ನೋಡುತ.. ನೋಡುತ ಚಿನ್ನಾಭರಣ ಕದ್ದ ದಪಂತಿ.. ಆ ಬ್ಯೂಟಿಫುಲ್ ನೆಕ್ಲೇಸ್ ಬೆಲೆ ಎಷ್ಟು..?

ಲಕ್ನೋ: ಜ್ಯುವೆಲ್ಲರಿ ಶಾಪ್​ವೊಂದರಲ್ಲಿ ಚಿನ್ನಾಭರಣ ಖರೀದಿ ಮಾಡುವರಂತೆ ಪೋಸ್​ ಕೊಟ್ಟ ದಂಪತಿ, ಭಾರೀ ಮೌಲ್ಯದ ನೆಕ್ಲೇಸ್​ ಕಳ್ಳತನ ಮಾಡಿ, ಎಸ್ಕೇಪ್ ಆಗಿದ್ದಾರೆ. ಉತ್ತರ ಪ್ರದೇಶದ ಬುಲಂದ್​ಶಹರ್​ ನಗರದ ಅಂಗಡಿಯೊಂದರಲ್ಲಿ ಈ ಘಟನೆ ನಡೆದಿದೆ.

ಬುಲಂದ್​ಶಹರ್​ ನಗರದ ಜ್ಯುವೆಲ್ಲರಿ ಶಾಪ್​ಗೆ ಗ್ರಾಹಕರ ರೀತಿ ಬಂದ ಗಂಡ, ಹೆಂಡತಿ ಮೊದಲು ಚಿನ್ನಾಭರಣಗಳನ್ನು ನೋಡಿದ್ದಾರೆ. ಭಾರೀ ಮೌಲ್ಯದ ನೆಕ್ಲೇಸ್​ಗಳನ್ನು ಹೆಚ್ಚು ಹೊತ್ತು ನೋಡುತ್ತಿದ್ದರು. ಈ ವೇಳೆ ಮಹಿಳೆ ತನ್ನ ತೊಡೆಯ ಮೇಲೆ ಒಂದು ನೆಕ್ಲೇಸ್​ ಅನ್ನು ಇಟ್ಟುಕೊಳ್ಳುತ್ತಾಳೆ. ಬಳಿಕ ನೋಡುವಂತೆ ಇನ್ನೊಂದು ನೆಕ್ಲೇಸ್​ ಅನ್ನು ನೋಡಿ ಅದನ್ನು ತೊಡೆಯ ಮೇಲೆ ಇಟ್ಟುಕೊಂಡು, ಬಳಿಕ ಎರಡರಲ್ಲಿ ಒಂದು ಮಾತ್ರ ಮೇಲೆ ಇಡುವುದು ಸಿಸಿಟಿಯಲ್ಲಿ ಸೆರೆಯಾಗಿದೆ. 

ಇದನ್ನೂ ಓದಿ: BBK12; ನಾಮಿನೇಷನ್ ಅಂದರೇ ಏನು.. ಗಿಲ್ಲಿ ನಟನಿಗೆ ಬಿಗ್ ಶಾಕ್ ಕೊಟ್ಟ ಮಲ್ಲಮ್ಮ!

ಇನ್ನೊಂದನ್ನ ತನ್ನ ಕೊಂಕಳಲ್ಲಿ ಸೀರೆ ಮರೆ ಮಾಡಿ ಇಟ್ಟುಕೊಂಡಿದ್ದಾಳೆ. ಇದು ಅಂಗಡಿಯ ಮಾಲೀಕನ ಗಮನಕ್ಕೆ ಬಂದಿಲ್ಲ. ನೆಕ್ಲೇಸ್ ಕದ್ದಿದ್ದೇ ತಡ ಇವು ಯಾವು ಚೆನ್ನಾಗಿಲ್ಲ ಎಂದು ನೆಪ ಹೇಳಿ ಕೊಂಕಳಲ್ಲಿ ಇಟ್ಟುಕೊಂಡಿದ್ದ ನೆಕ್ಲೇಸ್​ ಜೊತೆ ಅಲ್ಲಿಂದ ಗಂಡನ ಜೊತೆ ಎಸ್ಕೇಪ್ ಆಗಿದ್ದಾಳೆ. ಅಂಗಡಿ ಮುಚ್ಚುವ ವೇಳೆ ಎಲ್ಲ ಚಿನ್ನಾಭರಣಗಳನ್ನು ಕ್ರಾಸ್ ಚೆಕ್ ಮಾಡುವಾಗ ನೆಕ್ಲೇಸ್ ಕಾಣೆ ಆಗಿರುವುದು ಗಮನಕ್ಕೆ ಬಂದಿದೆ. ಈ ವೇಳೆ ಸಿಸಿಟಿವಿಯನ್ನು ಪರಿಶೀಲನೆ ಮಾಡಿದಾಗ ದಂಪತಿ ಕಳ್ಳಾಟ ಬೆಳಕಿಗೆ ಬಂದಿದೆ ಎಂದು ಹೇಳಲಾಗಿದೆ. 

ಇನ್ನು ಈ ಸಂಬಂಧ ಅಂಗಡಿ ಮಾಲೀಕ 6 ಲಕ್ಷ ರೂಪಾಯಿ ಮೌಲ್ಯದ ನೆಕ್ಲೇಸ್​ ಅನ್ನು ದಂಪತಿ ಕಳ್ಳತನ ಮಾಡಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ಸಿಸಿಟಿವಿ ಫುಟೇಜ್ ಅನ್ನು ಪೊಲೀಸರಿಗೆ ನೀಡಲಾಗಿದ್ದು ದಂಪತಿನ ಹುಡುಕಾಟ ನಡೆಸಲಾಗುತ್ತಿದೆ.   
 
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ