ಇವತ್ತು ‘Ring of Fire’ ಸೂರ್ಯ ಗ್ರಹಣ: ಭಾರತದಲ್ಲಿ ಗೋಚರಿಸುತ್ತಾ? ವೈಜ್ಞಾನದ ಎಚ್ಚರಿಕೆ ಏನು?

ಬೆಂಗಳೂರು: ಖಗೋಳ ಪ್ರಿಯರಿಗೆ ಇಂದು (ಫೆಬ್ರವರಿ 17, 2026) ಹಬ್ಬದ ದಿನ. ಏಕೆಂದರೆ ಆಕಾಶದಲ್ಲಿ ಅಪರೂಪದ ವಿಸ್ಮಯವಾದ ‘ಕಂಕಣ ಸೂರ್ಯ ಗ್ರಹಣ’ (Annular Solar Eclipse) ಸಂಭವಿಸುತ್ತಿದೆ. ಚಂದ್ರನು ಸೂರ್ಯನ ಶೇ. 96.3 ರಷ್ಟು ಭಾಗವನ್ನು ಮರೆಮಾಚಲಿದ್ದು, ಸೂರ್ಯನು ‘ಬೆಂಕಿಯ ಉಂಗುರದಂತೆ’ (Ring of Fire) ಗೋಚರಿಸಲಿದ್ದಾನೆ.

ಆದರೆ, ಈ ಗ್ರಹಣ ಭಾರತದಲ್ಲಿ ಗೋಚರಿಸುತ್ತಾ? ಸೂತಕ ಕಾಲ ಇದೆಯಾ? ಎಂಬ ಗೊಂದಲಗಳಿಗೆ ಇಲ್ಲಿದೆ ಉತ್ತರ.
ಗ್ರಹಣದ ಸಮಯ (ಭಾರತೀಯ ಕಾಲಮಾನ): ಈ ಸೂರ್ಯ ಗ್ರಹಣವು ಇಂದು ಮಧ್ಯಾಹ್ನದಿಂದ ಸಂಜೆಯವರೆಗೆ ಸಂಭವಿಸಲಿದೆ.

• ಆರಂಭ: ಮಧ್ಯಾಹ್ನ 03:26 ಕ್ಕೆ (IST)
• ಅಂತ್ಯ: ಸಂಜೆ 07:57 ಕ್ಕೆ (IST)

ಭಾರತದಲ್ಲಿ ಗೋಚರಿಸುತ್ತಾ..?

ಖಗೋಳ ಶಾಸ್ತ್ರಜ್ಞರ ಪ್ರಕಾರ, ಈ ಬಾರಿ ಸಂಭವಿಸುತ್ತಿರುವ ಸೂರ್ಯ ಗ್ರಹಣವು ಭಾರತದಲ್ಲಿ ಗೋಚರಿಸುವುದಿಲ್ಲ. ಗ್ರಹಣ ಸಂಭವಿಸುವ ಸಮಯದಲ್ಲಿ ಭಾರತದಲ್ಲಿ ಸೂರ್ಯ ದಿಗಂತದ ಕೆಳಗೆ ಇರುತ್ತಾನೆ (ಅಥವಾ ಸಂಜೆಯಾಗುತ್ತಿರುತ್ತದೆ), ಹೀಗಾಗಿ ಈ ಖಗೋಳ ವಿಸ್ಮಯವನ್ನು ಭಾರತೀಯರು ಕಣ್ತುಂಬಿಕೊಳ್ಳಲು ಸಾಧ್ಯವಿಲ್ಲ.

ಸೂತಕ ಕಾಲ..? 

ಹಿಂದೂ ಧರ್ಮಶಾಸ್ತ್ರದ ಪ್ರಕಾರ, ಗ್ರಹಣ ಗೋಚರಿಸುವ ಪ್ರದೇಶಗಳಲ್ಲಿ ಮಾತ್ರ ಸೂತಕದ ನಿಯಮಗಳು ಅನ್ವಯವಾಗುತ್ತವೆ. ಈ ಗ್ರಹಣ ಭಾರತದಲ್ಲಿ ಕಾಣಿಸದೇ ಇರುವುದರಿಂದ ಭಾರತದಲ್ಲಿ ಸೂತಕ ಕಾಲ ಅನ್ವಯಿಸುವುದಿಲ್ಲ ಎಂದು ಪಂಡಿತರು ತಿಳಿಸಿದ್ದಾರೆ. ದೇವಸ್ಥಾನಗಳು ಮುಚ್ಚುವುದಿಲ್ಲ. ಎಂದಿನಂತೆ ಪೂಜಾ ಕೈಂಕರ್ಯಗಳು ನಡೆಯಲಿವೆ. ದೈನಂದಿನ ಚಟುವಟಿಕೆಗಳಿಗೆ ಯಾವುದೇ ಅಡ್ಡಿಯಿಲ್ಲ.

ಇದನ್ನೂ ಓದಿ: ಪ್ರೀತಿ ನಿರಾಕರಿಸಿದ್ದಕ್ಕೆ ಯುವತಿಯ ಕತ್ತು, ಹೊಟ್ಟೆಗೆ ಬಿಯರ್ ಬಾಟಲಿಯಿಂದ ಇರಿದ ಪ್ರೇಮಿ!

ಧಾರ್ಮಿಕ ನಂಬಿಕೆಗಳೇನು?

ಭಾರತದಲ್ಲಿ ಗ್ರಹಣ ಕಾಣಿಸದಿದ್ದರೂ, ಕೆಲವರು ಧಾರ್ಮಿಕ ನಂಬಿಕೆಯನ್ವಯ ಕೆಲವೊಂದು ಪದ್ಧತಿಗಳನ್ನು ಪಾಲಿಸುತ್ತಾರೆ.

ದಾನ-ಧರ್ಮ: ಗ್ರಹಣ ಮುಗಿದ ನಂತರ ಸ್ನಾನ ಮಾಡಿ, ಬಡವರಿಗೆ ದಾನ ನೀಡುವುದು ಶ್ರೇಷ್ಠ.
ಮಂತ್ರ ಪಠಣೆ: ಗ್ರಹಣದ ಸಮಯದಲ್ಲಿ ದೇವರ ನಾಮ ಸ್ಮರಣೆ ಅಥವಾ ಮಂತ್ರ ಪಠಣೆ ಮಾಡುವುದು.
ಗರ್ಭಿಣಿಯರು: ವೈಜ್ಞಾನಿಕವಾಗಿ ಸಾಬೀತಾಗದಿದ್ದರೂ, ಸಂಪ್ರದಾಯದಂತೆ ಗರ್ಭಿಣಿಯರು ಮನೆಯಿಂದ ಹೊರಬರಬಾರದು ಎಂದು ಹಿರಿಯರು ಸಲಹೆ ನೀಡುತ್ತಾರೆ.

ವೈಜ್ಞಾನಿಕ ಎಚ್ಚರಿಕೆ

ಒಂದು ವೇಳೆ ನೀವು ವಿದೇಶದಲ್ಲಿದ್ದು, ಗ್ರಹಣ ಗೋಚರಿಸುವ ಪ್ರದೇಶದಲ್ಲಿದ್ದರೆ, ಬರಿಗಣ್ಣಿನಿಂದ ಸೂರ್ಯನನ್ನು ನೋಡಬೇಡಿ. ಗ್ರಹಣ ವೀಕ್ಷಣೆಗಾಗಿ ಇರುವ ವಿಶೇಷ ಕನ್ನಡಕಗಳನ್ನು (Solar Eclipse Glasses) ಬಳಸಿ. ಇಲ್ಲದಿದ್ದರೆ ಕಣ್ಣಿಗೆ ಹಾನಿಯಾಗುವ ಸಾಧ್ಯತೆ ಇದೆ.
ಒಟ್ಟಿನಲ್ಲಿ ಇದೊಂದು ಅದ್ಭುತ ಖಗೋಳ ಘಟನೆಯಾಗಿದ್ದರೂ ಭಾರತೀಯರು ಇದನ್ನು ನೇರವಾಗಿ ನೋಡಲು ಸಾಧ್ಯವಿಲ್ಲ. ಆದರೆ ಆನ್‌ಲೈನ್ ಸ್ಟ್ರೀಮಿಂಗ್ ಮೂಲಕ ಈ ‘ರಿಂಗ್ ಆಫ್ ಫೈರ್’ ಅನ್ನು ಕಣ್ತುಂಬಿಕೊಳ್ಳಬಹುದು.

ಇದನ್ನೂ ಓದಿ:ದೆಹಲಿಯ ಎಐ ಇಂಫ್ಯಾಕ್ಟ್ ಶೃಂಗಸಭೆಯಲ್ಲಿ ಬಿಗ್ ಗೇಟ್ಸ್ ಭಾಗಿಯಾಗಲ್ಲ: ಜೆಫ್ರಿ ಎಫಿಸ್ಟೈನ್ ಫೈಲ್ಸ್ ಎಫೆಕ್ಟ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ