ರಿಂಕು ಸಿಂಗ್ ಟ್ಯಾಟೂ ಹಿಂದಿನ ಅಸಲಿ ಸತ್ಯ ಬಯಲು.. ಯಂಗ್ ಲೆಫ್ಟಿ ಬ್ಯಾಟರ್ ಹೇಳಿದ್ದು ಏನು?

ರಿಂಕು ಸಿಂಗ್.. ಟೀಮ್ ಇಂಡಿಯಾದ ರೈಸಿಂಗ್ ಸ್ಟಾರ್​. ಇತ್ತೀಚೆಗಷ್ಟೇ ಗಾಡ್ಸ್​ ಫ್ಯಾನ್ಸ್​ ಎಂದು ಹಾಕಿಸಿಕೊಂಡಿದ್ದ ಹೊಸ ಟ್ಯಾಟೂ ಭಾರೀ ಸದ್ದು ಮಾಡಿತ್ತು. ಆದ್ರೀಗ ಆ ಟ್ಯಾಟೂ ಹಿಂದಿನ ಕತೆ ರಿವೀಲ್ ಆಗಿದೆ. ಆ ಕತೆ ಏನು ಎಂಬುವ ಮಾಹಿತಿ ಇಲ್ಲಿದೆ.

2023, ಏಪ್ರಿಲ್ 9.. ಇದು ರಿಂಕು ಸಿಂಗ್ ಪಾಲಿಗೆ ಅದೃಷ್ಠದ ದಿನ. ಈ ದಿನ ಯಶ್ ದಯಾಳ್​ ಎದುರು ಸಿಡಿಸಿದ್ದ 5 ಸಿಕ್ಸರ್​ಗಳು, ರಿಂಕು ಸಿಂಗ್ ಜೀವನವನ್ನೇ ಬದಲಿಸಿತ್ತು. ಜಸ್ಟ್​ ಐದೇ ತಿಂಗಳಲ್ಲಿ ಟೀಮ್ ಇಂಡಿಯಾಗೂ ಎಂಟ್ರಿಯಾಗುವಂತೆ ಮಾಡಿತ್ತು. ಅಷ್ಟೇ ಅಲ್ಲ, ಟಿ20 ತಂಡದ ಖಾಯಂ ಸದಸ್ಯನಾಗಿ ಮಾಡಿದೆ. ಆದ್ರೀಗ ರಿಂಕು ಹಾಕಿಸಿಕೊಂಡ ಗಾಡ್​ ಪ್ಲಾನ್ಸ್​ ಟ್ಯಾಟೂಗೂ ಲೈಫ್ ಚೇಂಜಿಂಗ್ 5 ಸಿಕ್ಸರ್​ಗಳಿಗೂ ಸಂಬಂಧ ಇದೆ. ಆ ಸಂಬಂಧವನ್ನ ಸ್ವತಃ ರಿಂಕು ಸಿಂಗ್ ಬಿಚ್ಚಿಟ್ಟಿದ್ದಾರೆ.

ಇದನ್ನೂ ಓದಿ: RCBಗೆ ಕೊಹ್ಲಿ, ವಿಲ್ ಜಾಕ್ಸ್ ಸೇರಿ 5 ಪ್ಲೇಯರ್ಸ್​ ರಿಟೈನ್​.. ಫ್ರಾಂಚೈಸಿಯಿಂದ ಕ್ಯಾಪ್ಟನ್​ಗೆ ಬಿಗ್ ಶಾಕ್?

ನಾನು ಗಾಡ್ಸ್​ ಪ್ಲಾನ್​ ಎಂದು ಹೇಳುತ್ತಿದ್ದೇನೆ. ಈ ಹೆಸರನ್ನ ಆಧರಿಸಿಯೇ ಹಚ್ಚೆ ವಿನ್ಯಾಸ ಮಾಡಿಸಲಾಗಿದೆ. ಇದು ಐಪಿಎಲ್​​ನಲ್ಲಿ ನಾನು ಹೊಡೆದ 5 ಸಿಕ್ಸರ್‌ಗಳನ್ನ ಸೂಚಿಸುತ್ತೆ. ಸೂರ್ಯನ ಈ ಟ್ಯಾಟೂನಲ್ಲಿ ಐದು ಚುಕ್ಕೆಗಳು ಇವೆ. ಪ್ರತಿ ಚುಕ್ಕೆ ಒಂದೊಂದು ಸಿಕ್ಸರ್​ನ ಪ್ರತಿಬಿಂಬಿಸುತ್ತದೆ.​ ಎರಡು ಎಕ್ಸ್​ಟ್ರಾ ಕವರ್​, ಒಂದು ಸ್ಟ್ರೈಟ್​, ಲಾಂಗ್ ಆನ್​​​ ಹಾಗೂ ಡೀಪ್ ಸ್ಕೇರ್ ಲೆಗ್​ ಮೇಲೆ ಸಿಕ್ಸರ್​ ಬಾರಿಸಿದ್ದೆ ಐಪಿಎಲ್‌ನಲ್ಲಿ ಇದು ನನ್ನ ಜೀವನವನ್ನ ಬದಲಾಯಿಸಿತ್ತು. ಆದ್ದರಿಂದ ನಾನು ಈ ಹಚ್ಚೆ ಹಾಕಿಸಿಕೊಂಡಿದ್ದೇನೆ.

ರಿಂಕು ಸಿಂಗ್​​​, ಕ್ರಿಕೆಟಿಗ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ