ದಿಢೀರ್​ ಸುದ್ದಿಗೋಷ್ಠಿ ಕರೆದ ನಟ ಸುದೀಪ್​.. ಬಳ್ಳಾರಿ ಸೆರೆಮನೆ ಸೇರಿದ ದರ್ಶನ್​ ಬಗ್ಗೆ ಕಿಚ್ಚ ಮಾತು

ಸ್ಯಾಂಡಲ್​ವುಡ್​​ ನಟ ಕಿಚ್ಚ ಸುದೀಪ್​ ಸುದ್ದಿಗೋಷ್ಠಿ ಕರೆದಿದ್ದಾರೆ. ಸೆಪ್ಟೆಂಬರ್​ 2ರಂದು ತಮ್ಮ ಹುಟ್ಟುಹಬ್ಬ ಆಚರಿಸುವ ಸಲುವಾಗಿ ಪ್ರೆಸ್​ ಮೀಟ್​ ಕರೆದಿದ್ದಾರೆ. ಈ ವೇಳೆ ನಟ ದರ್ಶನ್​ ಕುರಿತಾಗಿಯೂ ಮಾತನಾಡಿದ್ದಾರೆ.

ರೇಣುಕಾಸ್ವಾಮಿ ಕೊಲೆ ಆರೋಪಿಯಾಗಿ ಬಳ್ಳಾರಿ ಜೈಲು ಸೇರಿರುವ ದರ್ಶನ್​ ಕುರಿತಾಗಿ ಕಿಚ್ಚ ಸುದೀಪ್ ಮಾತನಾಡಿದ್ದಾರೆ, ಅವರಿಗಷ್ಟೇ ಫ್ಯಾನ್ಸ್ ಇದ್ದಾರೆ, ಕುಟುಂಬ ಇದೆ. ನಾವು ಮಾತಾಡಿ ನೋವು ಕೊಡೋದು ಬೇಡ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ‘ಬಿಗ್​ಬಾಸ್​ ನಾನು ನಡೆಸಿಕೊಡ್ತೇನೆ ಅಂತ ನಿಮಗೆ ಗೊತ್ತು, ಆದರೆ..’ – ದಿಢೀರ್ ಸುದ್ದಿಗೋಷ್ಟಿಯಲ್ಲಿ ಕಿಚ್ಚ ಏನಂದ್ರು..?

ಬಳಿಕ ಮಾತು ಮುಂದುವರೆಸಿದ ಕಿಚ್ಚ ಸುದೀಪ್​, ರಾಜಕೀಯವಾಗಿ ಮಾತಾಡ್ತಿದ್ದೀನಿ ಅಂತ ಬೇಡ. ಕಾನೂನು ನಂಬಬೇಕಿದೆ. ನಾನು ಮಾಧ್ಯಮ ನೋಡ್ತಿದ್ದೇನೆ. ಕೋರ್ಟ್​​ಗೆ ಹೋಗಿ ತಪ್ಪು ಅಂತ ಹೇಳದೆ ಹೇಗೆ ಮಾತಾಡೋಕೆ ಆಗುತ್ತೆ?. ಇನ್ನೂ ಕಾನೂನು ಇದೆ‌‌‌. ತನಿಖೆ ಆಗ್ತಿದೆ. ಸತ್ಯ ಗೊತ್ತಿಲ್ಲದೇ ಏನೂ ಮಾತಾಡೋಕೆ ಆಗಲ್ಲ. ಅಷ್ಟು ಆತುರವಾಗಿ ಯಾಕೆ‌ ಮಾತಾಡೋಕೆ ಆಗುತ್ತೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ದರ್ಶನ್ ಬಟ್ಟೆ ಬಗ್ಗೆ ಹೀಗೊಂದು ಚರ್ಚೆ.. ಜೈಲಿನಲ್ಲಿ ​​ಬ್ರಾಂಡೆಡ್​ ಬಟ್ಟೆ ಧರಿಸಬಹುದಾ?

ಅಂದಹಾಗೆಯೇ, ನಾಳೆ ಒಂದೇ ದಿನ ಬಾಕಿ ನಾಳಿದ್ದು ಸುದೀಪ್​ ತನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಈ ಬಾರಿ ಜಯನಗರದ MES ಗ್ರೌಂಡ್​​ನಲ್ಲಿ ಬರ್ತ್​ಡೇ ಆಚರಿಸಲು ಮುಂದಾಗಿದ್ದಾರೆ. ಈ ವೇಳೆ ನಟನನ್ನು ಕಾಣಲು ಬರುವ ಅಭಿಮಾನಿಗಳಿಗೆ ಕಿವಿಮಾತಿನ ಜೊತೆಗೆ ಕೇಕ್​​ ತರದಂತೆ ವಿನಂತಿ ಮಾಡಿಕೊಂಡಿದ್ದಾರೆ. ಕೇಕ್​ ತಂದು ಅಲ್ಲೇ ಬಿಸಾಡುವ ಬದಲು ನನ್ನ ಹೆಸರಿನಲ್ಲಿ ಬಡವರಿಗೆ ಊಟ ನೀಡಿ ಎಂದು ಮನವಿ ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ