ಫೆಬ್ರವರಿ14, 2019ರಂದು ಪುಲ್ವಾದಲ್ಲಿ ನಡೆದ ಭೀಕರ ದಾಳಿ

ಸಿಆರ್​​ಪಿಎಫ್​​ ಬೆಂಗಾವಲು ಪಡೆಯ ವಾಹನದ ಮೇಲೆ ದಾಳಿ

ಈ ಘಟನೆಯಲ್ಲಿ 40 ಸಿಆರ್​​ಪಿಎಫ್​​ ಜವಾನರು ಸಾವನ್ನಪ್ಪಿದ್ದರು

Pulwama Terror: 2019ರಲ್ಲಿ ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮದಲ್ಲಿ ಭೀಕರ ದಾಳಿ ನಡೆದಿತ್ತು. ಸಿಆರ್​​ಪಿಎಫ್​​ ಬೆಂಗಾವಲು ಪಡೆಯ ವಾಹನದ ಮೇಲೆ ಭಯೋತ್ಪಾದಕರು ದಾಳಿ ನಡೆಸಿದ್ದರು. ಈ ದಾಳಿಯಲ್ಲಿ ಬಂಧಿಸಲಾದ ಕಾಕಪೋರಾ ಹಾಜಿಬಲ್​​​ ಗ್ರಾಮದ ಆರೋಪಿ ಬಿಲಾಲ್​​ ಅಹ್ಮದ್​​ ಕುಚೇಯ್​​ ಹೃದಯಾಘಾತದಿಂದ (Heart attack) ಸಾವನ್ನಪ್ಪಿದ್ದಾನೆ .

32 ವರ್ಷದ ಬಿಲಾಲ್​​ ಅಹ್ಮದ್​​ ಕುಚೇಯ್ ಜಮ್ಮುವಿನ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾನೆ. ಅದಕ್ಕೂ ಮುನ್ನ ಸೆಪ್ಟೆಂಬರ್​ 17ರಂದು ಕಿಶ್ವಾರವ ಜಿಲ್ಲಾ ಕಾರಾಗೃಹದಲ್ಲಿ ಬಿಲಾಲ್​​ ಅಹ್ಮದ್​​ ಕುಚೇಯ್ ಅನಾರೋಗ್ಯಕ್ಕೆ ಒಳಗಾಗಿದ್ದನು. ನಂತರ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಸೋಮವಾರದಮದು ಬಿಲಾಲ್​​ ಅಹ್ಮದ್​​ ಕುಚೇಯ್ ಸಾವನ್ನಪ್ಪಿದ್ದಾನೆ.

ಇದನ್ನೂ ಓದಿ: ಮುಖ್ಯಮಂತ್ರಿ ಸಿದ್ದರಾಮಯ್ಯಗೆ ದೊಡ್ಡ ಹಿನ್ನಡೆ.. ಏನಿದು ಮುಡಾ ಹಗರಣ..?

2020ರ ಅಗಸ್ಟ್​​ 25ರಂದು ಬಿಲಾಲ್​​ ಅಹ್ಮದ್​​ ಕುಚೇಯ್ ಸೇರಿ 19 ಮಂದಿ ವಿರುದ್ಧ ರಾಷ್ಟ್ರೀಯ ತನಿಖಾ ಸಂಸ್ಥೆ ಚಾರ್ಜ್​ಶೀಟ್​ ಮಾಡಿತ್ತು. ಬಂಧಿತರಾದ 7 ಮಂದಿಯಲ್ಲಿ ಬಿಲಾಲ್​​ ಅಹ್ಮದ್​​ ಕುಚೇಯ್ ಕೂಡ ಸೇರಿದ್ದನು.

ಇದನ್ನೂ ಓದಿ: VIDEO: ತಿರುಪತಿ ಲಡ್ಡುವಿನಲ್ಲಿ ಸಿಕ್ತು ತಂಬಾಕು ತುಂಡುಗಳು! ತಿಮ್ಮಪ್ಪನ ಪ್ರಸಾದ ತಿಂದು ಬೆಚ್ಚಿ ಬಿದ್ದ ಮಹಿಳೆ

ಬಿಲಾಲ್​​ ಅಹ್ಮದ್​​ ಕುಚೇಯ್ ವಿರುದ್ಧ ಕಾನೂನ ಬಾಹಿರ ಚಟುವಟಿಕೆ ಕಾಯಿದೆ, ವಿದೇಶ ಕಾಯಿದೆ ಮತ್ತು ಜಮ್ಮು ಮತ್ತು ಕಾಶ್ಮೀರ ಸಾರ್ವಜನಿಕ ಆಸ್ತಿ ಹಾನಿ ಕಾಯ್ದೆಯಡಿ ಎನ್​ಐಯ ಆರೋಪಪಟ್ಟಿ ಸಲ್ಲಿಸಿತ್ತು.

ಪುಲ್ವಾಮ ದಾಳಿ

ಫೆಬ್ರವರಿ 14, 2019ರಲ್ಲಿ ಜಮ್ಮ ಮತ್ತು ಕಾಶ್ಮೀರದ ಪುಲ್ವಾದಲ್ಲಿ ಭೀಕರ ದಾಳಿ ಸಂಭವಿಸಿತ್ತು. ಮಧ್ಯಾಹ್ನ 3:15ಕ್ಕೆ ಜಮ್ಮು ಮತ್ತು ಶ್ರೀನಗರದ ಹೆದ್ದಾರಿಯಲ್ಲಿ ಸಿಆರ್​​ಪಿಎಫ್​​ ಯೋಧರ ಬೆಂಗಾವಲು ವಾಹನದ ಮೇಲೆ ಸ್ಫೋಟಕ ತುಂಬಿದ ವಾಹನ ಡಿಕ್ಕಿ ಹೊಡೆದಿತ್ತು.

ಪುಲ್ವಾಮ ಉಗ್ರರ ದಾಳಿಯಲ್ಲಿ ಸುಮಾರು 40 ಸಿಆರ್​​ಪಿಎಫ್​​ ಜವಾನರು ಸಾವನ್ನಪ್ಪಿದ್ದರು. ಹಲವರು ಗಾಯಗೊಂಡಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ