20 ದಿನಕ್ಕೆ ಪ್ರವಾಸಿ ವೀಸಾದಲ್ಲಿ ಭಾರತಕ್ಕೆ ಬಂದು ಯೂಟ್ಯೂಬರ್ ದಿವಾಕರ್​ನನ್ನು ಭೇಟಿಯಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾಳೆ. ಬಳಿಕ ಕಾನೂನು ಪ್ರಕ್ರಿಯೆ ಮುಗಿದ ನಂತರ ಈ ಇಬ್ಬರು ಅದ್ಧೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಡಲು ನಿರ್ಧರಿಸಿದ್ದಾರೆ. ಇನ್ನು ಈ ಮದುವೆಗೆ ಎರಡು ಕುಟುಂಬಸ್ಥರು ಒಪ್ಪಿಗೆ ಸೂಚಿಸಿದ್ದಾರೆ.

SM इन्फ्लुएंसर अंतरराष्ट्रीय संबंध लगातार मजबूत कर रहे हैं…

मुरादाबाद (UP) के यूट्यूबर दिवाकर कुमार की ईरान निवासी फैजा से FB पर दोस्ती हुई। दिवाकर ने ईरान जाकर मुलाकात की। फिर दोनों में मुहब्बत हुई। दोनों परिवार शादी को राजी हो गए। फैजा ने भारत आकर सगाई की, जल्द शादी होगी। pic.twitter.com/gItT6UtciV

— Sachin Gupta (@SachinGuptaUP) March 18, 2024

ಈ ಬಗ್ಗೆ ಖಾಸಗಿ ಸುದ್ದಿಗಾರರೊಂದಿಗೆ ಮಾತಾಡಿದ ಯೂಟ್ಯೂಬರ್‌ ದಿವಾಕರ್ ಕುಮಾರ್​, ಮೂರು ವರ್ಷಗಳ ಹಿಂದೆ ಫೇಸ್​ಬುಕ್​ನಲ್ಲಿ ಫೈಜಾ ಪರಿಚಯ ಆದರು. ಮೊದ ಮೊದಲು ನಾನು ಟ್ರಾವೆಲ್ ವ್ಲಾಗ್‌ಗಳನ್ನು ಮಾಡುವಾಗ ನಾವು ಪರಸ್ಪರ ದೇಶಗಳ ಬಗ್ಗೆ ಚರ್ಚೆ ಮಾಡುತ್ತಿದ್ದೇವು. ನಂತರ ನಾವಿಬ್ಬರೂ ಪ್ರೀತಿಸಲು ಶುರು ಮಾಡಿದೆವು. ನಾನು ಜುಲೈ 2023ರಲ್ಲಿ ಫೈಜಾಳನ್ನು ಭೇಟಿಯಾಗಲು ಹಮೆಡಾನ್‌ಗೆ ಭೇಟಿ ನೀಡಿದ್ದೆ. ಆ ಸಮಯದಲ್ಲಿ ನಾವು ಇರಾನ್‌ನಲ್ಲಿ ವಿವಾಹದ ಕಾನೂನು ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದೇವೆ.

ಈಗ ಭಾರತದ ಕಾನೂನು ಪ್ರಕ್ರಿಯೆಯನ್ನು ಪೂರ್ಣಗೊಳ್ಳಿಸುತ್ತಿದ್ದಾರೆ. ಆ ನಂತರ ನಾವು ಮದುವೆಯಾಗುತ್ತೇವೆ. ಅವರ ಕುಟುಂಬಕ್ಕೆ ಯಾವುದೇ ಧಾರ್ಮಿಕ ನಿರ್ಬಂಧಗಳಿಲ್ಲ. ಫೈಜಾ ತನ್ನ ಧರ್ಮದ  ಸಂಪ್ರದಾಯಗಳನ್ನು ಅನುಸರಿಸುತ್ತಾಳೆ. ಆದರೆ ಆರಂಭದಲ್ಲಿ ನನ್ನ ಪೋಷಕರು ಈ ಪ್ರೀತಿಗೆ ವಿರೋಧ ವ್ಯಕ್ತಪಡಿಸಿದ್ದರು. ಆದರೆ ಸ್ವಲ್ಪ ಸಮಯದ ನಂತರ ಅವರು ಈ ಸಂಬಂಧವನ್ನು ಒಪ್ಪಿಕೊಂಡರು ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ