ಮಕ್ಕಳನ್ನ ಒಂಟಿಯಾಗಿ ಮನೆಯಲ್ಲಿ ಬಿಟ್ಟು ಹೋಗ್ತಿರಾ? ಪೋಷಕರು ಓದಲೇಬೇಕಾದ ಸ್ಟೋರಿ

ಇತ್ತೀಚಿನ ದಿನಗಳಲ್ಲಿ ಮಕ್ಕಳನ್ನು ಮನೆಯಲ್ಲಿ ಒಂಟಿಯಾಗಿ ಬಿಡುವುದು ಪೋಷಕರಿಗೆ ಸವಾಲಾಗಿದೆ.  ಕೆಲಸದ ಒತ್ತಡ ಮತ್ತು ಸಮಯದ ಅಭಾವದಿಂದಾಗಿ ಇದು ಅನಿವಾರ್ಯ ಕೂಡ. ಆದರೆ ಮನೆಯಲ್ಲಿ ಒಂಟಿಯಾಗಿರುವ ಮಕ್ಕಳ ಮೇಲಿನ ದಾಳಿಗಳು, ಲೈಂಗಿಕ ಕಿರುಕುಳ ಮತ್ತು ಅಪಘಾತಗಳು ಪೋಷಕರನ್ನು ತೊಂದರೆಗೊಳಿಸ್ತಿವೆ. ಅಪರಿಚಿತರ ಸುಲಭ ಪ್ರವೇಶ, ಮನೆಯಲ್ಲಿ ಆಕಸ್ಮಿಕ ಬೆಂಕಿಯಂತಹ ಅನಾಹುತಗಳು ಕೂಡ ನಡೆಯುತ್ತಿವೆ. ಈ ಪರಿಸ್ಥಿತಿಯಲ್ಲಿ ಪೋಷಕರು ತಮ್ಮ ಮಕ್ಕಳನ್ನು ಮನೆಯಲ್ಲಿ ಒಂಟಿಯಾಗಿ ಬಿಡುವ ಮೊದಲು ಕೆಲವು ಮುನ್ನೆಚ್ಚರಿಕೆಗಳನ್ನ ಅನುಸರಿಸಬೇಕು.

ಪೋಷಕರು ಮಾಡಬೇಕಾದ 5 ವಿಷಯಗಳು

ಸುರಕ್ಷತಾ ನಿಯಮಗಳನ್ನು ಕಲಿಸಿ

ಮಕ್ಕಳಿಗೆ ಕೆಲವು ಮೂಲಭೂತ ಸುರಕ್ಷತಾ ನಿಯಮಗಳನ್ನು ಕಲಿಸಿ. ಗ್ಯಾಸ್ ಸ್ಟೌವ್ ಮತ್ತು ವಿದ್ಯುತ್ ಉಪಕರಣಗಳನ್ನು ಬಳಸದಂತೆ ಹೇಳಿ. ಅಪರಿಚಿತರಿಗೆ ಬಾಗಿಲು ತೆರೆಯಬಾರದು ಎಂದು ಸ್ಪಷ್ಟಪಡಿಸಿ. ಫೋನ್ ಮತ್ತು ಇಂಟರ್ನೆಟ್ ಅನ್ನು ಸರಿಯಾಗಿ ಬಳಸುವುದು ಹೇಗೆ ಎಂದು ಕಲಿಸಿ.

ಅಗತ್ಯ ಫೋನ್ ಸಂಖ್ಯೆಗಳನ್ನು ಸಿದ್ಧವಾಗಿಡಿ

ನಿಮ್ಮ ಹತ್ತಿರದ ಸಂಬಂಧಿಗಳು, ನೆರೆಹೊರೆಯವರು ಮತ್ತು ತುರ್ತು ಸೇವೆಗಳ ಸಂಖ್ಯೆಗಳನ್ನು (100, 101, 108) ನೆನಪಿಸಿ. ಸಂಖ್ಯೆಗಳನ್ನು ಬರೆದು ಫ್ರಿಡ್ಜ್ ಮೇಲೆ ಅಂಟಿಸಿ.

ನಿಮ್ಮ ಮನೆಯನ್ನು ಸುರಕ್ಷಿತವಾಗಿಡಿ

ಕೆಲಸಕ್ಕೆ ಹೊರಡುವ ಮೊದಲು, ನಿಮ್ಮ ಮನೆ ಅಪಾಯಕಾರಿ ವಸ್ತುಗಳಿಂದ ಮುಕ್ತವಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಿ. ಚೂಪಾದ ವಸ್ತುಗಳು ಮತ್ತು ಔಷಧಿಗಳನ್ನು ಮಕ್ಕಳಿಂದ ದೂರವಿಡಿ. 

ಇದನ್ನೂ ಓದಿ:ಇಂದು ಗಣಪನ ಸಂಭ್ರಮ; ಯಾವತ್ತೂ ಗಣೇಶ ಮೂರ್ತಿ ಮುಂದೆ ಈ ತಪ್ಪು ಮಾಡಲೇಬೇಡಿ

ಆಹಾರ ತಯಾರಿಸಿ

ಮಕ್ಕಳು ಹಸಿದಿದ್ದರೆ ಅವರು ಅಡುಗೆ ಮಾಡಲು ಪ್ರಯತ್ನಿಸಬಹುದು. ಇದು ಅಪಾಯಕಾರಿ. ಹೊರಗೆ ಹೋಗುವ ಮೊದಲು ಫ್ರಿಡ್ಜ್‌ನಲ್ಲಿ ಅಥವಾ ಮೇಜಿನ ಮೇಲೆ ತಿನ್ನಲು ಸುಲಭವಾದ ಆಹಾರವನ್ನು ಇರಿಸಿ.

ಮಕ್ಕಳೊಂದಿಗೆ ನಿರಂತರ ಸಂಪರ್ಕದಲ್ಲಿರಿ

ಮಕ್ಕಳಿಗೆ ಸಾಂದರ್ಭಿಕವಾಗಿ ಕರೆ ಮಾಡಿ. ವೀಡಿಯೊ ಕರೆಗಳ ಮೂಲಕ ಮಾತನಾಡಿ. ಇದು ಮಕ್ಕಳು ಒಂಟಿತನವನ್ನು ತಪ್ಪಿಸಲು ಸಹಾಯ ಮಾಡುತ್ತದೆ. ಅವರ ಆತ್ಮವಿಶ್ವಾಸ ಹೆಚ್ಚಿಸುತ್ತದೆ. ಕೆಲವೊಮ್ಮೆ ಮಕ್ಕಳನ್ನು ಒಂಟಿಯಾಗಿ ಬಿಡುವುದು ಅಗತ್ಯವಾಗಿರುತ್ತದೆ. ಈ ಮುನ್ನೆಚ್ಚರಿಕೆಗಳೊಂದಿಗೆ ಪರಿಸ್ಥಿತಿಯನ್ನು ಸುರಕ್ಷಿತವಾಗಿಸಬಹುದು.

ಇದನ್ನೂ ಓದಿ: ಸ್ಯಾಂಡಲ್​ವುಡ್​ ಅಂಗಳದಲ್ಲಿ ಹೇಗಿತ್ತು ಗಣೇಶನ ಸಂಭ್ರಮ.. PHOTOS

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ