ಮಹಿಳೆಯಿಂದ ಖಾರದ ಪುಡಿ ಎರಚಿ, ಚಿನ್ನಾಭರಣ ದರೋಡೆಗೆ ಯತ್ನ.. ಹಿಗ್ಗಾಮುಗ್ಗ ಥಳಿಸಿದ ಸಿಬ್ಬಂದಿ..!

ಗಾಂಧಿನಗರ: ಖಾರದ ಪುಡಿ ಎರಚಿ ದರೋಡೆ ಮಾಡಲು ಯತ್ನಿಸಿದ್ದ ಮಹಿಳೆಯೊಬ್ಬರಿಗೆ ಚಿನ್ನದ ಅಂಗಡಿ ಸಿಬ್ಬಂದಿ ಹಿಗ್ಗಾಮುಗ್ಗಾ ಥಳಿಸಿದಂತ ವಿಡಿಯೋ ಸದ್ಯ ಎಲ್ಲೆಡೆ ವೈರಲ್ ಆಗುತ್ತಿದೆ. ಈ ಘಟನೆಯು ಗುಜರಾತ್​ನ ಅಹಮದಾಬಾದ್​ನ ರಾನಿಪ್ ಎನ್ನುವ ಪ್ರದೇಶದಲ್ಲಿ ನಡೆದಿದೆ. 

ಜ್ಯೂವೆಲರಿ ಶಾಪ್​ಗೆ ಆಭರಣಗಳನ್ನು ಖರೀದಿಸಲು ಗ್ರಾಹಕರ ವೇಷದಲ್ಲಿ ಮಹಿಳೆಯೊಬ್ಬರು ಮುಸುಕು  ಧರಿಸಿಕೊಂಡು ಬಂದಿದ್ದಾಳೆ. ಈ ವೇಳೆ ಅಂಗಡಿಯಲ್ಲಿದ್ದ ಸಿಬ್ಬಂದಿ ಜೊತೆ ಚಿನ್ನಾಭರಣಗಳ ಬಗ್ಗೆ ವಿಚಾರಿಸುತ್ತ ಸಡನ್ ಆಗಿ ತಾನು ತಂದಂತಹ ಖಾರದ ಪುಡಿಯನ್ನು ಆತನ ಮೇಲೆ ಎರಚಿದ್ದಾಳೆ. ಆದರೆ ಸಿಬ್ಬಂದಿ ಕಣ್ಣಿಗೆ ಬೀಳದಂತೆ ತಕ್ಷಣ ತಪ್ಪಿಸಿಕೊಂಡಿರುವುದು ವಿಡಿಯೋದಿಂದ ಗೊತ್ತಾಗುತ್ತದೆ. 

ಇದನ್ನೂ ಓದಿ: ಮಾಲಿಯ ಕೊಬ್ರಿಯಲ್ಲಿ 5 ಭಾರತೀಯ ಉದ್ಯೋಗಿಗಳು ಕಿಡ್ನಾಪ್.. ಮುಸುಕು ಧರಿಸಿದವರಿಂದ ಕೃತ್ಯ!

ಇದರಿಂದ ಕುಪಿತನಾದ ಚಿನ್ನದಂಗಡಿ ಸಿಬ್ಬಂದಿ ಮಹಿಳೆನ ಹಿಡಿದು ಹೊಡೆದು, ಕಾಲಿನಿಂದ ಒದ್ದು ಹಿಗ್ಗಾಮುಗ್ಗಾ ಬಾರಿಸಿದ್ದಾನೆ. ಕೇವಲ 16 ಸೆಕೆಂಡ್​ನಲ್ಲಿ 17 ಬಾರಿ ಹೊಡೆದಿದ್ದಾನೆ. ಅಲ್ಲದೇ ಕಾಲಿನಲ್ಲಿ ಒದ್ದು ಬಾಗಿಲಿನಿಂದ ಹೊರ ಹಾಕಿದ್ದಾನೆ. ಆದರೆ ಆ ಮಹಿಳೆ ಯಾರು ಎಂಬುದು ಗುರುತು ಪತ್ತೆ ಆಗಿಲ್ಲ ಎನ್ನಲಾಗಿದೆ. 

ಸದ್ಯ ಈ ಸಂಬಂಧ ಪೊಲೀಸರು ಆ ಮಹಿಳೆಗಾಗಿ ಹುಡುಕಾಟ ನಡೆಸಿದ್ದಾರೆ. ಸಿಸಿಟಿವಿಯಲ್ಲಿನ ದೃಶ್ಯಗಳನ್ನು ಆಧರಿಸಿ ಮಹಿಳೆ ಯಾರು, ಯಾಕೆ ದರೋಡೆಗೆ ಯತ್ನಿಸಿದ್ದಳು ಎಂದು ಪೊಲೀಸರ ತನಿಖೆಯಿಂದ ತಿಳಿದು ಬರಲಿದೆ. ರಾನಿಪ್ ಠಾಣೆಯ ಪೊಲೀಸರು ಸ್ಥಳಕ್ಕೆ ಬರುವಷ್ಟರಲ್ಲಿ ಮಹಿಳೆ ಸ್ಥಳದಿಂದ ಪರಾರಿಯಾಗಿದ್ದಳು ಎಂದು ಹೇಳಲಾಗಿದೆ. 

अहमदाबाद में ज्वैलर ने लुटेरी महिला को मिर्ची पाउडर फेंकने के बाद रंगे हाथ पकड़ा

◆ महिला ने दुकानदार की आंखों में मिर्च पाउडर फेंककर लूट करने का प्रयास किया

◆ जैसे ही महिला ने वार करने की कोशिश की, दुकानदार ने झट से उसे पकड़ लिया#Ahmedabad | Viral Ahmedabad Jeweller pic.twitter.com/CPWd3filtE

— News24 (@news24tvchannel) November 7, 2025

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ