ಒಂದೇ ಒಂದು Selfie ಸಾಕು ನಿಮ್ಮ ಬ್ಯಾಂಕ್​ ಖಾತೆ ಖಾಲಿಯಾಗಲು, ಹುಷಾರ್​​!

ಸೈಬರ್​ ವಂಚನೆ ಪ್ರಕರಣಗಳು ದಿನನಿತ್ಯ ಬೆಳಕಿಗೆ ಬರುತ್ತಿರುತ್ತವೆ. ಬ್ಯಾಂಕ್​ ಖಾತೆ ಖಾಲಿಯಾದ ಅನೇಕ ಘಟನೆಗಳು ಕಣ್ಣ ಮುಂದೆ ಬರುತ್ತಿರುತ್ತವೆ. ಸ್ಮಾರ್ಟ್​ಫೋನ್​ ಬಂದ ಬಳಿಕವಂತೂ ಇಂತಹ ಘಟನೆಗಳು ಹೆಚ್ಚಾಗುತ್ತಿವೆ. ಅದರಲ್ಲೂ ಅಂಗೈ ಅಗಲದ ಸ್ಮಾರ್ಟ್​ಫೋನ್​ನಲ್ಲಿ ಬ್ಯಾಂಕ್​ ಖಾತೆ ಬಳಸಿದ ನಂತರವಂತೂ ಇಂತಹ ವಂಚನೆಗಳು ಜಾಸ್ತಿಯಾಗುತ್ತಿರುತ್ತವೆ.

ಸ್ಮಾರ್ಟ್​ಫೋನ್​ ಬಂದ ಬಳಿಕ ಸೆಲ್ಫಿ ಗೀಳು ಹೆಚ್ಚಾಗುತ್ತಿವೆ. ಆದರೆ ಸೆಲ್ಫಿಯಿಂದ ಕೂಡ ಬ್ಯಾಂಕ್​ ಖಾತೆ ಖಾಲಿಯಾಗುವ ಸಾಧ್ಯತೆಯಿದೆ ಎನ್ನುತ್ತಿದ್ದಾರೆ ಸೈಬರ್​ ಸೆಕ್ಯುರಿಟಿ ಸಂಶೋಧಕರು. ಒಂದೇ ಒಂದು ಸೆಲ್ಫಿಯಿಂದ ಖಾತೆ ಖಾಲಿಯಾಗಬಹುದಂತೆ.

ಇದನ್ನೂ ಓದಿ: ಬಿಡುಗಡೆಗೂ ಮುನ್ನವೇ ಸೋರಿಕೆಯಾಯ್ತು ಐಫೋನ್​ 17 ಕುರಿತ ಮಾಹಿತಿ.. ಡಿಸ್​​ಪ್ಲೇನಲ್ಲಿ ದೊಡ್ಡ ಬದಲಾವಣೆ

ಬಹುತೇಕ ಜನರು ಸೆಲ್ಫಿ ತೆಗೆದ ಬಳಿಕ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ. ಸದ್ಯ ಹಲವು ಆ್ಯಪ್​ಗಳು ಮತ್ತು ವೆಬ್​ಸೈಟ್​​ಗಳಲ್ಲಿ ಗುರುತು ದೃಢೀಕರಿಸಲು ಸೆಲ್ಫಿಯನ್ನು ಕೇಳುತ್ತದೆ. ಇದೀಗ ಬ್ಯಾಂಕ್​ಗಳು ಮತ್ತು ಫಿನ್​ಟೆಕ್​​​ ಕಂಪನಿಗಳು ಕೂಡ ದೃಢೀಕರಣಕ್ಕಾಗಿ ಸೆಲ್ಫಿಯನ್ನು ಬಯಸುತ್ತವೆ. ಆದರೆ ಇದೇ ತಂತ್ರವನ್ನು ಸೈಬರ್​​ ವಂಚಕರು ಬಳಸುಬಹುದು ಎಂದು ಸೈಬರ್​ ಸೆಕ್ಯುರಿಟಿ ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ .

ಬ್ಯಾಂಕ್​ ವಂಚನೆ: ಸೆಲ್ಫಿ ಫೋಟೋ ಬಳಸಿ ಸೈಬರ್​ ಅಪರಾಧಿಗಳು ಬ್ಯಾಂಕ್​ ಖಾತೆಗೆ ಪ್ರವೇಶಿಸಲು ಮತ್ತು ಹಣವನ್ನು ಎಗರಿಸಲು ಬಳಸಬಹುದು.

ಸಾಲ ವಂಚನೆ: ಸೆಲ್ಫಿ ಬಳಸಿ ನಿಮಗೆ ಗೊತ್ತಿಲ್ಲದೆ ಬ್ಯಾಂಕ್​ ಖಾತೆಯಿಂದ ಸಾಲ ತೆಗೆದುಕೊಳ್ಳಬಹುದು.

ಸಿಮ್​ ಕಾರ್ಡ್​​ ಕ್ಲೋನಿಂಗ್​: ಸೆಲ್ಫಿ ಸಹಾಯದಿಂದ ಸಿಮ್​ ಕಾರ್ಡ್​​ ಕ್ಲೋನ್​​ ಮಾಡಬಹುದು. ಮೊಬೈಲ್​​ ಸಂಖ್ಯೆಗೆ ನೀಡಿದ OTP ಸ್ವೀಕರಿಸಬಹುದು.

ಸೈಬಕ್ ವಂಚಕರ ದಾಳಿಯಿಂದ ತಪ್ಪಿಸಿಕೊಳ್ಳಬೇಕಾದರೆ ಅಪರಿಚಿತ ಲಿಂಕ್​​ಗಳ ಮೇಲೆ ಕ್ಲಿಕ್​ ಮಾಡಬೇಡಿ. ಬ್ಯಾಂಕ್​ ಖಾತೆಗಳಿಗೆ ಬಲವಾದ ಪಾಸ್​​ವರ್ಡ್​​ ನಮೂದಿಸಿ. ಭದ್ರತೆ ಬಲಪಡಿಸಲು ಎರಡು ದೃಢೀಕರಣವನ್ನು ಬಳಸಿ, ಸಾಮಾಜಿಕ ಜಾಲತಾಣ ಬಳಸುವಾಗ ಜಾಗರೂಕರಾಗಿರಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ