ಎರಡು ಒಲಿಂಪಿಕ್ಸ್​ನಲ್ಲಿ ತಂಡ ಪ್ರತಿನಿಧಿಸಿದ್ದ ಯುವ ಆಟಗಾರ

ಒಲಿಂಪಿಕ್ಸ್​ನಲ್ಲಿ ಭಾರತದ ಪ್ಲೇಯರ್ ಅಮೋಘ ಪ್ರದರ್ಶನ

64ನೇ ಸ್ಥಾನದಲ್ಲಿನ ಭಾರತ ಬಳಿ 1 ಬೆಳ್ಳಿ, 4 ಕಂಚಿನ ಪದಕ ಇವೆ

ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ ಭಾರತದ ಹಾಕಿ ತಂಡ ಕಂಚಿನ ಪದಕ ಗೆದ್ದು ಇತಿಹಾಸ ನಿರ್ಮಿಸಿದೆ. ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಕಂಚು ಗೆದ್ದಿದ್ದ ಹರ್ಮನ್​ಪ್ರೀತ್ ಸಿಂಗ್ ನೇತೃತ್ವದ ಭಾರತ ತಂಡ ಈ ಸಲದ ಒಲಿಂಪಿಕ್ಸ್​ನಲ್ಲಿ 3ನೇ ಸ್ಥಾನ ಪಡೆಯುವ ಮೂಲಕ ಮತ್ತೊಮ್ಮೆ ಕಂಚಿನ ಪದಕಕ್ಕೆ ಮುತ್ತಿಟ್ಟಿದೆ. ಸದ್ಯ ಇದರ ಬೆನ್ನಲ್ಲೇ ಹಾಕಿ ಪ್ಲೇಯರ್ಸ್​ಗೆ ಬಹುಮಾನಗಳು ಘೋಷಣೆ ಆಗುತ್ತಿದ್ದು ಓರ್ವ ಪ್ಲೇಯರ್​ಗೆ ಕೋಟಿ ರೂಪಾಯಿಗಳನ್ನ ಅನೌನ್ಸ್ ಮಾಡಲಾಗಿದೆ.

ಇದನ್ನೂ ಓದಿ: ಪಡ್ಡೆಹುಡುಗರ ಕಣ್ಣು ತಂಪು ಮಾಡಿದ ನಿವೇದಿತಾ ಗೌಡ.. ಹಾಟ್​ ಆಗಿ ಕಾಣಿಸಿದ ಬಿಗ್​ಬಾಸ್​ ಬ್ಯೂಟಿ!

ಭಾರತದ ಹಾಕಿ ತಂಡದ ಪ್ಲೇಯರ್ ಆಗಿರುವ ವಿವೇಕ್ ಸಾಗರ್ ಪ್ರಸಾದ್ ಅವರಿಗೆ ಮಧ್ಯಪ್ರದೇಶದ ಸಿಎಂ ಮೋಹನ್ ಯಾದವ್ ಅವರು ಅಭಿನಂದನೆ ಸಲ್ಲಿಸಿದ್ದಾರೆ. ಭಾರತದ ಹಾಕಿ ತಂಡದಲ್ಲಿ ತಮ್ಮ ರಾಜ್ಯದಿಂದ ಪ್ರತಿನಿಧಿಸಿರುವ 24 ವರ್ಷದ ಯುವ ಆಟಗಾರನಾದ ವಿವೇಕ್ ಸಾಗರ್ ಪ್ರಸಾದ್​ಗೆ ಬರೋಬ್ಬರಿ 1 ಕೋಟಿ ರೂಪಾಯಿಗಳನ್ನು ಬಹುಮಾನವಾಗಿ ಘೋಷಣೆ ಮಾಡಿದ್ದಾರೆ. ಸಿಎಂ ಮೋಹನ್ ಯಾದವ್ ಅವರು ಮೊಬೈಲ್​ ಮೂಲಕ ವಿಡಿಯೋ ಕರೆ ಮಾಡಿ ವಿವೇಕ್ ಸಾಗರ್ ಪ್ರಸಾದ್​ ಜೊತೆ ಮಾತನಾಡಿದ್ದಾರೆ. ಈ ನಿಮ್ಮ ಸಾಧನೆಗೆ ಸರ್ಕಾರ 1 ಕೋಟಿ ರೂಪಾಯಿಗಳನ್ನು ಬಹುಮಾನವಾಗಿ ಘೋಷಣೆ ಮಾಡಿದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ವಿನೇಶ್ ಫೋಗಾಟ್​ಗೆ ಸಿಲ್ವರ್ ಮೆಡಲ್ ಬರುತ್ತಾ..? ಭಾರತದ ಸ್ಪರ್ಧಿ ಪರ ಧ್ವನಿ ಎತ್ತಿದ 4 ರಾಷ್ಟ್ರಗಳು!

ಇನ್ನು ವಿವೇಕ್ ಸಾಗರ್ ಪ್ರಸಾದ್ ಅವರು ಮಧ್ಯಪ್ರದೇಶದ ನರ್ಮದಾಪುರಂ ಜಿಲ್ಲೆಯ ಇತಾರ್ಸ್​ ನಗರದವರು ಆಗಿದ್ದಾರೆ. ಇವರು ಹಾಕಿಯಲ್ಲಿ ಮಿಡ್​​ಫೀಲ್ಡರ್​ ಆಗಿ ಆಡುತ್ತಿದ್ದಾರೆ. ಟೋಕಿಟೋ​ ಹಾಗೂ ಸದ್ಯ ನಡೆಯುತ್ತಿರುವ ಪ್ಯಾರಿಸ್ ಒಲಿಂಪಿಕ್ಸ್​​ನಲ್ಲಿ ಭಾರತ ತಂಡವನ್ನ ವಿವೇಕ್ ಸಾಗರ್ ಪ್ರತಿನಿಧಿಸಿದ್ದಾರೆ. ಈ ಎರಡರಲ್ಲೂ ಭಾರತ ಕಂಚಿನ ಪದಕ ಗೆದ್ದುಕೊಂಡಿದೆ. 2024ರ ಒಲಿಂಪಿಕ್ಸ್​​​ನಲ್ಲಿ ಸದ್ಯ 64ನೇ ಸ್ಥಾನದಲ್ಲಿರುವ ಭಾರತ 1 ಬೆಳ್ಳಿ, 4 ಕಂಚಿನ ಪದಕಗಳೊಂದಿಗೆ ಪಟ್ಟು 5 ಪದಕಗಳನ್ನು ಪಡೆದುಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ