ಪಾಕಿಸ್ತಾನಕ್ಕೆ ಬಿಗ್ ಶಾಕ್ ಕೊಟ್ಟ ಬಾಂಗ್ಲಾ ಪ್ಲೇಯರ್ಸ್​.. ಐತಿಹಾಸಿಕ ದಾಖಲೆ ಬರೆದ ಆಟಗಾರರು

ತವರಿನಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಪಾಕಿಸ್ತಾನ ಹೀನಾಯವಾಗಿ ಸೋತು ಹೋಗಿದೆ. ಈ ಮೂಲಕ ಬಾಂಗ್ಲಾದೇಶ ಹೊಸ ದಾಖಲೆ ನಿರ್ಮಿಸಿದ್ದು 23 ವರ್ಷಗಳ ನಂತರ ಪಾಕಿಸ್ತಾನದ ವಿರುದ್ಧ ಮೊದಲು ಗೆಲುವು ಸಾಧಿಸಿದೆ. ಇದರ ಜೊತೆಗೆ ಅವರದೇ ಪಿಚ್​​ನಲ್ಲೇ 10 ವಿಕೆಟ್​ಗಳಿಂದ ಪಾಕ್​ ಅನ್ನು ಮಣಿಸಿದ ಮೊದಲ ಟೀಮ್ ಎಂಬ ಐತಿಹಾಸಿಕ ದಾಖಲೆಯನ್ನು ಬಾಂಗ್ಲಾ ಮಾಡಿದೆ.

ಇದನ್ನೂ ಓದಿ: ಇದನ್ನೂ ಓದಿ: ದರ್ಶನ್​ ರೆಸಾರ್ಟ್​​ನಲ್ಲಿದ್ದಾರೋ, ಜೈಲಿನಲ್ಲಿದ್ದಾರೋ; ಕಣ್ಣೀರು ಹಾಕುತ್ತ ರೇಣುಕಾಸ್ವಾಮಿ ತಂದೆ ಏನಂದ್ರು?

ರಾವಲ್ಪಿಂಡಿಯಲ್ಲಿ ನಡೆದ ಮೊದಲ ಟೆಸ್ಟ್​ ಮ್ಯಾಚ್​ನಲ್ಲಿ ಬಾಂಗ್ಲಾ ನಾಯಕ ನಜ್ಮುಲ್ ಹೊಸೈನ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡರು. ಪಾಕಿಸ್ತಾನ ಬ್ಯಾಟಿಂಗ್​ಗೆ ಆಗಮಿಸಿತು. ಓಪನರ್ಸ್​ ವಿಫಲ ಬ್ಯಾಟಿಂಗ್ ಪ್ರದರ್ಶನ ಮಾಡಿದ್ರೂ ಮಧ್ಯಮ ಕ್ರಮಾಂಕದಲ್ಲಿ ಮನಮೋಹಕ ಬ್ಯಾಟಿಂಗ್ ಮಾಡಿದರು. ಇದರಿಂದ 448 ರನ್​ಗಳಿಗೆ ಪಾಕ್ ಡಿಕ್ಲೇರ್ ಮಾಡಿಕೊಂಡಿತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ ಬೃಹತ್​ ಮೊತ್ತದ ರನ್​ಗಳನ್ನು ಗಳಿಸಿತು. ಬಾಂಗ್ಲಾ ಪರ ಮುಶ್ಫೀಕರ್ ರಹೀಮ್ 191 ರನ್​, ಮೊಮಿನುಲ್ 50, ಶದ್ಮಾನ್ ಇಸ್ಲಾಮ್​ 93, ಮೆಹೆದಿ ಹಸನ್ 77, ಲಿಟ್ಟನ್ ದಾಸ್ 56 ರನ್​ಗಳ ನೆರವಿನಿಂದ 565 ರನ್‌ಗಳ ಬೃಹತ್​ ಮೊತ್ತ ಕಲೆ ಹಾಕಿ ಆಲೌಟ್ ಆಯಿತು. ಹೀಗಾಗಿ 117 ರನ್​ಗಳ ಮುನ್ನಡೆಯನ್ನು ಬಾಂಗ್ಲಾದೇಶ ಪಡೆದುಕೊಂಡಿತು. ಮುಶ್ಫೀಕರ್ ರಹೀಮ್ ಕೊಂಚದರಲ್ಲೇ ದ್ವಿಶತಕದಿಂದ ವಂಚಿತರಾದರು.

ಇದನ್ನೂ ಓದಿ:ಪ್ಯಾಸೆಂಜರ್​ ಬಸ್ ಭಯಾನಕ ಆಕ್ಸಿಡೆಂಟ್​.. 30 ಪ್ರಯಾಣಿಕರ ಪೈಕಿ 29 ಜನ ಸ್ಥಳದಲ್ಲೇ ಸಾವು

2ನೇ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್ ಮಾಡಲು ಬಂದ ಪಾಕ್ ಆಟಗಾರರು ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿಕೊಂಡರು. ಬಾಂಗ್ಲಾ ಬೌಲರ್​ಗಳ ಅಬ್ಬರಕ್ಕೆ ಪತರಗುಟ್ಟಿದರು. ಇದರಿಂದ ಕೇವಲ 146 ರನ್​ಗಳಿಗೆ ಪಾಕ್ ಆಲೌಟ್ ಆಗಿದ್ದು ಕೇವಲ 29 ರನ್​ಗಳ ಟಾರ್ಗೆಟ್​ ನೀಡಿತು. ಈ ಸುಲಭ ಗುರಿ ಬೆನ್ನತ್ತಿದ ಬಾಂಗ್ಲಾ ಓಪನರ್ಸ್​ ಕೇವಲ 6.3 ಓವರ್​ಗಳಲ್ಲಿ 30 ರನ್ ಸಿಡಿಸಿದರು. ಈ ಮೂಲಕ 10 ವಿಕೆಟ್​ಗಳ ಗೆಲುವು ಪಡೆದ ಬಾಂಗ್ಲಾ ಪ್ಲೇಯರ್ಸ್​ ಮೈದಾನದಲ್ಲಿ ಸಂಭ್ರಮಿಸಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ