ಕಾಂಗ್ರೆಸ್​ ಅಭ್ಯರ್ಥಿಗೆ ಸೋಲಿನ ರುಚಿ ತೋರಿಸಿದ​​ ಯೂಸುಫ್​ ಪಠಾಣ್

ತೃಣಮೂಲ ಕಾಂಗ್ರೆಸ್​ನಿಂದ ಸ್ಪರ್ಧಿಸುವ ಮೂಲಕ ಗೆದ್ದ ಮಾಜಿ ಆಟಗಾರ

ನನಸಾಗುತ್ತಾ ಯೂಸುಫ್​ ಪಠಾಣ್ ನೀಡಿದ ಮೊದಲ ಭರವಸೆ?

ಟೀಂ ಇಂಡಿಯಾದ ಮಾಜಿ ಆಲ್​ ರೌಂಡರ್​​ ಯೂಸುಫ್​ ಪಠಾಣ್​ ಈ ಬಾರಿಯಬ ಲೋಕ ಸಭಾ ಚುನಾವಣೆಯಲ್ಲಿ ವಿಜಯ ಸಾಧಿಸಿದ್ದಾರೆ. ಪಶ್ಚಿಮ ಬಂಗಾಳದ ಬಹ್ರಂಪುರದಿಂದ ತೃಣಮೂಲ ಕಾಂಗ್ರೆಸ್​ನಿಂದ ಸ್ಪರ್ಧಿಸಿದ ಯೂಸುಫ್​ ಪಠಾಣ್​ ಅಜೇಯ ಮುನ್ನಡೆ ಸಾಧಿಸಿದ್ದಾರೆ. ಅತ್ತ ಕಿರಿಯ ಸಹೋದರನ ಜಯವನ್ನು ಇರ್ಫಾನ್​ ಪಠಾಣ್​ ಕೊಂಡಾಡಿದ್ದಾರೆ.

ಅಚ್ಚರಿಯ ಸಂಗತಿ ಎಂದರೆ ಯೂಸುಫ್​ ಪಠಾಣ್ ತೃಣಮೂಲ ಕಾಂಗ್ರೆಸ್​ನಿಂದ ಸ್ಪರ್ಧಿಸುವ ಮೂಲಕ ​ ಹೊಸ ದಾಖಲೆ ಬರೆದಿದ್ದಾರೆ. ಕಾಂಗ್ರೆಸ್​ ಪಕ್ಷದಿಂದ ಸ್ಪರ್ಧಿಸಿದ್ದ ಅಧೀರ್​ ರಂಜನ್​ ಚೌಧರಿಯನ್ನು ಸೋಲಿಸಿದ್ದಾರೆ. ವಿಶೇಷ ಸಂಗತಿ ಎಂದರೆ 25 ವರ್ಷಗಳಲ್ಲಿ ಮೊದಲ ಬಾರಿಗೆ ಅಧೀರ್​ ರಂಜನ್ ಮೊದಲ ಸೋಲನ್ನು ಅನುಭವಿಸಿದ್ದಾರೆ.

ಕಳೆದ ತಿಂಗಳು ಸಹೋದರನ ಪರವಾಗಿ ಇರ್ಫಾನ್​ ಪಠಾನ್​ ಚುನಾವಣಾ ಪ್ರಚಾರ ಮಾಡಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಹೇಳಿಕೊಂಡಿದ್ದರು. ಆದರೀಗ ಸಹೋದರ ಜಯಭೇರಿ ಬಾರಿಸಿದ್ದು, ಇರ್ಫಾನ್​ಗೆ ಇನ್ನಿಲ್ಲದ ಸಂತೋಷವಾಗಿದೆ. 524516 ಮತಗಳಲ್ಲಿ ಯೂಸುಫ್​​ ಜಯಭೇರಿ ಬಾರಿಸಿದ್ದಾರೆ.

Lala @iamyusufpathan With unyielding confidence in your noble cause, you embarked on the daunting journey to triumph over seasoned politicians. Armed with integrity and unwavering resolve, may your noble intentions translate into transformative actions, enriching the lives of our… pic.twitter.com/fmDdJY5Kvp

— Irfan Pathan (@IrfanPathan) June 4, 2024

ಇದನ್ನೂ ಓದಿ: ಪ್ರವೀಣ್ ನೆಟ್ಟಾರು ಹತ್ಯೆ ಪ್ರಕರಣದ ಮತ್ತೋರ್ವ ಆರೋಪಿ ಅರೆಸ್ಟ್​; ದೇಶ ಬಿಟ್ಟು ಪರಾರಿಯಾಗಲು ಯತ್ನಿಸುವಾಗ ಬಂಧನ

ಯೂಸುಫ್​ ಪಠಾಣ್​ ಬಹ್ರಂಪುರದ ಜನರಿಗೆ ಭರವಸೆಯನ್ನು ನೀಡಿದ್ದರು, ತಮ್ಮ ಕ್ಷೇತ್ರವನ್ನು ಕ್ರೀಡೆ ಮತ್ತು ವಾಣಿಜ್ಯದ ಮೂಲಕ ಅಭಿವೃದ್ಧಿಪಡಿಸಲು ಸಹಾಯ ಮಾಡುವುದ್ದಾಗಿ ಹೇಳಿದ್ದರು.

ಇದನ್ನೂ ಓದಿ: ‘ಲೋಕ’ ಜಯದ ಬೆನ್ನಲ್ಲೇ ಪ್ರಧಾನಿ ಮೋದಿ ಮೊದಲ ಟ್ವೀಟ್​.. ಏನಂದ್ರು ಗೊತ್ತಾ?

‘‘ನಾನು ಮೊದಲು ಕ್ರೀಡಾ ಅಕಾಡೆಮಿ ಮಾಡುತ್ತೇನೆ, ಇದರಿಂದ ಜನರ ವೃತ್ತಿಜೀವನವನ್ನು ನಿರ್ಮಿಸುತ್ತೇನೆ, ನಾನು ಕೈಗಾರಿಕೆಗಳಿಗಾಗಿಯೂ ಕೆಲಸ ಮಾಡುತ್ತೇನೆ. ನಾನು ಇಲ್ಲಿ ವಾಸಿಸುತ್ತೇನೆ ಮತ್ತು ಜನರಿಗಾಗಿ ಕೆಲಸ ಮಾಡುತ್ತೇನೆ’’ ಎಂದು ಹೇಳಿದ್ದರು.