ಅದ್ಭುತ ಶಕ್ತಿಯನ್ನು ಹೊಂದಿದೆ ಜಾವಾದ ಹೊಸ ಬೈಕ್

ಎರಡು ರೂಪಾಂತರದಲ್ಲಿ ಮಾರುಕಟ್ಟೆಗೆ ಬಂದಿದೆ ನ್ಯೂ ಬೈಕ್

ರೆಟ್ರೋ ಥೀಮ್​​ನಲ್ಲಿ ಮಾರುಕಟ್ಟೆಗೆ​ ಬಂದ ಕಲರ್​ಫುಲ್​ ಬೈಕ್​

ಜಾವಾ ಯೆಜ್ಡಿ ಮೋಟಾರ್​​ ಸೈಕಲ್​​​ ಹೊಸ 42 FJ 350 ರೋಡ್​​​ಸ್ಟರ್​​ ಮಾದರಿಯನ್ನು ಭಾರತೀಯರಿಗೆ ಪರಿಚಯಿಸಿದೆ. ನೂತನ ಬೈಕ್​​ ಆಕರ್ಷಕ ಲುಕ್​ ಹೊಂದಿದ್ದು, ಆನ್​ಲೈನ್​ ಮೂಲಕ ಬುಕ್ಕಿಂಗ್​ ಮಾಡಿ ಖರೀದಿಸಬಹುದಾದ ಆಯ್ಕೆಯನ್ನು ಗ್ರಾಹಕರಿಗೆ ತೆರೆದಿಟ್ಟಿದೆ.

ಜಾವಾ 42ಎಫ್​​ಜೆ 350 ಬೈಕ್​ ಮಾರಾಟ ಇಂದಿನಿಂದ ಪ್ರಾರಂಭವಾಗುತ್ತಿದ್ದು, ಹಬ್ಬದ ಋತುವಿನಲ್ಲಿ ಖರೀದಿಸುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ. ರೆಟ್ರೋ-ಥೀಮ್​​​ ಮಾಡೆಲ್​ನಲ್ಲಿ ನೂತನ ಬೈಕ್​​ ಮಾರುಕಟ್ಟೆಗೆ ಬಂದಿದೆ.

ಜಾವಾ 42ಎಫ್​​ಜೆ 350 ಬೈಕನ್ನು ಸ್ಟ್ಯಾಂಡರ್ಡ್​​​ ಜಾವಾ 42ಗೆ ಹೋಲಿಸಿದರೆ ಅದ್ಭುತ ವಿನ್ಯಾಸವನ್ನು ಹೊಂದಿದೆ. ಟಿಯರ್​​ ಡ್ರಾಪ್​ ಫ್ಯುಯೆಲ್​​​ ಹೊಂದಿದ್ದು, ಸೈಡ್​​ ಪ್ಯಾನೆಲ್​​ ಮತ್ತು ಫೆಂಡರ್​​ಗಳನ್ನು ಸ್ಟ್ಯಾಂಡರ್ಡ್​​​ ಜಾವಾ 42ರಿಂದ ಒಯ್ಯಲಾಗಿದೆ. 350 ಸಿಸಿಯ ಈ ಬೈಕ್​​ ಲಿಕ್ವಿಡ್​​ ಕೂಲ್ಡ್​ ಎಂಜಿನ್​​ ಹೊಂದಿದೆ. ಸಿಂಗಲ್​ ಸಿಲಿಂಡರ್​ ಮೂಲಕ ಅದ್ಭುತ ಶಕ್ತಿಯನ್ನು ನೀಡುತ್ತದೆ. 28.7 ಬಿಹೆಚ್​​ಪಿ ಪೀಕ್​​ ಪವರ್​ ಮತ್ತು 29.6 ಎನ್​​ಎಮ್​​ ಪೀಕ್​​​ ಅನ್ನು ಹೊರಹಾಕುತ್ತದೆ. 6 ಸ್ಪೀಡ್​ ಗೇರ್​​ ಬಾಕ್ಸ್​ ಹೊಂದಿದೆ.

ಇದನ್ನೂ ಓದಿ: ಮಾಡೋದು ಚಿಂದಿ ಆಯೋ ಕೆಲಸ.. ಮಗನಿಗೆ iphone 16 pro max ಗಿಫ್ಟ್ ಕೊಟ್ಟ ಬಡ ತಂದೆ!

ನೂತನ ಬೈಕ್​ನಲ್ಲಿ ಸೀಟ್​ ವಿನ್ಯಾಸ ಮತ್ತು ಹ್ಯಾಂಡರ್​ ಬಾರ್​ ವಿನ್ಯಾಸ ಹೊಸದು. ಮಿಶ್ರಲೋಕದ ಚಕ್ರವನ್ನು ಹೊಂದಿರುವ ಈ ಬೈಕ್​ನಲ್ಲಿ ಎಲ್​ಇಡಿ ಹೆಡ್​ಲ್ಯಾಂಪ್​​​, ಸೆಮಿ ಡಿಜಿಟಲ್​​​ ಇನ್ಟ್ರುಮೆಂಟ್​​​ ಕನ್ಸೋಲ್​​, ಡ್ಯುಯೆಲ್​​​ ಚಾನೆಲ್​ ಎಬಿಎಸ್​ ನೀಡಲಾಗಿದೆ. ಇದಲ್ಲದೆ ಅಪ್​​ಸ್ಟೆಪ್ಸ್​​ ಎಕ್ಸಾಸ್ಟ್​ ಮತ್ತು ಅಫ್​ ಸೆಟ್​​​​ ಇಂಧನ ಟ್ಯಾಂಕ್​ ಕ್ಯಾಪ್​ ನೀಡಲಾಗಿದೆ.

ಜಾವಾ 42ಎಫ್​​ಜೆ 350 ಎರಡು ರೂಪಾಂತರದಲ್ಲಿ ಮಾರುಕಟ್ಟೆಗೆ ಬಂದಿದೆ. ರೆಟ್ರೋ ಥೀಮ್​ ಮೋಟಾರ್​​ ಸೈಕಲ್​​ ಮಿಸ್ಟಿಕ್​​ ಕಾಪರ್​, ಡೀಪ್​​ ಬ್ಲ್ಯಾಕ್​​​ ಮ್ಯಾಟ್​​ ಬ್ಲ್ಯಾಕ್​​​ ಕಾರ್ಡ್​​, ಅರೋರಾ ಗ್ರೀನ್​ ಮ್ಯಾಟ್​, ಡೀಪ್​​ ಬ್ಲ್ಯಾಕ್​​ ಮ್ಯಾಟ್​​ ರೆಡ್​​ ಕ್ಲಾಡ್​​ ಮತ್ತು ಕಾಸ್ಮೋ ಬ್ಲೂ ಮ್ಯಾಟ್​ ಹೊಂದಿದೆ.

ಇದನ್ನೂ ಓದಿ: iPhone​ ಆರ್ಡರ್​ ಮಾಡಿದ ಗ್ರಾಹಕನಿಂದ ಕೊ*ಲೆಯಾದ ಡೆಲಿವರಿ ಬಾಯ್​; ಗೋಣಿಯಲ್ಲಿ ತುಂಬಿಸಿ ಕಾಲುವೆಗೆ ಎಸೆದ

ನೂತನ ಬೈಕ್​ ಬೆಲೆ 1.99 ಲಕ್ಷ ಮತ್ತು 2.22 ಲಕ್ಷದ ನಡುವೆ ಇದೆ. ಗ್ರಾಹಕರು 942 ರೂಪಾಯಿ ಪಾವತಿಸುವ ಮೂಲಕ ಕಂಪನಿಯ ಅಧಿಕೃತ ಮೋಟಾರ್​ ಸೈಕಲ್​ ಬುಕ್ಕಿಂಗ್​ ಮಾಡಬಹುದಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ