ಶಿವನ ಭಕ್ತರಿಗೆ ಗುಡ್​ನ್ಯೂಸ್​.. ವಿಶೇಷ ರೈಲ್ವೆ ಪ್ಯಾಕೇಜ್, 7 ಜ್ಯೋತಿರ್ಲಿಂಗಗಳ ದರ್ಶನ

ನವದೆಹಲಿ: ದೇಶದಲ್ಲಿರುವ 7 ಜ್ಯೋತಿರ್ಲಿಂಗಗಳ ದರ್ಶನ ಪಡೆಯಬೇಕು ಎನ್ನುವ ಆಸೆ ಇದೆಯಾ?, ಜ್ಯೋತಿರ್ಲಿಂಗಗಳು ಇದ್ದಲ್ಲಿಗೆ ಹೋಗಿ ಕಣ್ತುಂಬಿಕೊಳ್ಳಬೇಕು ಎನ್ನುವ ಬಯಕೆ ಇದೆಯಾ?. ಶಿವನ 7 ಅವತಾರಗಳನ್ನು ನೋಡಬೇಕು ಎನ್ನುವವವರಿಗೆ ಇಲ್ಲೊಂದು ಸುವರ್ಣಾವಕಾಶ ಇದೆ. ಅದೇ ಭಾರತದ ರೈಲ್ವೆ ಇಲಾಖೆಯು ಶಿವನ ಭಕ್ತರಿಗಾಗಿ ವಿಶೇಷವಾದ ಪ್ಯಾಕೇಜ್ ಘೋಷಿಸಿದೆ. ಇದರ ಸಂಪೂರ್ಣ ಮಾಹಿತಿ ಇಲ್ಲಿದೆ. 

ಇಂಡಿಯನ್ ರೈಲ್ವೆ ಕ್ಯಾಟರಿಂಗ್ ಆ್ಯಂಡ್ ಟೂರಿಸಂ ಕಾರ್ಪೊರೆಷನ್ (ಐಆರ್​ಸಿಟಿಸಿ) ಭಾರತ್ ಗೌರವ್ ಟ್ರೈನ್ ಪ್ಯಾಕೇಜ್ ಇದಾಗಿದೆ. ಇದು ಕೇವಲ 24,100 ರೂಪಾಯಿಯಿಂದ ಪ್ರಾರಂಭವಾಗುತ್ತದೆ. ನವೆಂಬರ್​ 18 ರಿಂದ ಈ ಜ್ಯೋತಿರ್ಲಿಂಗಗಳ ಪ್ರದೇಶಕ್ಕೆ ತೆರಳುವ ಪ್ರವಾಸ ಆರಂಭವಾಗಲಿದೆ. ಒಟ್ಟು 12 ದಿನಗಳ ಆಧ್ಯಾತ್ಮಿಕ ಪ್ರವಾಸ ಇದಾಗಿದ್ದು ಏಳು ಜ್ಯೋತಿರ್ಲಿಂಗಗಳ ದರ್ಶನ ಮಾಡೋರಿಗೆ ಇದೊಂದು ಉಡುಗೊರೆ ಎಂದೇ ಹೇಳಬಹುದು. 

ಯಾವ್ಯಾವ ಸ್ಥಳಗಳಿಗೆ ಭೇಟಿ?

• ಓಂಕಾರೇಶ್ವರ
• ಮಹಾಕಾಳೇಶ್ವರ
• ನಾಗೇಶ್ವರ್
• ಸೋಮನಾಥ
• ತ್ರಯಂಬಕೇಶ್ವರ
• ಭೀಮಾಶಂಕರ
• ಗೃಷ್ಣೇಶ್ವರ
• ದ್ವಾರಕಾಧೀಶ್ ಮತ್ತು ಬೆಟ್ ದ್ವಾರಕಾದಂತಹ ಇತರ ಪ್ರಮುಖ ತಾಣಗಳಿಗೆ ಭೇಟಿ ಇರುತ್ತದೆ.

ಟಿಕೆಟ್ ಬುಕ್ ಮಾಡುವುದು ಹೇಗೆ? 

IRCTC ಅಧಿಕೃತ ವೆಬ್​ಸೈಟ್​ ಅಥವಾ ಅಧಿಕೃತ ಮಳಿಗೆಗಳ ಮೂಲಕ ಬುಕ್ ಮಾಡಬಹುದು 

• Comfort- (2AC)- Rs 54,390 per person
• Standard- (3AC)- Rs 40,890 per person
• Economy- (Sleeper)- Rs 24,100 per person

ಈ ಫ್ಯಾಕೇಜ್​ನಲ್ಲಿ ಏನೇನು ಲಭ್ಯ ಇವೆ? 

• ಅತ್ಯುತ್ತಮ ಹೋಟೆಲ್​ಗಳಲ್ಲಿ ರಾತ್ರಿ ತಂಗುವುದು (ನಿಮ್ಮ ಟಿಕೆಟ್ ಬಜೆಟ್​ ತಕ್ಕನಾಗೆ ಇರುತ್ತದೆ)
• ಊಟ (ಸಸ್ಯಹಾರಿ ಮಾತ್ರ); ಬೆಳಗ್ಗೆ ಚಹಾ, ತಿಂಡಿ, ಮಧ್ಯಾಹ್ನ ಊಟ, ರಾತ್ರಿ ಊಟ 
• ಪ್ರಯಾಣಿಕರಿಗೆ ಪ್ರಯಾಣ ವಿಮೆ ಇರುತ್ತೆ
• ವೃತ್ತಿಪರ ಪ್ರವಾಸಿ ಬೆಂಗಾವಲುಗಾರರ (Escorts) ಸೇವೆಗಳು ಇವೆ
• IRCTC ಪ್ರವಾಸ ವ್ಯವಸ್ಥಾಪಕರು ಪ್ರಯಾಣದುದ್ದಕ್ಕೂ ಇರುತ್ತಾರೆ 
• ಅನ್ವಯವಾಗುವ ಎಲ್ಲಾ ತೆರಿಗೆಗಳು ಪಾವತಿ 

ಇದನ್ನೂ ಓದಿ: 17 ವಜ್ರದ ಉಂಗುರ, 24 Kgಗೂ ಅಧಿಕ ಚಿನ್ನ.. ಅಬ್ಬಾಬ್ಬ! ವೀರೇಂದ್ರ ಪಪ್ಪಿ ಅಕ್ರಮ ಆಸ್ತಿ ಎಷ್ಟು?

ಇವು ಫ್ಯಾಕೇಜ್​ನಲ್ಲಿ ಇರುವುದಿಲ್ಲ

• ಸ್ಮಾರಕ, ದೇವಾಲಯ ಪ್ರವೇಶ, ಬೋಟಿಂಗ್ ಸೇರಿ ಇತರೆ ಶುಲ್ಕಗಳು 
• ಪ್ರವಾಸದ ವೇಳೆ ಗೈಡ್​ಗಳ ಶುಲ್ಕ, ಅವರ ಪ್ರವೇಶ ಇತ್ಯಾದಿ
• ಡ್ರೈವರ್​ಗಳಿಗೆ, ವೇಟರ್ಸ್​, ಗೈಡ್ಸ್​ ಇತರರಿಗೆ ಟಿಪ್ಸ್​
• ಲಾಂಡ್ರಿ, ನೀರು, ಆಹಾರ ಮತ್ತು ಪಾನೀಯಗಳಂತಹ ವೈಯಕ್ತಿಕ ವೆಚ್ಚಗಳು

ಪ್ರಯಾಣದ ಪ್ರಮುಖ ವಿವರ ಹೇಗಿದೆ?

ಈ ಜ್ಯೋತಿರ್ಲಿಂಗಗಳ ದರ್ಶನ ಪಡೆಯುವ ಪ್ರಯಾಣವು ನವೆಂಬರ್​ 18 ರಿಂದ ಆರಂಭವಾಗಿ ನವೆಂಬರ್ 29ಕ್ಕೆ ಕೊನೆಗೊಳ್ಳುತ್ತದೆ. ಪ್ರವಾಸವು ಒಟ್ಟು 11 ರಾತ್ರಿಗಳು ಅಥವಾ 12 ದಿನಗಳು ಆಗಿರುತ್ತವೆ. ಯೋಗ ನಗರವಾದ ಋಷಿಕೇಷದಿಂದ ಈ ಪವಿತ್ರಾ ಯಾತ್ರೆ ಆರಂಭವಾಗುತ್ತದೆ. ಹರಿದ್ವಾರ, ಲಕ್ನೋ, ಕಾನ್ಪುರ ಸೇರಿ ಇತರೆ ರೈಲ್ವೆ ನಿಲ್ದಾಣಗಳಲ್ಲಿ ಪ್ರಯಾಣಿಕರು ರೈಲು ಹತ್ತಬಹುದು. ಒಟ್ಟು 767 ಪ್ಯಾಸೆಂಜರ್ಸ್​ಗೆ ಮಾತ್ರ ಇಲ್ಲಿ ಅವಕಾಶ ಇರುತ್ತದೆ. ಈ ಪ್ರವಾಸಕ್ಕೆ ಬರಬೇಕು ಎನ್ನುವವರು ಒಂದು ಗುರುತಿಚಿನ ಚೀಟಿ ಮತ್ತು ಕೋವಿಡ್-19 ಲಸಿಕೆಯ ಪಡೆದ ಸರ್ಟಿಫಿಕೆಟ್​ ಇರಲೇಬೇಕು ಎಂದು ತಿಳಿಸಲಾಗಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ