4 ವರ್ಷದ ಬಾಲಕಿಗೆ ರಾಷ್ಟ್ರಪತಿಗಳಿಂದ ಗೌರವ.. ಈ ಮುದ್ದಾದ ತ್ರಿಶಾ ಸಾಧನೆ ಏನು ಗೊತ್ತಾ?

ನವದೆಹಲಿ: ಮಾಲಿವುಡ್​ ಸೂಪರ್ ಸ್ಟಾರ್ ಮೋಹನ್ ಲಾಲ್​​ಗೆ ದಾದಾಸಾಹೇಬ್ ಪಾಲ್ಕೆ ಪ್ರಶಸ್ತಿ, ಶಾರುಖ್ ಖಾನ್, ವಿಕ್ರಾಂತ್ ಮ್ಯಾಸಿ ಹಾಗೂ ರಾಣಿ ಮುಖರ್ಜಿ ಸೇರಿದಂತೆ ಹಲವರಿಗೆ ಅತ್ಯುತ್ತಮ ನಟ, ನಟಿ ಪ್ರಶಸ್ತಿಗಳನ್ನು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಪ್ರದಾನ ಮಾಡಿದರು. ಈ ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ದೊಡ್ಡ ದೊಡ್ಡ ಸ್ಟಾರ್ಸ್​, ಗಣ್ಯರು, ಹೀರೋಯಿನ್ಸ್ ಬಂದಿದ್ದರೂ ಫೇಮಸ್​ ಆಗಿದ್ದು ಮಾತ್ರ 4 ವರ್ಷದ ಬಾಲಕಿ. 

ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಬಳಿಗೆ ಪ್ರಶಸ್ತಿ ಸ್ವೀಕರಿಸಲು ಬರುವ 4 ವರ್ಷದ ಬಾಲಕಿಯನ್ನ ನೀವು ನೋಡಿದರೆ ನಿಜಕ್ಕೂ ವ್ಹಾವ್​.. ಸೂಪರ್ ಎಂದು ಹೇಳದೇ ಇರಲ್ಲ. ಅಷ್ಟೊಂದು ಅಂದವಾಗಿ ರಾಷ್ಟ್ರಪತಿಗಳ ಬಳಿಗೆ ಕಂದಮ್ಮ ಬಂದಿದ್ದಾಳೆ. ಎಷ್ಟೇ ದೊಡ್ಡ ಸ್ಟಾರ್ಸ್​, ಗಣ್ಯರು ಇದ್ದರೂ ಸಮಾರಂಭದ ಹೈಲೈಟ್​ ಆಗಿರೋದು ಬಾಲಕಿ ತ್ರಿಶಾ ಥೋಸರ್. 

ಮರಾಠಿ ಭಾಷೆಯ ಸಿನಿಮಾ ನಾಲ್-2 ಸಿನಿಮಾದಲ್ಲಿ ಅತ್ಯದ್ಭುತವಾಗಿ ಅಭಿನಯಿಸಿದ್ದಕ್ಕಾಗಿ ಅತ್ಯುತ್ತಮ ಬಾಲ ಕಲಾವಿದೆ ಎಂದು ಬಾಲಕಿ ತ್ರಿಶಾ ಥೋಸರ್​ಗೆ 2023ನೇ ಸಾಲಿನ 71ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಪ್ರದಾನ ಮಾಡಿದ್ದಾರೆ. ರಾಷ್ಟ್ರಪತಿ ಬಳಿಗೆ ಪುಟ್ಟ ಪುಟ್ಟ ಹೆಜ್ಜೆಗಳಿನ್ನಿಟ್ಟು ತ್ರಿಶಾ ಥೋಸರ್ ಆಗಮಿಸುತ್ತಿರುವ ಫೋಟೋಸ್, ವಿಡಿಯೋಸ್​ ಎಲ್ಲೆಡೆ ವೈರಲ್ ಆಗಿವೆ. 

ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ಬರಬೇಕಾದರೆ ತ್ರಿಶಾ ಥೋಸರ್ ಗೋಲ್ಡನ್​ ಕಲರ್ ಸ್ಯಾರಿ ಹಾಕಿಕೊಂಡಿದ್ದೇ ಎಲ್ಲರ ಗಮನವನ್ನು ಸೆಳೆದಿದೆ. ವೇದಿಕೆ ಮೇಲೆ ಬರುವಾಗ ಬಾಲಕಿ ಮಾಡಿದ ನಮಸ್ಕಾರ ಹಾಗೂ ಬರುವ ಸ್ಪೀಡ್​ ನೋಡಿ, ಸಮಾರಂಭದಲ್ಲಿದ್ದ ಎಲ್ಲರೂ ಜೋರು ಚಪ್ಪಾಳೆ ಹಾಗೂ ಓಹೋ.. ಎಂದು ಕೂಗಿದರು. ತ್ರಿಶಾ ಥೋಸರ್ ನೋಡಿ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರು ನಕ್ಕರು. 

ತ್ರಿಶಾ ಥೋಸರ್ ಗೋಲ್ಡನ್​ ಕಲರ್ ಸ್ಯಾರಿ ಧರಿಸಿ, ಹಣೆಯ ಮೇಲೆ ಚಿಕ್ಕದಾದ ಬಿಂದಿ ಇಟ್ಟುಕೊಂಡು ತನ್ನ ಕೂದಲುಗಳನ್ನು ಮುತ್ತುಗಳಿಂದ ಅಲಂಕರಿಸಿದ್ದಳು. ಇಡೀ ಸಮಾರಂಭದಲ್ಲಿ ಆಕರ್ಷಣೆಯಾಗಿ, ವೈವಿಧ್ಯಮಯವಾಗಿ, ವೈಶಿಷ್ಟ್ಯವಾಗಿ, ಅಂದವಾಗಿ ತ್ರಿಶಾ ಥೋಸರ್ ಕಾಣಿಸಿಕೊಂಡಳು. ಸ್ವತಹ ರಾಷ್ಟ್ರಪತಿಗಳೇ ಮುಗುಳು ನಗೆ ನಕ್ಕರು.  

ಇದನ್ನೂ ಓದಿ: RCB ಸಂಪರ್ಕಕ್ಕೂ ಸಿಗ್ತಿಲ್ಲ ಕಿಂಗ್​ ಕೊಹ್ಲಿ.. ಲಂಡನ್​​ನಲ್ಲಿ ಏನ್ ಮಾಡ್ತಿದ್ದಾರೆ ಸ್ಟಾರ್ ಕ್ರಿಕೆಟರ್​?

ಕಾರ್ಯಕ್ರಮದಲ್ಲಿ ಶ್ರೀನಿವಾಸ್ ಪೋಕಳೆ, ಭಾರ್ಗವ್ ಜಗತಾಪ್, ಕಬೀರ್ ಖಂಡಾರೆ ಮತ್ತು ಸುಕೃತಿ ವೇಣಿ ಬಂಡ್ರೆಡ್ಡಿ ಪ್ರಶಸ್ತಿ ಪಡೆದರು. ಆದರೆ 4 ವರ್ಷಕ್ಕೆ ಪ್ರಶಸ್ತಿ ಪಡೆದಿದ್ದು ಎಂದರೆ ಅದು ತ್ರಿಶಾ ಥೋಸರ್. ಕೇವಲ 4ನೇ ವಯಸ್ಸಿಗೆ ತ್ರಿಶಾ ಥೋಸರ್ ಹಲವಾರು ಪ್ರಜೆಕ್ಟ್​ಗಳಲ್ಲಿ ಕೆಲಸ ಮಾಡುತ್ತಿದ್ದರಿಂದ ಬಾಲ ಕಲಾವಿದೆಯಾಗಿ ಗುರುತಿಸಿಕೊಂಡಿದ್ದಾರೆ.

ಕೇವಲ ನಾಲ್ 2 ಸಿನಿಮಾ ಮಾತ್ರವಲ್ಲ ಪುನ್ಹಾ ಶಿವಾಜಿ ರಾಜೇ ಭೋಸಲೆ, ಮಾನ್ವತ್ ಮರ್ಡರ್ಸ್ ಹಾಗೂ ಪೆಟ್ ಪುರಾಣ ಸೇರಿ ಕೆಲವು ಸಿನಿಮಾಗಳಲ್ಲಿ ಅಭಿನಯ ಮಾಡಿದ್ದಾರೆ. ಸ್ವತಹ ಕಮಾಲ್ ಹಾಸನ್ ಅವರು ತ್ರಿಶಾ ಥೋಸರ್​ಗೆ ವಿಡಿಯೋ ಕಾಲ್ ಮಾಡಿ ಮಾತನಾಡಿದ್ದಾರೆ. ಕಂದ ನಾನು ಕಮಲಾ ಹಾಸನ್. ನನ್ನ ರೆಕಾರ್ಡ್​ ಅನ್ನು ಬ್ರೇಕ್ ಮಾಡಿದೆ ಎಂದು ಹೇಳಿದ್ದಾರೆ. ಈ ವಿಡಿಯೋ ಕೂಡ ವೈರಲ್ ಆಗಿದೆ.  

#TheKarigai | என் சாதனையை முறியடித்ததற்கு வாழ்த்துகள்

வீடியோ கால் செய்து த்ரிஷா தோஷர் என்ற 4 வயது சிறுமியை வாழ்த்திய கமல்ஹாசன்.#KamalHaasan#TrishaThosar#71stNationalFilmAwards#NationalAwardspic.twitter.com/OaPvWOhMuQpic.twitter.com/L7qSAs08KD

— The karigai (@thekarigai) September 25, 2025

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ