ಲಂಗ್‌ ಕ್ಯಾನ್ಸರ್​ಗೆ ಸಿಗರೇಟ್ ಸೇದುವುದು ಮಾತ್ರವೇ ಕಾರಣವಲ್ಲ

ಲಂಗ್ ಕ್ಯಾನ್ಸರ್ ಪೈಕಿ ಶೇಕಡಾ 50ರಷ್ಟು ಜನ ಪ್ಯಾಸಿವ್ ಸ್ಮೋಕರ್ಸ್

ಈಗ ಭಾರತೀಯರಲ್ಲಿ ಲಂಗ್ ಕ್ಯಾನ್ಸರ್‌ಗೆ ತುತ್ತಾದವರ ಸಂಖ್ಯೆ ಹೆಚ್ಚು

ಬೆಂಗಳೂರು: ಕನ್ನಡದ ಖ್ಯಾತ ನಿರೂಪಕಿ, ನಟಿ ಅಪರ್ಣಾ ಅವರು ಮಾರಕ ಶ್ವಾಸಕೋಶದ ಕ್ಯಾನ್ಸರ್‌ಗೆ ಬಲಿಯಾಗಿದ್ದಾರೆ. ಅಪರ್ಣಾ ಸಾವಿನ ಬೆನ್ನಲ್ಲೇ ಈ ಲಂಗ್ ಕ್ಯಾನ್ಸರ್‌ಗೆ ಆತಂಕ ಎದುರಾಗಿದ್ದು, ಜನರು ಗೂಗಲ್​ನಲ್ಲಿ ಈ ಬಗ್ಗೆ ಮಾಹಿತಿಯನ್ನು ಜಾಲಾಡುತ್ತಿದ್ದಾರೆ. ಈ ಅಪಾಯದ ಮಧ್ಯೆ ಲಂಗ್ ಕ್ಯಾನ್ಸರ್ ಶಾಕಿಂಗ್​ ಸುದ್ದಿಗಳು ಬಯಲಾಗಿದೆ.

ಇದನ್ನೂ ಓದಿ: ಅಪರ್ಣಾ ಬಲಿ ಪಡೆದ ಶ್ವಾಸಕೋಶ ಕ್ಯಾನ್ಸರ್​.. ಶೇ.50 ರಷ್ಟು ಧೂಮಪಾನ ಮಾಡದವ್ರಿಗೆ ಕಾಡ್ತಿದೆ ಈ ಮಾರಕ ಕಾಯಿಲೆ..! 

ಹಲವಾರು ಅಧ್ಯಯನದ ಪ್ರಕಾರ ಈ ಶ್ವಾಸಕೋಶದ ಕ್ಯಾನ್ಸರ್​ಗೆ ಸಿಗರೇಟ್ ಸೇದುವುದು ಮಾತ್ರವೇ ಕಾರಣವಲ್ಲ. ಸ್ಮೋಕಿಂಗ್ ಮಾಡುವವರ ಪಕ್ಕದಲ್ಲಿ ನಿಂತಿದ್ದವರಿಗೂ ಈ ಕ್ಯಾನ್ಸರ್ ಬರುವ ಸಾಧ್ಯತೆ ಇದೆ. ಇನ್ನು ಅಚ್ಚರಿಯ ಸಂಗತಿ ಏನಂದ್ರೆ ಲಂಗ್ ಕ್ಯಾನ್ಸರ್ ಪೈಕಿ ಶೇಕಡಾ 50ರಷ್ಟು ಜನ ಪ್ಯಾಸಿವ್ ಸ್ಮೋಕರ್ಸ್ ಅಂದ್ರೆ ಸಿಗರೇಟ್ ಸೇದುವಾಗ ಪಕ್ಕದಲ್ಲಿ ನಿಂತವರು ಎನ್ನಲಾಗಿದೆ.

ಲಂಗ್ ಕ್ಯಾನ್ಸರ್ ಭೀತಿ
ಭಾರತೀಯರಲ್ಲಿ 54-70 ವಯಸ್ಸಿನವರಿಗೆ ಈ ಶ್ವಾಸಕೋಶದ ಕ್ಯಾನ್ಸರ್ ಪತ್ತೆಯಾಗುತ್ತಿದೆ. ಲಂಗ್ ಕ್ಯಾನ್ಸರ್ 3ನೇ ಅತಿ ಭಯಾನಕ ಕ್ಯಾನ್ಸರ್. ಇದುವರೆಗೂ ಭಾರತದಲ್ಲಿ 72,510 ಶ್ವಾಸಕೋಶ ಕ್ಯಾನ್ಸರ್ ಪ್ರಕರಣ ಪತ್ತೆಯಾಗಿದ್ದು, 66,279 ಮಂದಿ ಈ ಶ್ವಾಸಕೋಶದ ಕ್ಯಾನ್ಸರ್​ಗೆ ಬಲಿಯಾಗಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ವಿದೇಶಕ್ಕಿಂತ ಭಾರತೀಯರಲ್ಲಿ ಲಂಗ್ ಕ್ಯಾನ್ಸರ್‌ಗೆ ತುತ್ತಾದವರ ಸಂಖ್ಯೆ ಹೆಚ್ಚಾಗಿದೆ. ಸಿಗರೇಟ್‌ನಿಂದ ಮಾತ್ರವಲ್ಲ ಮೇಕ್ ಅಪ್ ಹಾಕುವವರಿಗೂ ಲಂಗ್ ಕ್ಯಾನ್ಸರ್ ಬರುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಕ್ಯಾನ್ಸರ್‌ ಕೊನೆಯ ಹಂತದಲ್ಲಿ ಬಾಲಿವುಡ್​ ನಟಿ ಹೋರಾಟ; ಫ್ಯಾನ್ಸ್​ಗೆ ಹಿನಾ ಖಾನ್ ಹೇಳಿದ್ದೇನು? 

ಲಂಗ್ ಕ್ಯಾನ್ಸರ್ ಲಕ್ಷಣವೇನು?
1. ವಿಪರೀತ ಕೆಮ್ಮು
2. ಉಸಿರಾಟದ ತೊಂದರೆ
3. ತೂಕ ಇಳಿಕೆ
4. ಕೆಮ್ಮಿದಾಗ ರಕ್ತಸ್ರಾವ
5. ಎದೆ ನೋವು
6. ತಲೆನೋವು
7. ನಿಶಕ್ತಿ
8. ಮುಖ ಊದಿಕೊಳ್ಳುವುದು

ಲಂಗ್ ಕ್ಯಾನ್ಸರ್​ಗೆ ಕಾರಣ
1. ಧೂಮಪಾನ
2. ಧೂಮಪಾನ ಮಾಡುವವರ ಜೊತೆ ನಿಲ್ಲುವುದು
3. ಅಡುಗೆ ಮನೆಯ ಹೊಗೆ, ಫ್ಯಾಕ್ಟರಿ ಹೊಗೆ
4. ಡಯೆಟ್
5. ಫ್ಯಾಮಿಲಿ ಹಿಸ್ಟರಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ