455ಕ್ಕೂ ಹೆಚ್ಚು ಲೈವ್​ ಟಿವಿ ಚಾನೆಲ್ ವೀಕ್ಷಿಸಬಹುದು

ವಿವಿಧ ಮನರಂಜನೆಗಳನ್ನು ವೀಕ್ಷಿಸುವ ಆಯ್ಕೆಯೂ ಇದೆ

ಜಿಯೋಪೇ ಮೂಲಕ ಯುಪಿಐ ಸೇವೆಯನ್ನು ಬಳಸಬಹುದು

ಮುಖೇಶ್​ ಅಂಬಾನಿ ಒಡೆತನದ ರಿಲಯನ್ಸ್​ ಕಳೆದ ವರ್ಷ ಜಿಯೋಭಾರತ್​ V2 ಹೆಸರಿನಲ್ಲಿ ಫೋನ್​ ಪರಿಚಯಿಸಿ ಸಕ್ಸಸ್​ ಕಂಡಿತ್ತು. ಇದೀಗ ಅದರ ಮುಂದುವರಿದ ಭಾಗವಾಗಿ ಜಿಯೋಭಾರತ್​ ಸಿರೀಸ್​ ಪರಿಚಯಿಸಿದೆ.

ಜಿಯೋಭಾರತ್​​​ ವಿ3 ಮತ್ತು ವಿ4 ಹೆಸರಿನಲ್ಲಿ ಹೊಸ ಫೋನ್​ ಪರಿಚಯಿಸಿದೆ. ನೂತನ ಫೋನ್​​ ಕೈಗೆಟಕುವ ದರದಲ್ಲಿ ಸಿಗುತ್ತಿದೆ. 4G ನೆಟ್​​ವರ್ಕ್​ನಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಎರಡು ಫೋನ್​ಗಳು ಆತ್ಯಾಧುನಿಕತೆ ಸ್ಪರ್ಶವನ್ನು ಹೊಂದಿದೆ.

ಇದನ್ನೂ ಓದಿ: Blinkit: ಬರೀ 10 ನಿಮಿಷದಲ್ಲಿ ರಿಟರ್ನ್ ಮತ್ತು ಎಕ್ಸ್​ಚೇಂಜ್​​ ಮಾಡುವ ಅವಕಾಶ.. ಬ್ಲಿಂಕ್​ಇಟ್​ ತೆರೆದಿಟ್ಟಿದೆ ಹೊಸ ವೈಶಿಷ್ಟ್ಯ

ಜಿಯೋಭಾರತ್​​ ವಿ3 ಮತ್ತು ವಿ4 ವಿಶೇಷ ಡಿಜಿಟಲ್​​ ಸೇವೆಗಳ ಸೂಟ್​​ನೊಂದಿಗೆ ಪರಿಚಯಿಸಲಾಗಿದೆ. ಕರೆ ಮಾಡಲು, ಮನರಂಜನೆ, ಹಣ ವರ್ಗಾವಣೆಯಂತಹ ಆನ್​ಲೈನ್​ ಪಾವತಿ ಸೇವೆ ಹೀಗೆ ಹಲವು ಪ್ರಮುಖ ಸೇವೆಯನ್ನು ಇದು ಒದಗಿಸುತ್ತಿದೆ. ಅಂದಹಾಗೆಯೇ ಇದರಲ್ಲಿ ಏನೇನಿದೆ ಎಂದು ನೋಡುವುದಾದರೆ..

1. JioTV: ನೂತನ ಫೋನ್​ನಲ್ಲಿ 455ಕ್ಕೂ ಹೆಚ್ಚು ಲೈವ್​ ಟಿವಿ ಚಾನೆಲ್​, ಬಳಕೆದಾರರ ನೆಚ್ಚಿನ ಕಾರ್ಯಕ್ರಮ, ಸುದ್ದಿ ಮತ್ತು ಕ್ರೀಡೆಗಳನ್ನು ನೇರವಾಗಿ ವೀಕ್ಷಿಸಬಹುದು.
2. JioCinema: ಕ್ರೀಡೆಗಳು ಮಾತ್ರವಲ್ಲ ಸಿನಿಮಾ ವೀಕ್ಷಣೆ ಮಾಡಬಹುದಾಗಿದೆ. ವಿವಿಧ ಮನರಂಜನಾ ಆಯ್ಕೆಗಳನ್ನು ನೀಡುತ್ತಿದೆ.
3. JioPay: ನೂತನ ಫೋನ್​ನಲ್ಲಿ ಯುಪಿಐ ಸೇವೆಯನ್ನು ಒದಗಿಸಲಾಗಿದೆ. ಜಿಯೋಪೇ ಡಿಜಿಟಲ್​ ವಹಿವಾಟನ್ನು ಸರಳಗೊಳಿಸಿದೆ.
4. JioChat: ಅನಿಯಮಿತ ಧ್ವನಿ ಸಂದೇಶ, ಫೋಟೋ ಮತ್ತು ವಿಡಿಯೋ ಹಂಚಿಕೊಳ್ಳಬಹುದಾಗಿದೆ. ಗ್ರೂಪ್​ ಚಾಟ್​​ಗಳನ್ನು ಇದರ ಮೂಲಕ ಮಾಡಬಹುದಾಗಿದೆ.

ಇದನ್ನೂ ಓದಿ: Security Alert: ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಸರ್ಕಾರದಿಂದ ಎಚ್ಚರಿಕೆ.. ಕೂಡಲೇ ಹೀಗೆ ಮಾಡಿ

ಎರಡೂ ಮಾದರಿಯಲ್ಲಿ 1000mAh ಬ್ಯಾಟರಿ ಪರಿಚಯಿಸಲಾಗಿದೆ. ಒಂದು ದಿನ ಪೂರ್ತಿ ಬಳಸಬಹುದಾಗಿದೆ. ಜೊತೆಗೆ ಇದರಲ್ಲಿ ಸಂಗ್ರಹಣ ಸಾಮರ್ಥ್ಯವನ್ನು ವಿಸ್ತರಿಸಲಾಗಿದೆ. ಅಪ್ಲಿಕೇಶನ್​, ವಿಡಿಯೋ ಮತ್ತು ಫೋಟೋಗಳಿಗೆ ಅವಕಾಶವಿದೆ. ಮತ್ತೊಂದು ಸಂಗತಿ ಎಂದರೆ 23 ಭಾಷೆಯನ್ನು ಇದು ಬೆಂಬಲಿಸುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ