PSI ಪರಶುರಾಮ ಸಾವಿನ ಬೆನ್ನಲ್ಲೇ CCB ಇನ್ಸ್‌ಪೆಕ್ಟರ್‌ ನಿಗೂಢ ಸಾವು; ಅಸಲಿ ಕಾರಣವೇನು?

ಬೆಂಗಳೂರು: ರಾಜ್ಯದಲ್ಲಿ ಆರಕ್ಷಕರಿಗೆ ರಕ್ಷಣೆನೇ ಇಲ್ವಾ? ಅನ್ನೋ ಪ್ರಶ್ನೆ ಶುರುವಾಗಿದೆ. ಯಾದಗಿರಿ ಪಿಎಸ್​ಐ ಆತ್ಮಹತ್ಯೆ ದುರಂತ ಮಾಸುವ ಮುನ್ನವೇ ಸಿಸಿಬಿ ಇನ್ಸ್​ಪೆಕ್ಟರ್​ಯೋರ್ವ ಆತ್ಮಹತ್ಯೆ​ ಮಾಡಿಕೊಂಡಿದ್ದಾರೆ. ವರ್ಷದ ಹಿಂದೆ ತಲೆದಂಡದ ಶಿಕ್ಷೆ ಪಡೆದಿದ್ದ ಅಧಿಕಾರಿಯ ಸಾವು ನಿಗೂಢತೆಗೆ ಕಾರಣವಾಗಿದೆ. ಸಿಸಿಬಿ ಅಧಿಕಾರಿಯ ಸಾವಿನ ಸುತ್ತಾ ಅನುಮಾನಗಳ ಹುತ್ತವೇ ಬೆಳೆದು ನಿಂತಿದೆ.

ಇದನ್ನೂ ಓದಿ: ಅಜ್ಜನ ತಿಜೋರಿಯಿಂದ ಜಾಕ್‌ಪಾಟ್.. ಒಂದೇ ರಾತ್ರಿಗೆ ಕೋಟ್ಯಾಧಿಪತಿಯಾದ ಬೆಂಗಳೂರಿನ ಮಹಿಳೆ; ಹೇಗೆ?

ಮರಕ್ಕೆ ನೇಣು ಬಿಗಿದು ಸಿಸಿಬಿ ಇನ್ಸ್​ಪೆಕ್ಟರ್​ ಆತ್ಮಹತ್ಯೆಗೆ ಶರಣು
ತಿಮ್ಮೇಗೌಡ ಸಾವಿಗೆ ಅಸಲಿ ಕಾರಣ ಮೇಲಾಧಿಕಾರಿಗಳ ಕಿರುಕುಳನಾ?
ತಿಮ್ಮೇಗೌಡ್ರು ಸಿಸಿಬಿ ಆರ್ಥಿಕ ಅಪರಾಧ‌ ವಿಭಾಗದಲ್ಲಿ ಇನ್ಸ್​ಪೆಕ್ಟರ್​ ಆಗಿ ಕೆಲಸ ಮಾಡುತ್ತಾ ಇದ್ದರು. ಆದ್ರೆ ಏಕಾಏಕಿ ಅದೇನಾಯ್ತೋ ಗೊತ್ತಿಲ್ಲ.. ರಾಮನಗರದ ಕಗ್ಗಲೀಪುರದ ಬಳಿ ಮರಕ್ಕೆ ನೇಣು ಬಿಗಿದು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಅಷ್ಟಕ್ಕೂ ಪೊಲೀಸ್ ಅಧಿಕಾರಿ ತಿಮ್ಮೇಗೌಡಾಗೆ ಸಾಯುವಂತದ್ದು ಏನಾಗಿತ್ತು? ಸಾವಿಗೆ ಮೇಲಾಧಿಕಾರಿಗಳ ಕಿರುಕುಳ ಕಾರಣನಾ? ಅಥವಾ ಖಿನ್ನತೆ ಕಾರಣಾನಾ? ಹೀಗೆ ಇನ್ಸ್​ಪೆಕ್ಟರ್ ಸಾವಿನ ಸುತ್ತಾ ಅನುಮಾನಗಳ ಹುತ್ತವೇ ಬೆಳೆದು ನಿಂತಿದೆ.

ಆನೇಕಲ್ ಪಟಾಕಿ ದುರಂತದಲ್ಲಿ ಅಮಾನತಾಗಿದ್ದ ‌ತಿಮ್ಮೇಗೌಡ
ಅಮಾನತಾಗಿದ್ದಕ್ಕೆ ಖಿನ್ನತೆ ಒಳಗಾಗಿದ್ರಾ ಸಿಸಿಬಿ ಇನ್ಸ್​​ಪೆಕ್ಟರ್ ?

2023ರ ಅಕ್ಟೋಬರ್ 8 ದೇಶದಲ್ಲಿ ದೀಪಾವಳಿಯ ಸಂಭ್ರಮ ಜೋರಾಗಿತ್ತು. ಆ ದೀಪಗಳ ನಡುವೆಯೂ ಅದೊಂದು ಘಟನೆ ಕತ್ತಲ ಕಾರ್ಮೋಡ ಆವರಿಸುವಂತೆ ಮಾಡಿತ್ತು. ಸಂತೋಷಕ್ಕಾಗಿ ತಯಾರಾಗ್ತಿದ್ದ ಪಟಾಕಿ ಫ್ಯಾಕ್ಟರಿಯೇ ಹೊತ್ತಿ ಉರಿದಿತ್ತು. ಈ ಸ್ಫೋಟದಲ್ಲಿ ಬರೋಬ್ಬರಿ 12 ಮಂದಿ ಸಜೀವ ದಹನರಾಗಿದ್ದರು. ಬಳಿಕ ಪಟಾಕಿ ಅಂಗಡಿಗೆ ಹಿಂದಿನ ಇನ್ಸ್‌ಪೆಕ್ಟರ್​​ ಅಪ್ರೂವಲ್ ಕೊಟ್ಟಿದ್ದ ತಿಮ್ಮೇಗೌಡ ಅವರನ್ನ ಅಮಾನತು ಮಾಡಲಾಯಿತು.

ಇದನ್ನೂ ಓದಿ: ಸಾಯುವ ಹಿಂದಿನ ದಿನ ಕೈಯಾರೆ ಚಿತ್ರಾನ್ನ ಮಾಡಿ ಬಡಿಸಿದ್ದ -ಮೃತ ಪರಶುರಾಮನ ತಂದೆ ಆಕ್ರಂದನ.. 

ಯಾರು ‘ಈ’ ತಿಮ್ಮೇಗೌಡ..?
2003ರ ಬ್ಯಾಚ್​ನಲ್ಲಿ ಸಿಸಿಬಿ ಇನ್ಸ್​ಪೆಕ್ಟರ್ ಆಗಿದ್ದ ತಿಮ್ಮೇಗೌಡ
ಅಮಾನತಿನಿಂದ ಖಿನ್ನತೆಗೆ ಒಳಗಾಗಿದ್ದ ಇನ್ಸ್​​ಪೆಕ್ಟರ್​ ತಿಮ್ಮೇಗೌಡ
ಬಳಿಕ ಇನ್ಸ್​​ಪೆಕ್ಟರ್​ ತಿಮ್ಮೇಗೌಡಗೆ ಕ್ಲೀನ್ ಚೀಟ್ ನೀಡಿದ್ದ ಕೋರ್ಟ್​
ಕ್ಲೀನ್ ಚೀಟ್ ಸಿಕ್ಕರೂ ಖಿನ್ನತೆಯಿಂದ ಹೊರ ಬರದ ತಿಮ್ಮೇಗೌಡ
ಇಂದು ಬೆಳಗ್ಗೆ ಕಗ್ಗಲಿಪುರದ ಬಳಿ ಮರಕ್ಕೆ ನೇಣು ಬಿಗಿದು ಆತ್ಮಹತ್ಯೆ
ತಿಮ್ಮೇಗೌಡ ಸಾವಿಗೆ ಹಿರಿಯ ಅಧಿಕಾರಿಗಳೇ ಕಾರಣ ಅಂತ ಆರೋಪ

ಅಷ್ಟಕ್ಕೂ.. ಸಿಸಿಬಿ ಇನ್ಸ್​ಪೆಕ್ಟರ್​ ತಿಮ್ಮೇಗೌಡ ಸಾವಿಗೆ ಅಸಲಿ ಕಾರಣವೇನು? ಖಿನ್ನತೆ ತಾಳಲಾರದೇ ಆತ್ಮಹತ್ಯೆಗೆ ಶರಣಾದ್ರಾ? ಅಥವಾ ನಿಜಕ್ಕೂ ಅವರಿಗೆ ಹಿರಿಯ ಅಧಿಕಾರಿಗಳ ಕಿರುಕುಳವಿತ್ತಾ? ಸದ್ಯ ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಮಾತ್ರ ನಿಗೂಢವಾಗಿದೆ. ಯಾದಗಿರಿ PSI ಸಾವಿನ ಬೆನ್ನಲ್ಲೇ ಮತ್ತೊಬ್ಬ ಇನ್ಸ್‌ಪೆಕ್ಟರ್‌ ಸಾವನ್ನಪ್ಪಿರೋದು ಸರ್ಕಾರದ ಕಾರ್ಯವೈಖರಿಯ ಮೇಲೆ ಬೊಟ್ಟು ಮಾಡುವಂತೆ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ