ಧೋನಿ ಮನೆ ಮುಂದೆ ಒಂದು ವಾರ ಟೆಂಟ್ ಹಾಕಿ ವಾಸ.. 1200 KM ದೂರ ಬಂದಿದ್ದವನಿಗೆ ದರ್ಶನವಾಯ್ತಾ?

ಎಷ್ಟೇ ಸೂಪರ್ ಸ್ಟಾರ್ ಕ್ರಿಕೆಟರ್​ ಆದರೂ ಅಂತಾರಾಷ್ಟ್ರೀಯ ಕ್ರಿಕೆಟ್​​ಗೆ ಗುಡ್​​​​ಬೈ ಹೇಳಿದ್ಮೇಲೆ ಜನಪ್ರೀಯತೆ ಕಮ್ಮಿ ಆಗುತ್ತೆ. ಆದ್ರೆ ಮಾಸ್ಟರ್​ಮೈಂಡ್ ಮಾಹಿ ವಿಚಾರದಲ್ಲಿ ಅದು ಉಲ್ಟಾ ಆಗ್ತಿದೆ. ಟೀಮ್ ಇಂಡಿಯಾದಿಂದ ದೂರವಾಗಿ ಅನೇಕ ವರ್ಷಗಳಾಗಿದೆ. ಮಿಸ್ಟರ್​ ಕೂಲ್ ಕ್ರೇಜ್​ ಮಾತ್ರ ಕಮ್ಮಿ ಆಗ್ತಿಲ್ಲ. ಅದ್ಯಾವ ಮಟ್ಟಿಗೆ ಧೋನಿ, ಅಭಿಮಾನಿಗಳನ್ನ ಆವರಿಸಿಕೊಂಡಿದ್ದಾರೆ ಅನ್ನೋದಕ್ಕೆ ಈ ಸ್ಟೋರಿಯೇ ನಿದರ್ಶನ.

ಮಹೇಂದ್ರ ಸಿಂಗ್ ಧೋನಿ. ಮೋಸ್ಟ್​ ಪಾಪ್ಯುಲರ್​​ ಕ್ರಿಕೆಟರ್​. ಈ ಜಗದ್ವಿಖ್ಯಾತ ಕ್ರಿಕೆಟರ್​ಗೆ ಅಸಂಖ್ಯಾತ ಅಭಿಮಾನಿಗಳ ಬಳಗ ಇದೆ. ಮಾಹಿ ಅಂತಾರಾಷ್ಟ್ರೀಯ ಕ್ರಿಕೆಟ್​​ಗೆ ವಿದಾಯ ಘೋಷಿಸಿ ಐದು ವರ್ಷ ಕಳೆದ್ರೂ ಅಭಿಮಾನಿಗಳ ವರ್ಗಕ್ಕೆ ತಮ್ಮ ನೆಚ್ಚಿನ ದೇವರ ಮೇಲಿನ ಅಭಿಮಾನಿ, ಪ್ರೀತಿ ಮಾತ್ರ ಕಿಂಚಿತ್ತೂ ಕಮ್ಮಿ ಆಗಿಲ್ಲ. ಮಿಸ್ಟರ್​​​ ಕೂಲ್​ಗೆ ವಯಸ್ಸು ಹೆಚ್ಚಿದಂತೆ ಕ್ರೇಜಿ ಫ್ಯಾನ್ಸ್ ಹುಟ್ಟಿಕೊಳ್ತಿದ್ದಾರೆ.

ಇದನ್ನೂ ಓದಿ:CSKಯಲ್ಲಿ ದಿನಕ್ಕೊಂದು ಬೆಳವಣಿಗೆ.. ಧೋನಿ ಬಗ್ಗೆ CEO ಶಾಕಿಂಗ್ ಹೇಳಿಕೆ

ಕ್ರೇಜಿ ಫ್ಯಾನ್

ಅಭಿಮಾನ ಅಂದ್ರೇನೆ ಹಾಗೇ. ಅದು ಎಲ್ಲ ಗಡಿಯನ್ನೂ ಮೀರಿದ್ದು. ನೆಚ್ಚಿನ ಕ್ರಿಕೆಟರ್​​ನನ್ನ ಕಣ್ತುಂಬಿಕೊಳ್ಳಲು ಏನ್ ಬೇಕಾದ್ರೂ ಮಾಡೋಕೆ ತಯಾರಿರ್ತಾರೆ. ಅದನ್ನೆ ಗೌರವ್ ಕುಮಾರ್​ ಎಂಬಾತ ಮಾಡಿದ್ದಾನೆ. ಈತನ ತಲಾ ಧೋನಿಯ ಬಿಗ್​ ಫ್ಯಾನ್​​​. ಅದ್ಯಾವ ಮಟ್ಟಿಗೆ ಅಂದ್ರೆ ಮಾಹಿಯನ್ನ ನೋಡಲು ಡೆಲ್ಲಿಯಿಂದ ರಾಂಚಿಗೆ ಸೈಕಲ್​​​ನಲ್ಲಿ ಬರೋಬ್ಬರಿ 1,200 ಟ್ರಾವೆಲ್​ ಮಾಡಿ ನೆಚ್ಚಿನ ಆರಾಧಕನನ್ನ ಭೇಟಿಯಾಗಿದ್ದಾರೆ.
1200 ಕಿಲೋ ಮೀಟರ್​ ಅಂದ್ರೆ ಸುಲಭದ ಟ್ರಾವೆಲ್ ಅಲ್ಲ. ಅದು ಸೈಕಲ್​​​ ಏರಿ ಸಾವಿರಾರು ಮೈಲಿ ಪ್ರಯಾಣಿಸೋದಂದ್ರೆ ನಿಜಕ್ಕೂ ಕಷ್ಟವೇ. ಹತ್ತಾರು ಅಡೆತಡೆಗಳು. ಗಾಳಿ, ಮಳೆ, ರಾತ್ರಿ ಎನ್ನದೇ ಸೈಕಲ್​​ ನಲ್ಲಿ ಪ್ರಯಾಣಿಸಬೇಕು. ಆ ಕಠಿಣ ಟ್ರಾವೆಲ್​ನಲ್ಲಿ ಮಾಜಿ ಕ್ರೇಜಿ ಫ್ಯಾನ್​​ ಗೌರವ್ ಕುಮಾರ್​ ಗೆದ್ದಿದ್ದಾನೆ. ತನ್ನ ಹೃದಯ ಸಾಮ್ರಾಟನ ನೋಡಿದ ಆತನ ಖುಷಿಗೆ ಪಾರವೇ ಇಲ್ಲದಂತಾಗಿದೆ.

ಕೊನೆಗೂ ಧೋನಿ ಸರ್​​ನಾ ಭೇಟಿಯಾದೆ. ಬಹಳ ಖುಷಿ ಆಯ್ತು. ಅವರ ಹಿರಿಯ ಸಹೋದರ ಕೂಡ ಭೇಟಿಯಾದ್ರು. ಅವರ ಜೊತೆ ಫಾರ್ಮ್​ಹೌಸ್​ ಸುತ್ತಾಡಿದೆ. ಸೆಕ್ಯೂರಿಟಿ ಕಾರಣದಿಂದ ಧೋನಿ ಸರ್​​​​​ ಫೋಟೋ ಹಾಗೂ ವಿಡಿಯೋ ಸಿಗಲಿಲ್ಲ. ಆದರೆ ಅವರು ತಮ್ಮ ಹಸ್ತಾಕ್ಷರವುಳ್ಳ, ಚೆನ್ನೈ ಸೂಪರ್ ಕಿಂಗ್ಸ್ ಜರ್ಸಿ ಕೊಟ್ಟರು. ನಿಜಕ್ಕೂ ನಾನು ತುಂಬಾ ಖುಷಿಗೊಂಡಿದ್ದೇನೆ-ಗೌರವ್ ಕುಮಾರ್​​, ಧೋನಿ ಫ್ಯಾನ್

ಇದನ್ನೂ ಓದಿ:RCB ವಿರುದ್ಧ ಸೋತಾಗ ಕೋಪದಲ್ಲಿ TV ಒಡೆದು ಹಾಕಿದ ಧೋನಿ! ಅಚ್ಚರಿಯ ಘಟನೆ ಬಿಚ್ಚಿಟ್ಟ ಪತ್ರಕರ್ತ

ಫಾರ್ಮ್​ಹೌಸ್​ ಮುಂದೆ ಟೆಂಟ್​​​​ನಲ್ಲಿ ಒಂದು ವಾರಗಳ ವಾಸ
ಅಭಿಮಾನಿ 1200 ಕಿ.ಮೀ ಸೈಕಲ್​ನಲ್ಲಿ ಪ್ರಯಾಣಿಸಿ ಡೆಲ್ಲಿಯಿಂದ ರಾಂಚಿಗೆ ತೆರಳಿದ್ರು ನಿಜ. ಆದರೆ ಮಾಹಿ ದರ್ಶನ ಮಾತ್ರ ಬೇಗ ಆಗ್ಲಿಲ್ಲ. ಹಾಗಂತ ಗೌರವ್ ಕುಮಾರ್ ನಿರಾಸೆಗೊಳ್ಳಲಿಲ್ಲ. ಧೋನಿಯನ್ನ ಭೇಟಿ ಆಗಲೇಕೆಂದು ಅವರ ಫಾರ್ಮ್​ಹೌಸ್ ಮುಂದೇನೆ ಟೆಂಟ್​ ಹಾಕಿ 6 ರಾತ್ರಿಗಳನ್ನ ಕಳೆದ್ರು. ಫೈನಲಿ ಫಾರ್ಮ್​ಹೌಸ್​​ನಿಂದ ಕಾರನ್ನ ಚಲಾಯಿಸಿಕೊಂಡು ಹೊರ ಬರೋವಾಗ ಧೋನಿಯನ್ನೆ ನೋಡಿಯೇ ಬಿಟ್ರು. ಮಾಹಿ ಕೂಡ ಅಭಿಮಾನಿಯತ್ತ ಕೈ ಬೀಸಿದ್ರು. ಆಗ ಅವರ ಮೊಗದಲ್ಲಿದ್ದ ಸಂಭ್ರಮ ಹೇಳತೀರದು.

ಕ್ರೇಜಿ ಫ್ಯಾನ್​ಗೆ ಸಿಎಸ್​ಕೆ ಜರ್ಸಿ ಗಿಫ್ಟ್​​​​ ಕೊಟ್ಟ ಧೋನಿ
ಧೋನಿ ಗುಣವೇ ಅಂತಹದ್ದು. ತಮ್ಮನ್ನ ಹೊತ್ತು ಮೆರೆಸಿದ ಅಭಿಮಾನಿಗಳನ್ನ ಕಂಡ್ರೆ ಮಾಹಿಗೆ ಎಲ್ಲಿಲ್ಲದ ಪ್ರೀತಿ. ತಮ್ಮನ್ನ ನೋಡಲು ಅಭಿಮಾನಿಯೊಬ್ಬ ಡೆಲ್ಲಿಯಿಂದ ರಾಂಚಿಗೆ ಬಂದು, ಮನೆ ಮುಂದೆ ಟೆಂಟ್​​​​ಹೌಸ್​ನಲ್ಲಿ ವಾಸವಿರೋ ಸುದ್ದಿ ತಿಳಿಯಿತು. ನೇರವಾಗಿ ಭೇಟಿ ಆಗದಿದ್ರೂ ಅಭಿಮಾನಿಗೆ ತಮ್ಮ ಅಟೋಗ್ರಾಫ್​​​ವುಳ್ಳ ಸಿಎಸ್​ಕೆ ಜರ್ಸಿ ನೀಡಿ ಖುಷಿಪಡಿಸಿದ್ದಾರೆ.

ಹಿಂದೊಮ್ಮೆ ಡೆಲ್ಲಿ TOಚೆನ್ನೈ..
ಅಂದಹಾಗೇ ಈ ಕ್ರೇಜಿ ಫ್ಯಾನ್​ ಮ್ಯಾರಥಾನ್ ಸೈಕಲ್​​ ಟ್ರಾವೆಲ್ ಮಾಡಿ ಧೋನಿಯನ್ನ ಭೇಟಿ ಆಗ್ತಿರೋದು ಇದೇ ಮೊದಲೇನಲ್ಲ. ಹಿಂದೊಮ್ಮೆ ಡೆಲ್ಲಿಯಿಂದ ಚೆನ್ನೈಗೆ ಸೈಕಲ್​​ನಲ್ಲೆ 2100 ಕಿಲೋ ಮೀಟರ್​ ಕ್ರಮಿಸಿ, ಐಪಿಎಲ್​ ಪಂದ್ಯವನ್ನ ವೀಕ್ಷಿಸಿದ್ರು. ಮಾಹಿ ಆಟವನ್ನ ಕಣ್ತುಂಬಿಕೊಂಡು ಫುಲ್ ಖುಷ್​ ಆಗಿದ್ರು. ಇಂತಹ ಕ್ರೇಜಿ ಫ್ಯಾನ್ ಪಡೆದ ಧೋನಿ ನಿಜಕ್ಕೂ ಅಭಿಮಾನಿಗಳ ಪಾಲಿನ ಆರಾಧ್ಯದೈವವೇ ಬಿಡಿ.

ಇದನ್ನೂ ಓದಿ:ಬಾಂಗ್ಲಾ ವಿರುದ್ಧ ಟಿ20 ಸರಣಿ; ಟೀಮ್​ ಇಂಡಿಯಾದಿಂದ ಧೋನಿ ಶಿಷ್ಯನಿಗೆ ಕೊಕ್​!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್