ಟ್ರಾಫಿಕ್​ನಲ್ಲಿ 17 ವಾಹನಗಳಿಗೆ ಬೆಂಜ್ ಲಾರಿ ಡಿಕ್ಕಿ.. ಉಸಿರು ಚೆಲ್ಲಿದ 14 ಜನ, 13 ಮಂದಿ ಸ್ಥಿತಿ ಚಿಂತಾಜನಕ!

ಜೈಪುರ್: ಮದ್ಯಪಾನ ಮಾಡಿ ಬೆಂಜ್ ಲಾರಿಯನ್ನು ಹೇಗೆಂದರೆ ಹಾಗೇ ಚಲಾಯಿಸಿದ ಚಾಲಕ, 17 ವಾಹನಗಳಿಗೆ ರಣಭೀಕರವಾಗಿ ಗುದ್ದಿದ್ದಾನೆ. ಇದರ ಪರಿಣಾಮ 14 ಜನರು ಪ್ರಾಣ ಬಿಟ್ಟಿದ್ದು 13 ಜನರ ಸ್ಥಿತಿ ಚಿಂತಾಜನವಾಗಿದೆ ಎಂದು ಹೇಳಲಾಗಿದೆ. ಈ ಘಟನೆಯು ರಾಜಸ್ತಾನದ ರಾಜಧಾನಿ ಜೈಪುರ್​ನ ಲೋಹಮಂಡಿಯಲ್ಲಿ ನಡೆದಿದೆ. 

ಹರ್ಮಾಡಾ ಪ್ರದೇಶದ ಲೋಹಮಂಡಿ ಬಳಿ ಟ್ರಾಫಿಕ್ ಇದ್ದಿದ್ದರಿಂದ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಈ ವೇಳೆ 100 ಕಿಲೋ ಮೋಟರ್​ ವೇಗದಲ್ಲಿ ಬಂದ ಬೆಂಜ್​ ಲಾರಿ ಟ್ರಾಫಿಕ್​ನಲ್ಲಿ ನಿಂತಿದ್ದ ವಾಹನಗಳಿಗೆ ಡಿಕ್ಕಿ ಹೊಡೆದುಕೊಂಡು ನುಗ್ಗಿಕೊಂಡು ಹೋಗಿದೆ. ಇದರಿಂದ ಕಾರು, ಬೈಕ್, ವ್ಯಾನ್, ಆಟೋ ಸೇರಿ 17 ವಾಹನಗಳು ನಜ್ಜುಗುಜ್ಜಾಗಿವೆ. ಘಟನೆಯಲ್ಲಿ 14 ಜನ ಪ್ರಾಣ ಬಿಟ್ಟಿದ್ದು 13 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಹೇಳಲಾಗಿದೆ. 

ಇದನ್ನೂ ಓದಿ:ಬಸ್​ಗೆ ಲಾರಿ ಡಿಕ್ಕಿ, 20 ಜನ ಸಾವು ಘಟನೆ.. ಕಣ್ಮುಚ್ಚಿದ ಮೂವರು ಅಕ್ಕ-ತಂಗಿಯರು..!

ಪ್ರತ್ಯಕ್ಷದರ್ಶಿಗಳು ಹೇಳುವಂತೆ ಡ್ರೈವರ್ ಮದ್ಯಪಾನ ಮಾಡಿ ಅತಿ ವೇಗದಲ್ಲಿ ಬಂದಿದ್ದಾನೆ. ಬೆಂಜ್ ಲಾರಿ ಬಂದು ಗುದ್ದಿದ ರಭಸಕ್ಕೆ ವಾಹನಗಳು ಸಿನಿಮಾದಲ್ಲಿ ಹಾರುವಂತೆ ಹಾರಿ ದೂರ ಬಿದ್ದಿದ್ದವಂತೆ. ರಸ್ತೆ ತುಂಬಾ ಶವಗಳು ಹರಡಿಕೊಂಡಿದ್ದವಂತೆ. ಸದ್ಯ ಘಟನೆಯಲ್ಲಿ ಗಾಯಗೊಂಡವರನ್ನು ನಗರದ ಎಸ್​ಎಮ್​ಎಸ್​ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಗಾಯಾಳುಗಳ ಸ್ಥಿತಿ ಚಿಂತಾಜನಕವಾಗಿದ್ದು ಸಾವಿನ ಸಂಖ್ಯೆ ಮತ್ತಷ್ಟು ಹೆಚ್ಚಳವಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.    ​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ