ಕಾನ್ಪುರ್ ಐಐಟಿಯಿಂದ ನೂತನ ಆವಿಷ್ಕಾರ, ಒಂದೇ ನಿಮಿಷದಲ್ಲಿ ಓರಲ್ ಕ್ಯಾನ್ಸರ್ ಕಂಡು ಹಿಡಿಯುತ್ತೆ ಈ ಸಾಧನ

ಕಾನ್ಪುರ್​ನ ಐಐಟಿ ಕೇಂದ್ರದಿಂದ ಮಹತ್ತರ ಸಾಧನೆಯೊಂದಾಗಿದೆ. ಇಲ್ಲಿ ನಡೆದ ಸಂಶೋಧನೆ ಹಾಗೂ ಅನೇಕ ಪ್ರಯೋಗಗಳ ಪ್ರತಿಫಲವಾಗಿ ಕೇವಲ ಒಂದು ನಿಮಿಷದೊಳಗೆ ಓರಲ್ ಕ್ಯಾನ್ಸರ್ ಕಂಡು ಹಿಡಿಯುವ ಸಾಧನವನ್ನು ಆವಿಷ್ಕಾರ ಮಾಡಿದೆ ಐಐಟಿ ಟೀಮ್. ಅತ್ಯಂತ ಅತ್ಯಾಧುನಿಕ ಪರಿಕರಗಳಿಂದ ಸಿದ್ಧಗೊಂಡಿರುವ ಈ ಸಾಧನ ಅತ್ಯಂತ ನಿಖರವಾಗಿ ಕೆಲವೇ ನಿಮಿಷಗಳಲ್ಲಿ ಮನುಷ್ಯನಲ್ಲಿರುವ ಓರಲ್ ಕ್ಯಾನ್ಸರ್​ನ್ನು ಪತ್ತೆ ಹಚ್ಚುತ್ತದೆ ಎಂದು ಹೇಳಲಾಗಿದೆ. ಭಾರತದಲ್ಲಿ ಕ್ಯಾನ್ಸರ್ ಪತ್ತೆ ಮಾಡುವ ವಿಚಾರದಲ್ಲಿ ಇದು ದೊಡ್ಡ ಸಾಧನೆಯೇ ಸರಿ. ಇದರಿಂದಾಗಿ ಬೇಗನೇ ಕ್ಯಾನ್ಸರ್ ಪತ್ತೆಯಾಗುವುದರಿಂದ ಅಷ್ಟೇ ಬೇಗ ಗುಣಮುಖರಾಗಲು ಸಾಧ್ಯವಾಗುತ್ತದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ:Adani big Deal: ದೇಶದ ಅತ್ಯಂತ ಹಳೆಯ ಕಂಪನಿ ಖರೀದಿಸಿದ ಗೌತಮ್ ಅದಾನಿ

ಹೊಸದಾಗಿ ಆವಿಷ್ಕಾರಗೊಂಡ ಈ ಡಿವೈಸ್​ಗೆ ಮುನ್ಹ್​ ಪರೀಕ್ಷಕ್ ಎಂದು ಹೆಸರಿಡಲಾಗಿದೆ ಎಂದು ಪ್ರೊಫೆಸರ್ ಜಯಂತ್ ಕುಮಾರ್ ಸಿಂಗ್ ಹೇಳಿದ್ದಾರೆ. ಓರಲ್ ಕ್ಯಾನ್ಸರ್ ಡಿಟೆಕ್ಟಿಂಗ್ ಡಿವೈಸ್​ ಕಂಡು ಹಿಡಿದವರು ಇದೇ ಜಯಂತ್​ ಕುಮಾರ್ ಸಿಂಗ್. ಅವರು ಹೇಳುವ ಪ್ರಕಾರ ವಿಶೇಷ ಪ್ರಕಾರದ ಲೈಟ್ ಹಾಗೂ ಕ್ಯಾಮರಾಗಳನ್ನು ಹೊಂದಿರುವ ಈ ಡಿವೈಸ್​ ಬಾಯಿಯೊಳಗೆ ಹಾಕಿ ಪರೀಕ್ಷೆ ಮಾಡುವುದರ ಮೂಲಕ ಓರಲ್ ಕ್ಯಾನ್ಸರ್​ನ್ನು ಬಹುಬೇಗ ಪತ್ತೆ ಮಾಡಬಹುದು ಎಂದು ಹೇಳಿದ್ದಾರೆ. ಬಾಯಿಯೊಳಗೆ ಬಿಡಲಾಗುವ ಡಿವೈಸ್​ ತೋರಿಸುವ ದೃಶ್ಯಗಳನ್ನು ಆ್ಯಂಡ್ರಾಯ್ಡ್ ಫೋನ್ ಅಥವಾ ಟ್ಯಾಬ್​ಗಳಲ್ಲಿ ಆ್ಯಪ್ ಮೂಲಕ ನೋಡಿ ಕ್ಯಾನ್ಸರ್​ನ್ನು ಕಂಡು ಹಿಡಿಯಬಹುದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಪೋಷಕರೇ ಹುಷಾರ್.. ನಿಮ್ಮ ಮಕ್ಕಳು ದಿಢೀರ್ ದಪ್ಪ ಆದ್ರೆ ಅಪಾಯ; ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ!

ಮುನ್ಹ್​ ಪರೀಕ್ಷಕ್ ಒಂದು ವೈದ್ಯರ ಸ್ನೇಹಿಯಾಗಿ ಕಾರ್ಯನಿರ್ವಹಿಸಲಿದೆ ಎಂದು ಹೇಳಲಾಗಿದೆ. ಇದನ್ನು ವೈರ್​​ಲೆಸ್ ಮೂಲಕ ಐಪಾಡ್​, ಸ್ಮಾರ್ಟ್​​ಫೋನ್ ಟ್ಯಾಬ್ಲೆಟ್​ನೊಂದಿಗೆ ಕನೆಕ್ಟ್ ಮಾಡಬಹುದು. ಪವರ್​ ಬ್ಯಾಕಪ್​ನ ಶಕ್ತಿ ಇದರಲ್ಲಿ ಹೆಚ್ಚಿರುವುದರಿಂದ ನಾವು ಇದರಲ್ಲಿ ಪರೀಕ್ಷೆಗೊಳಪಟ್ಟವರ ಆರೋಗ್ಯದ ಸಮಸ್ಯೆಗಳ ಡಾಟಾಗಳನ್ನು ಸಂಗ್ರಹಿಸಿ ಇಡಬಹುದು ಎಂದು ಹೇಳಿದ್ದಾರೆ. ಅದು ಅಲ್ದೆ ಇದು ಟೆಸ್ಟ್ ಮಾಡುವಾಗ ವ್ಯಕ್ತಿಗೆ ಯಾವುದೇ ರೀತಿಯ ನೋವಿಲ್ಲದಂತೆ ಸರಳವಾಗಿ ಮಾಡಬಹುದು ಎಂದು ಸಿಂಗ್ ಹೇಳಿದ್ದಾರೆ. ಈ ಒಂದು ಸಾಧನ ಅತ್ಯಂತ ಸುರಕ್ಷಿತ ಹಾಗೂ ಅಷ್ಟೇ ನಿಖರವಾಗಿ ಸಮಸ್ಯೆಯನ್ನು ಪತ್ತೆ ಮಾಡುತ್ತದೆ ಎಂದು ಸಿಂಗ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ