60 ವರ್ಷದ ಅರ್ಚಕನಿಗೆ ಫೇಸ್​ಬುಕ್​ನಲ್ಲಿ ಸಿಕ್ಕಿದ್ಳು ಮೋಹಕ ಸುಂದರಿ

ವಾಟ್ಸ್ ಅಪ್ ನಲ್ಲಿ ಚಾಟಿಂಗ್, ಆನ್ ಲೈನ್​​ಲ್ಲಿ ವಸೂಲಿ ಕಾರ್ಯಕ್ರಮ

ಅನಾಥೆ ಅಂತ ಕಣ್ಣೀರಿಟ್ಲು, ಕರಗಿದ ಅರ್ಚಕ ಕಳೆದುಕೊಂಡಿದ್ದು ಎಷ್ಟು ಲಕ್ಷ?

ಮಂಡ್ಯ: ಆನ್​ಲೈನ್​ನಲ್ಲಿ ಯಾವುದಾದರೂ ಸುಂದರಿ ನಿಮಗೆ ಫ್ರೆಂಡ್​ ರಿಕ್ವೆಸ್ಟ್ ಕಳಿಸಿ ತನ್ನ ಗೋಳನ್ನು ಹೇಳಿಕೊಂಡು ಗೋಳೋ ಅಂತ ಅಳ್ತಿದ್ದಾಳಾ.? ಪ್ಲೀಸ್‌ ಸಹಾಯ ಮಾಡಿ ಅಂತಿದ್ದಾಳಾ, ದುಡಕಬೇಡಿ, ಅದು ಫೇಕ್ ಅಕೌಂಟ್ ಆಗಿರಬಹುದು. ನಿಮ್ಮಿಂದ ವಸೂಲಿ ಕಾರ್ಯಕ್ರಮ ಅವಳು ಇಟ್ಟುಕೊಂಡಿರಬಹುದು ಅಥವಾ ಆ ಕಡೆಯಿಂದ ಬರ್ತಿರೋ ಮೆಸೇಜ್​ಗಳು ಹುಡುಯಗಿಯದೇ ಅಲ್ಲದಿರಬಹುದು. ಯಾಕಂದ್ರೆ ಫೇಸ್​ಬುಕ್​ನಲ್ಲಿ ಸುಂದರಿಯ ಕಣ್ಣೀರಿಗೆ ಕರಗಿದ 60 ವರ್ಷದ ಅರ್ಚಕರೊಬ್ಬರು ಬರೋಬ್ಬರಿ ಒಂದು ಲಕ್ಷ ರೂಪಾಯಿ ಕಳೆದುಕೊಂಡಿದ್ದಾಳೆ.

ಇದನ್ನೂ ಓದಿ: 2ನೇ ಮದುವೆಯಾಗಲು ರೆಡಿಯಾಗಿದ್ದ ಭೂಪನಿಗೆ ಶಾಕ್​: ಚರ್ಚ್​ಗೆ ನುಗ್ಗಿದ ಮೊದಲನೇ ಹೆಂಡ್ತಿ ಮಾಡಿದ್ದೇನು?

ಅರ್ಚಕ ವಿಜಯ್​ಕುಮಾರ್​ ಮಂಡ್ಯದ ಪಾಂಡವಪುರ ತಾಲೂಕಿ ಪಟ್ಟ ಸೋಮನಹಳ್ಳಿ ನಿವಾಸಿ. ಅರ್ಚಕ ವೃತ್ತಿಯನ್ನು ನಂಬಿಕೊಂಡು ಜೀವನ ಸಾಗಿಸುತ್ತಿದ್ದ ವಿಜಯಕುಮಾರ್​ 60ನೇ ಹರೆಯದಲ್ಲಿ ಫೇಸ್​ಬುಕ್ ಹಾಗೂ ಇನ್​ಸ್ಟಾಗ್ರಾಮ್​ನ ಗೀಳು ಹಿಡಿದಿತ್ತು. ಮೊಬೈಲ್​​ನಲ್ಲಿ ಬ್ಯುಸಿಯಾಗಿರ್ತಾರೆ. ಈ ವಿಜಯಕುಮಾರ್ ಕೂಡ ಮೊಬೈಲ್​ನಲ್ಲಿ ಬ್ಯುಸಿ ಇರ್ತಿದ್ರು. ಇಂಥಾ ಟೈಮ್​​ನಲ್ಲೇ ಈ ವಿಜಯ್​ಕುಮಾರ್​​ಗೆ ಫೇಸ್​​ಬುಕ್​ನಲ್ಲಿ ಸಿರಿ ಶ್ರೇಷಾ ಅನ್ನೋ ಖಾತೆಯಿಂದ ರಿಕ್ವೆಸ್ಟ್ ಬಂದಿದೆ. ಡಿಪಿ ನೋಡಿದ್ರೆ ಚೆಂದದ ಯುವತಿಯ ಫೋಟೋ ಇದೆ. ಹುಡುಗಿ ಚೆನ್ನಾಗಿಯೇ ಇದ್ದಾಳಲ್ಲ ಅಂತ ವಿಜಯಕುಮಾರ್ ರಿಕ್ವೆಸ್ಟ್ ಓಕೆ ಮಾಡಿ ಫ್ರೆಂಡ್ ಮಾಡ್ಕೊಂಡಿದ್ದಾರೆ. ಅಲ್ಲಿಂದ ಈ ಸಿರಿ ಶ್ರೇಷಾ ಮತ್ತು ವಿಜಯಕುಮಾರ ಮಧ್ಯೆ ಚಾಟಿಂಗ್ ಶುರುವಾಗಿದೆ.

ಇದನ್ನೂ ಓದಿ: ಶಿವಮೊಗ್ಗದಲ್ಲೊಂದು ಮೂಕ ಪ್ರಾಣಿಯ ಮರುಕ.. ಮಾಲೀಕ ಸಾವನ್ನಪ್ಪಿದ್ರೂ ಆಸ್ಪತ್ರೆ ​ಬಳಿ ಬಂದು ಕಾಯುತ್ತಿದೆ ಶ್ವಾನ

ವಿಜಯಕುಮಾರ ಚಾಟಿಂಗ್ ಶುರು ಮಾಡಿದ್ರು. ಅತ್ತ ಸಿರಿ ಶ್ರೇಷಾ ಅಕೌಂಟ್​​ನಿಂದ ಚಾಟ್ ಮಾಡ್ತಿದ್ದವರು ಅರ್ಚಕನ ಜೊತೆ ಎಲ್ಲವನ್ನು ಶೇರ್ ಮಾಡ್ಕೊಳೋದಕ್ಕೆ ಶುರು ಮಾಡಿದ್ದಾರೆ. ದಿನ ಕಳೆದಂತೆ ಇಬ್ಬರ ಮಧ್ಯೆ ಆತ್ಮೀಯತೆಯೂ ಬೆಳೆದಿದೆ. ಪೇಸ್​ಬುಕ್​ ಸುಂದರಿಗೆ ಮರುಳಾಗಿದ್ದ ಅರ್ಚಕ ವಿಜಯಕುಮಾರ ಆಕೆ ಕಷ್ಟ ನಷ್ಟಗಳನ್ನೆ ಕೇಳೋದಕ್ಕೆ ಶುರು ಮಾಡಿದ್ದಾನೆ. ರೋಗಿ ಬಯಸಿದ್ದು ಹಾಲು ಅನ್ನ ವೈದ್ಯ ಹೇಳಿದ್ರು ಹಾಲು ಅನ್ನ ಅನ್ನೋವಂತೆ ಚಾಟಿಂಗ್ ಮಾಡ್ತಿದ್ದ ಯುವತಿಗೂ ಅದೇ ಬೇಕಾಗಿತ್ತು. ಒಳ್ಳೆ ಬಕ್ರಾನೇ ಸಿಕ್ಕ ಅಂತ ಫೇಸ್​​ಬುಕ್​ನಲ್ಲಿ ಸಿಕ್ಕ ಸುಂದರಿ ಹೊಸ ವರಸೆ ಶುರು ಹಚ್ಕೊಂಡಿದ್ದಳು.

ಇದನ್ನೂ ಓದಿ: ನೇಣು ಬಿಗಿದ ಸ್ಥಿತಿಯಲ್ಲಿ ಗೃಹಿಣಿ ಶವ ಪತ್ತೆ; ಅತ್ತ ಗಂಡನೂ ಆತ್ಮ*ಹತ್ಯೆ; ಕೋಪಗೊಂಡು ಅಳಿಯನ ಮನೆಗೆ ಬೆಂಕಿ ಇಟ್ಟ ಕುಟುಂಬಸ್ಥರು

ಯಾವಾಗ ಇಬ್ಬರ ನಡುವೆ ಒಂದು ಆತ್ಮಿಯತೆ ಬೆಸೆಯಿತೋ ಯುವತಿ ವಸೂಲಿ ಕಾರ್ಯಕ್ರಮಕ್ಕೆ ಇಳಿದಿದ್ದಾಳೆ. ಅರ್ಚಕನ ಮುಂದೆ ತಾನೊಬ್ಬಳು ಅನಾಥೆ ತನಗೆ ಯಾರು ಇಲ್ಲ. ನನಗೆ ಸಹಾಯ ಮಾಡಿ ಅಂತೆಲ್ಲ ಕೇಳಿಕೊಂಡಿದ್ಳಂತೆ. ಈ ಮಾತು ಕೇಳ್ತಿದ್ದಂತೆ ಅರ್ಚಕ ವಿಜಯಕುಮಾರ್ ಕರಗಿ ನೀರಾಗಿಬಿಟ್ಟಿದ್ರು. ಆಕೆ ಕಷ್ಟಕ್ಕೆ ಸ್ಪಂದಿಸಬೇಕು ಅಂತ ಅರ್ಚಕ ವಿಜಯಕುಮಾರ ಸಿರಿ ಶ್ರೇಷಾ ಅಕೌಂಟ್​ನಿಂದ ಚಾಟ್ ಮಾಡ್ತಿದ್ದ ಹುಡುಗಿಗೆ ಹಣ ಹಾಕೋದಕ್ಕೆ ಶುರು ಮಾಡಿದ್ದಾರೆ. 100,200 ಅಂತ ಅವಳ ಅಕೌಂಟ್​ಗೆ ದುಡ್ಡು ಹಾಕುತ್ತಲೇ ಇದ್ದ ವಿಜಯ್​ಕುಮಾರ್ ಕೊನೆಗೆ ಕಳೆದುಕೊಂಡಿದ್ದು ಲಕ್ಷ ಲಕ್ಷ

ಇದನ್ನೂ ಓದಿ: Mysore Dasara 2024: ಗಜಪಯಣಕ್ಕೆ ಚಾಲನೆ.. ಇಂದು ಮೈಸೂರಿಗೆ ಆಗಮಿಸಲಿರೋ ಅಭಿಮನ್ಯು ಮತ್ತು ಟೀಂ

ಯುವತಿ ಯಾವಗೆಲ್ಲಾ ಹಣ ಕೇಳಿದ್ಲು ವಿಜಯಕುಮಾರ ಆಗೆಲ್ಲ ಹಣ ಹಾಕಿದ್ದಾರೆ. ಪೋನ್​ಪೇ, ಗೂಗಲ್ ಪೇ ಮೂಲಕ ಹಣ ವರ್ಗಾವಣೆ ಮಾಡಿದ್ದಾರೆ. ಹೀಗೆ ಅರ್ಚಕನಿಂದ ಫೇಸ್​ಬುಕ್​ ಸುಂದರಿ ಒಂದಲ್ಲ ಎರಡಲ್ಲ ಬರೋಬ್ಬರಿ ಒಂದು ಲಕ್ಷ ಹಣ ಹಾಕಿಸಿಕೊಂಡಿದ್ದಾಳಂತೆ. ಆದ್ರೆ ಯಾವಾಗ ಅರ್ಚಕ ವಿಜಯಕುಮಾರ್ ಫೇಸ್​ಬುಕ್​ ಸುಂದರಿಯನ್ನ ಮೀಟ್ ಮಾಡ್ಬೇಕು ಅಂತ ಹೇಳಿದ್ನೋ ಆಗ್ಲೇ ನೋಡಿ ಅಸಲಿ ಮ್ಯಾಟರ್ ಬಯಲಾಗಿದ್ದು

ಅರ್ಚಕ ಭೇಟಿಯಾಗಬೇಕು ಅಂದಾಗಲೆಲ್ಲಾ  ಫೇಸ್​ಬುಕ್​ ಸುಂದರಿ ಅವಾಯ್ಡ್ ಮಾಡೋಕೆ ಶುರು ಮಾಡಿದ್ದಾಳೆ. ಹಲವು ಬಾರಿ ಸಿಗುವುದಾಗಿ ಹೇಳಿ ಆ ಯುವತಿ ವಿಜಯಕುಮಾರ ಕೈಗೆ ಸಿಕ್ಕೆ ಇಲ್ಲ. ಆಮೇಲೆ ಫೋನ್ ಮೆಸೆಜ್ ಮಾಡಿದ್ರೂ ನೋ ರೆಸ್ಪಾನ್ಸ್​ ಆಗ್ಲೇ ನೋಡಿ ಇದು ಆನ್​ಲೈನ್ ದೋಖಾ ಅಂತ ಗೊತ್ತಾಗಿರೋದು. ಯುವತಿ ಆಸೆಗೆ ಲಕ್ಷ ಕಳೆದುಕೊಂಡ ವೃದ್ಧ ಅರ್ಚಕ ಈಗ ಮಂಡ್ಯ ಸೈಬರ್ ಠಾಣೆ ಮೆಟ್ಟಿಲ್ಲೇರಿದ್ದಾನೆ. ಆದ್ರೆ ಅರ್ಚಕನಿಗೆ ಮೆಸೆಜ್ ಮಾಡಿರೋದು ನಕಲಿ ಖಾತೆ ಅನ್ನೋದು ಈಗ ಗೊತ್ತಾಗಿದೆ.

ವಿಜಯಕುಮಾರ್​ಗೆ ಮೆಸೆಜ್ ಮಾಡಿದ್ದ ಅಕೌಂಟ್​ ಫೇಕ್ ಅಕೌಂಟ್ ಆಗಿದೆ. ಯಾಕಂದ್ರೆ ಈ ಫೋಟೋ ಸಿರಿ ಬರೆಽಲಕ್ಕ ಅನ್ನೋ ಮಹಿಳೆಯದ್ದು. ಮೂಲತಃ ತೆಲಂಗಾಣ ನಿವಾಸಿರುವ ಸಿರಿಗೆ ಇನ್​ಸ್ಟಾದಲ್ಲಿ 7 ಲಕ್ಷಕ್ಕೂ ಅಧಿಕ ಜನ ಫಾಲೋವರ್ಸ್​ ಇದ್ದಾರೆ. ಈ ಸಿರಿ ಫೋಟೋವನ್ನೆ ಯಾರೋ ಕಿಡಿಗೇಡಿಗಳು ಬಳಸಿಕೊಂಡು ನಕಲಿ ಖಾತೆ ಕ್ರಿಯೇಟ್ ಮಾಡಿ ಈ ಅರ್ಚಕನಿಗೆ ಮೋಸ ಮಾಡಿರುವ ಶಂಕೆಯಿದೆ. ಸದ್ಯ ಈ ಬಗ್ಗೆ ಮಂಡ್ಯ ಸೈಬರ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸ್ತಿದ್ದಾರೆ.ಯಾವುದಕ್ಕೂ ಆನ್​ಲೈನ್​ನಲ್ಲಿ ಫ್ರೆಂಡ್​ಶಿಪ್, ರಿಲೇಷನ್​ಶಿಪ್ ಬೆಳೆಸುವ ಮುನ್ನ ಹುಷಾರಾಗಿರಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ