ಪಾಂಡ್ಯಗೆ ಮಾಸ್ಟರ್​ ಸ್ಟ್ರೋಕ್; MI ಮೇಜರ್​​ ಸರ್ಜರಿ ಹಿಂದೆ ರೋಹಿತ್ ಶರ್ಮಾ ಪಾತ್ರ..!

ಮುಂಬೈ ಇಂಡಿಯನ್ಸ್​ ತಂಡದಲ್ಲಿ ಮೇಜರ್ ಸರ್ಜರಿ ನಡೆದಿದೆ. ಮತ್ತೆ ಮಹೇಲಾ ಜಯವರ್ಧನೆ ಕೋಚ್ ಆಗಿ ನೇಮಕಗೊಂಡಿದ್ದಾರೆ. ಈ ನೇಮಕದ ಹಿಂದೆ ರೋಹಿತ್ ಪಾತ್ರ ಇದೆಯಾ ಎಂಬ ಅನುಮಾನ ಹುಟ್ಟಿಸಿದೆ. ರೋಹಿತ್, ಮತ್ತೆ ತಂಡದ ಚುಕ್ಕಾಣಿ ಹಿಡಿಯುತ್ತಾರಾ ಅನ್ನೋ ಅನುಮಾನವೂ ಹುಟ್ಟಿಸಿದೆ.

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಆಕ್ಷನ್​ಗೂ ಮುನ್ನ ಫ್ರಾಂಚೈಸಿಗಳ ವಲಯದಲ್ಲಿ ಭರ್ಜರಿ ಸಿದ್ಧತೆ ಆರಂಭವಾಗಿದೆ. ರಿಟೈನ್​, ರಿಲೀಸ್​ ಲೆಕ್ಕಾಚಾರಗಳು ಜೋರಾಗಿ ನಡೀತಿವೆ. ಕೋಚ್​, ಕ್ಯಾಪ್ಟನ್​ ಬದಲಾವಣೆ ಸೇರಿದಂತೆ, ಆಟಗಾರರ ರಿಟೈನ್​-ರಿಲೀಸ್​ ವಿಚಾರದಲ್ಲಿ ಶಾಕಿಂಗ್​ ಸುದ್ದಿಗಳು ಮೇಲಿಂದ ಮೇಲೆ ಹೊರ ಬರ್ತಿವೆ. ಇಂಥ ಸಪ್ರೈಸ್​​​ಗಳಿಂದ ಮುಂಬೈ ಇಂಡಿಯನ್ಸ್​ ಕೂಡ ಹೊರತಾಗಿಲ್ಲ.

ಇದನ್ನೂ ಓದಿ:ಅತಿಯಾದ ಸ್ಕ್ರೀನ್ ಟೈಮ್ ತುಂಬಾ ಡೇಂಜರ್; ನಿಮ್ಮ ಮಗುವಿನ ಮೇಲೆ ಎಷ್ಟು ಕೆಟ್ಟ ಪರಿಣಾಮ ಆಗ್ತದೆ?

ಕಳೆದ ಆವೃತ್ತಿಯಲ್ಲಿ ಸಾಕಷ್ಟು ಟೀಕೆಗೆ ಒಳಗಾಗಿದ್ದ 5 ಬಾರಿ ಚಾಂಪಿಯನ್​ ಮುಂಬೈ,​ ಈ ಬಾರಿ ಸ್ಟ್ರಾಂಗ್​​ ಕಮ್​ಬ್ಯಾಕ್​​ಗೆ ತಯಾರಿ ನಡೆಸುತ್ತಿದೆ. ಮೇಜರ್ ಸರ್ಜರಿಗೆ ಕೈ ಹಾಕಿರುವ ಮುಂಬೈ ಇಂಡಿಯನ್ಸ್​, ನೂತನ ಕೋಚ್​ಗಳ ನೇಮಿಸುವ ಮೂಲಕ ಹೊಸ ಸಂದೇಶ ರವಾನಿಸಿದೆ.

ಮತ್ತೆ ಮಹೇಲಾ ಹೆಡ್​​ ಕೋಚ್..!
ಮುಂಬೈ ಇಂಡಿಯನ್ಸ್ ಕೋಚಿಂಗ್ ಸ್ಟಾಫ್​ನಲ್ಲಿ ಮೇಜರ್ ಸರ್ಜರಿ ನಡೆದಿದೆ. ಈ ಹಿಂದಿನ ಹೆಡ್​ ಕೋಚ್ ಮಾರ್ಕ್​ ಬೌಚರ್​ಗೆ ಕಿಕ್​ಔಟ್ ಮಾಡಿರುವ ಮುಂಬೈ ಫ್ರಾಂಚೈಸಿ, ಗ್ಲೋಬಲ್​ ಹೆಡ್ ಮಹೇಲಾ ಜಯವರ್ಧನೆಯನ್ನ ಮತ್ತೆ ನೂತನ ಕೋಚ್ ಆಗಿ ನೇಮಿಸಿದೆ. 2017, 2019, 2020ರಲ್ಲಿ ಮುಂಬೈ ತಂಡವನ್ನ ಚಾಂಪಿಯನ್​ ಪಟ್ಟಕ್ಕೇರಿಸಿದ್ದ ಜಯವರ್ಧನೆಯನ್ನೇ ಕೋಚ್ ಆಗಿ ಕರೆತಂದಿರುವ ಮುಂಬೈ, ಮತ್ತೊಬ್ಬ ಚಾಂಪಿಯನ್ ಕೋಚ್​ಗೂ ಮಣೆಹಾಕುವ ಲೆಕ್ಕಚಾರದಲ್ಲಿದೆ.

ಮಹೇಲಾ ಜಯವರ್ಧನೆ ಕೋಚ್ ಆಗಿದ್ದೇ ತಡ, ಇತ್ತ ಟೀಮ್ ಇಂಡಿಯಾದ ಮಾಜಿ ಬೌಲಿಂಗ್ ಕೋಚ್ ಪರಸ್‌ ಮಾಂಬ್ರೆ, ಮತ್ತೆ ಮುಂಬೈ ಬ್ರಿಗೇಡ್ಸ್​ ಸೇರ್ತಾರೆ ಎನ್ನಲಾಗ್ತಿದೆ. ಇದಕ್ಕೆ ಮುಂಬೈ ಇಂಡಿಯನ್ಸ್​ ಫ್ರಾಂಚೈಸಿಯೇ ಅಧಿಕೃತ ಮುದ್ರೆ ಒತ್ತಬೇಕಿದೆ.

ಇದನ್ನೂ ಓದಿ:ದೇಶದ ಅತೀ ಉದ್ದದ ಗ್ಲಾಸ್​ ಬ್ರಿಡ್ಜ್​ ಇದು.. ಸಾಹಸಿ ಪ್ರವಾಸಿಗರು ನೋಡಲೇಬೇಕಾದ ಸ್ಥಳ..!

ರೋಹಿತ್ ಮುಂಬೈ ಆಫೀಸ್ ಭೇಟಿ ಬೆನ್ನಲ್ಲೇ ಮಹತ್ವದ ನಿರ್ಧಾರ
ಕೆಲ ದಿನಗಳ ಹಿಂದೆಯಷ್ಟೇ ರೋಹಿತ್, ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯ ಕಾರ್ಪೊರೇಟ್ ಆಫೀಸ್​ಗೆ ಭೇಟಿ ನೀಡಿದ್ರು. ಈ ಭೇಟಿಯ ಬೆನ್ನಲ್ಲೇ ಮುಂಬೈ ಇಂಡಿಯನ್ಸ್ ನೂತನ ಹೆಡ್​ ಕೋಚ್​ ಆಗಿ ಮಹೇಲಾ ಜಯವರ್ಧನೆಯನ್ನ ಕೋಚ್ ಆಗಿ ನೇಮಿಸಿದೆ. ರೋಹಿತ್​ಗೆ ಆಪ್ತರಾಗಿರುವ ಪರಾಸ್ ಮಾಂಬ್ರೆಯೂ ಮುಂಬೈ ಸೇರ್ತಾರೆ ಎಂಬ ಸುದ್ದಿ ಹರಿದಾಡ್ತಿದೆ. ಹೀಗಾಗಿ ಕೋಚ್ ಬದಲಾವಣೆ ಹಿಂದೆ ರೋಹಿತ್ ಶರ್ಮಾ ಪಾತ್ರ ಇದೆಯಾ ಎಂಬ ಅನುಮಾನವೂ ಹುಟ್ಟಿಕೊಂಡಿದೆ. ರೋಹಿತ್, ಜಯವರ್ಧನೆ ಜುಗಲ್​​ಬಂದಿಯಲ್ಲೇ ಮುಂಬೈ 3 ಬಾರಿ ಚಾಂಪಿಯನ್ ಆಗಿದೆ. ಇದೆಲ್ಲಕ್ಕಿಂತ ಮಿಗಿಲಾಗಿ ಇವರಿಬ್ಬರ ನಡುವಿನ ಒಡನಾಟ ಉತ್ತಮವಾಗಿದೆ. ಈ ನಿರ್ಧಾರ ಮತ್ತೊಂದು ಪ್ರಶ್ನೆಗೂ ದಾರಿ ಮಾಡಿಕೊಟ್ಟಿದೆ.

ಕ್ಯಾಪ್ಟನ್ ಕೂಡ ಚೇಂಜ್..?
ಈಗಾಗಲೇ ಕೋಚಿಂಗ್ ಸ್ಟಾಫ್​​ ಬದಲಾಯಿಸಿರುವ ಮುಂಬೈ ಇಂಡಿಯನ್ಸ್​, ನಾಯಕನ ಬದಲಾವಣೆ ಮಾಡುತ್ತಾ ಎಂಬ ಅನುಮಾನ ಮೂಡಿಸಿದೆ. ಕಳೆದ ಆವೃತ್ತಿಯಲ್ಲಿ ಹಾರ್ದಿಕ್ ಪಾಂಡ್ಯಗೆ ಪಟ್ಟ ಕಟ್ಟಿ ಕೈ ಸುಟ್ಟುಕೊಂಡಿದ್ದ ಮುಂಬೈ, ಈಗ ರೋಹಿತ್​ ಶರ್ಮಾ ಮಾತಿನಂತೆ ನಡೆದುಕೊಂಡು ಡ್ಯಾಮೇಜ್​ ಕಂಟ್ರೋಲ್ ಮಾಡೋಕೆ ಹೊರಟಿದ್ಯಾ? ಇಲ್ಲ ರೋಹಿತ್​ ಶರ್ಮಾಗೆ ಮತ್ತೆ ಪಟ್ಟ ಕಟ್ಟಲು ತೆರೆ ಹಿಂದೆ ನಡೆಯುತ್ತಿರುವ ಹೈಡ್ರಾಮಾನಾ ಎಂಬ ಪ್ರಶ್ನೆ ಸಹಜವಾಗೆ ತಲೆದೂರಿದೆ. ಇದೆಲ್ಲಕ್ಕೂ ಅಕ್ಟೋಬರ್ ಅಂತ್ಯದಲ್ಲೇ ಹೊರಬೀಳಬೇಕಿದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾಗೆ ಮಾಸ್ಟರ್​ ಸ್ಟ್ರೋಕ್​​; 3ನೇ ಟಿ20 ಪಂದ್ಯದಿಂದ ಸ್ಟಾರ್​ ಪ್ಲೇಯರ್​ ಔಟ್​

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್