BJP ಹಠವೋ ದೇಶ್ ಬಚವೋ; ಪಕ್ಷದ ಮಾಜಿ ಅಧ್ಯಕ್ಷನಿಂದಲೇ ಫೇಸ್​ಬುಕ್​ ಪೋಸ್ಟ್​.. ಅಸಲಿಗೆ ಆಗಿದ್ದೇನು?

ಅಹಮದಾಬಾದ್: ಬಿಜೆಪಿ ಹಠವೋ ದೇಶ್ ಬಚವೋ ಎಂದು ಭಾವನಗರದ ಮಾಜಿ ಬಿಜೆಪಿ ಅಧ್ಯಕ್ಷ ಯೋಗೇಶ್ ಬದನಿ ಅವರು ಫೇಸ್​ ಬುಕ್​ನಲ್ಲಿ ಪೋಸ್ಟ್​ ಮಾಡಿದ್ದರು. ಇದು ಎಲ್ಲೆಡೆ ವೈರಲ್ ಆಗುತ್ತಿದ್ದಂತೆ  13 ನಿಮಿಷಗಳ ನಂತರ ಡಿಲೇಟ್ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಸದ್ಯ ಇದು ಗುಜರಾತ್​ನಲ್ಲಿ ಭಾರೀ ಚರ್ಚೆ ಹುಟ್ಟು ಹಾಕಿದೆ.

ಭಾವನಗರದ ಮಾಜಿ ಬಿಜೆಪಿ ಅಧ್ಯಕ್ಷ ಯೋಗೇಶ್ ಬದನಿ ಅವರು ತನ್ನ ಅಧಿಕೃತ ಫೇಸ್​ ಬುಕ್​ ಖಾತೆಯಲ್ಲಿ ಬಿಜೆಪಿ ಹಠವೋ ದೇಶ್ ಬಚವೋ ಎಂದು ಪೋಸ್ಟ್ ಮಾಡಿದ್ದರು. ಈ ಪೋಸ್ಟ್ ಕೆಲವೇ ನಿಮಿಷಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಪೋಸ್ಟ್ ಅನ್ನು ಡಿಲೇಟ್ ಮಾಡಿದ್ದಾರೆ. ಇನ್ನು ಈ ಬಗ್ಗೆ ಮಾತನಾಡಿದ ಅವರು ತಮ್ಮ ಖಾತೆಯನ್ನು ಯಾರೋ ದುರುಪಯೋಗ ಮಾಡಿಕೊಳ್ಳಲಾಗಿದೆ ಎಂದು ಹೇಳಿದ್ದಾರೆ ಎನ್ನಲಾಗಿದೆ. 

ಇದನ್ನೂ ಓದಿ: ಸಾರಿಗೆ ಮುಷ್ಕರದ ಎಫೆಕ್ಟ್​; KSRTC, BMTC ಸೇರಿ 30,000 ಸಾವಿರ ನೌಕರರಿಗೆ ನೋಟಿಸ್

ಇದನ್ನು ಯಾರು ಪೋಸ್ಟ್ ಮಾಡಿದ್ದಾರೆ ಎಂದು ಗೊತ್ತಿಲ್ಲ. ಸ್ನೇಹಿತರೊಬ್ಬರು ಹೇಳಿದ ಮೇಲೆಯೇ ನನಗೆ ಗೊತ್ತಾಗಿದ್ದು. ತಕ್ಷಣ ಅದನ್ನು ಡಿಲೇಟ್ ಮಾಡಿದ್ದೇನೆ. ನಾನು ಅಧ್ಯಕ್ಷನಾಗಿದ್ದಾಗ ಈ ಖಾತೆ ಎಲ್ಲರಿಗೂ ಪರಿಚಯವಿದೆ. ಯಾರೋ ಕಿಡಿಗೇಡಿಗಳು ಈ ರೀತಿ ಮಾಡಿದ್ದಾರೆ. ಬಿಜೆಪಿ ಹಠವೋ ದೇಶ್ ಬಚವೋ ಎನ್ನುವುದು ಪಕ್ಷಕ್ಕೆ ಮುಜುಗರ ತರುವಂತ ಪೋಸ್ಟ್​ ಆಗಿದೆ. ಈ ಬಗ್ಗೆ ಪಕ್ಷದ ಕಾರ್ಯಕರ್ತರು ಅಚ್ಚರಿ ವ್ಯಕ್ತಪಡಿಸಿದ್ದರು ಎಂದಿದ್ದಾರೆ.

ಸದ್ಯದ ಭಾವನಗರದ ಬಿಜೆಪಿ ಅಧ್ಯಕ್ಷ ಕುಮಾರ್ಭಾಯ್​ ಶಾಹ ಬದನಿ ಅವರ ಬೆಂಬಲಕ್ಕೆ ನಿಂತಿದ್ದಾರೆ. ಯೋಗೇಶ್ ಬದನಿ ಅವರ ಅಕೌಂಟ್ ಅನ್ನು ಯಾರೋ ಹ್ಯಾಕ್ ಮಾಡಿ ಈ ರೀತಿ ಮಾಡಿದ್ದಾರೆ ಎಂದು ಹೇಳಿದ್ದಾರೆ ಎನ್ನಲಾಗಿದೆ.  

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ