ಸಿಟಿ ಸೆಂಟರ್​ ಮಾಲ್​ಗೆ ತಂದೆಯೊಂದಿಗೆ ಮಕ್ಕಳು ಹೋಗಿದ್ದರು

ಕೈಯಿಂದ ಮಗು ಜಾರಿ ಬೀಳುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ

ಐದು ವರ್ಷದ ಬಾಲಕನನ್ನ ತಡೆಯಲು ಹೋದಾಗ ಅವಘಡ

ರಾಯಪುರ: ಮಾಲ್​ವೊಂದರಲ್ಲಿ ಎಸ್ಕಲೇಟರ್‌ ಮೂಲಕ ತೆರಳುವಾಗ ತಂದೆಯ ತೋಳಿನಿಂದ ಒಂದು ವರ್ಷದ ಮಗು ಬಿದ್ದು ಸಾವನ್ನಪ್ಪಿರುವ ಘಟನೆ ಛತ್ತೀಸ್‌ಗಢದ ರಾಯಪುರ ನಗರದಲ್ಲಿ ನಡೆದಿದೆ.

ರಾಯಪುರ ನಗರದ ಪ್ರತಿಷ್ಠಿತ ಸಿಟಿ ಸೆಂಟರ್​ ಮಾಲ್​ಗೆ ವ್ಯಕ್ತಿಯೊಬ್ಬರು ತನ್ನ ಕುಟುಂಬದ ಜೊತೆ ಭೇಟಿ ನೀಡಿರುತ್ತಾರೆ. ಈ ವೇಳೆ ಒಂದು ವರ್ಷದ ಮಗುವನ್ನು ಎತ್ತುಕೊಂಡು ಮಾಲ್​ನ ಎಸ್ಕಲೇಟರ್‌ ಅಲ್ಲಿ ಹೋಗುತ್ತಿರುತ್ತಾರೆ. ಆಗ ಅವರ ಇನ್ನೊಬ್ಬ ಮಗ 5 ವರ್ಷದ ಬಾಲಕನ ಎಸ್ಕಲೇಟರ್‌ ಏರಲು ಪ್ರಯತ್ನಿಸುತ್ತಿರುತ್ತದೆ. ಈ ವೇಳೆ ಬಾಲಕನನ್ನ ಎಸ್ಕಲೇಟರ್‌ ಹತ್ತಲು ತಡೆಯಲು ಹೋಗುವಾಗ ತಂದೆಯ ತೋಳಲ್ಲಿದ್ದ ಮಗು ಜಾರಿ ಕೆಳಕ್ಕೆ ಬಿದ್ದಿದೆ ಎಂದು ಹೇಳಲಾಗಿದೆ.

Toddler at Raipur mall dies after falling from the third floor after he accidentally slips from the lap of the guardian, while he looked after another child.#Raipur pic.twitter.com/aGlW7oZUAk

— Anurag Tyagi (@TheAnuragTyagi) March 20, 2024

ಇದನ್ನೂ ಓದಿ: ಮತ್ತೆ ಮಗ ಹುಟ್ಟಿದ ಖುಷಿಯಲ್ಲಿದ್ದ ಸಿಧು ಮೂಸೆವಾಲಾ ಪೋಷಕರಿಗೆ ಬಿಗ್‌ ಶಾಕ್‌; ಸರ್ಕಾರದಿಂದ ಕಿರುಕುಳ?

ಪರಿಣಾಮ ತೀರ ಮೇಲಿನಿಂದ ಮಗು ಬಿದ್ದಿದ್ದರಿಂದ ಆತಂಕಗೊಂಡ ತಂದೆ ತಕ್ಷಣ ಓಡಿ ಬಂದು ಮಗುವನ್ನು ಆಸ್ಪತ್ರೆಗೆ ದಾಖಲು ಮಾಡುತ್ತಾರೆ. ಆದರೆ ವೈದ್ಯರು ಮಗು ಮೃತಪಟ್ಟಿದೆ ಎಂದು ತಿಳಿಸುತ್ತಿದ್ದಂತೆ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ. ಮಗು ತಂದೆಯ ಕೈಯಿಂದ ಜಾರಿ ಬೀಳುತ್ತಿರುವ ದೃಶ್ಯ ಮಾಲ್​ನ ಸಿಸಿಟಿವಿ ದೃಶ್ಯದಲ್ಲಿ ಸೆರೆಯಾಗಿದೆ ಎನ್ನಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ