ಫ್ಯಾನ್ಸ್​​ಗೆ ಗುಡ್​ನ್ಯೂಸ್​.. ಪುಟ್ಟಕ್ಕನ ಮಕ್ಕಳು ಬೆನ್ನಲ್ಲೇ ಹೆಣ್ಣು ದಿಕ್ಕಿಲ್ಲದಿರೋ ಮನೆಗೆ ಎಂಟ್ರಿ ಕೊಟ್ಟ ಸಂಜನಾ ಬುರ್ಲಿ

ಪುಟ್ಟಕ್ಕನ ಮಗಳು ಸ್ನೇಹಾ ಹೊಸ ಪ್ರಾಜೆಕ್ಟ್ ಮಾಡ್ತಿದ್ದಾರೆ ಅಂತ ಮೊನ್ನೆಯಷ್ಟೇ ಸ್ಟೋರಿ ಬರೆದಿದ್ವಿ. ಸದ್ಯ ಆ ಸುದ್ದಿ ನಿಜ ಆಗಿದೆ. ಸ್ನೇಹನಾ ಮಿಸ್​ ಮಾಡಿಕೊಳ್ಳುತ್ತಿದ್ದ ಅಭಿಮಾನಿಗಳಿಗೆ ಇನ್ಮುಂದೆ ಹಬ್ಬನೋ ಹಬ್ಬ. 

ಇದನ್ನೂ ಓದಿ:ಶಾಲೆಯ ಹೋಮ್ ವರ್ಕ್​ ಒತ್ತಡ.. ಜೀವ ಕಳೆದುಕೊಂಡ SSLC ವಿದ್ಯಾರ್ಥಿನಿ, ಅನುಮಾನ

ಪುಟ್ಟಕ್ಕನ ಮಗಳು ಅಧಿಕೃತವಾಗಿ ಶ್ರೀಗಂಧದ ಗುಡಿಗೆ ಸೊಸೆ ಆಗಿದ್ದಾರೆ. ಕಲರ್ಸ್​ ಕನ್ನಡಕ್ಕೆ ಪಾದಾರ್ಪಣೆ ಮಾಡಿರೋ ಸಂಜನಾ ಬುರ್ಲಿ ಪ್ರೋಮೋ ರಿಲೀಸ್ ಆಗಿದೆ. ಸಂಜನಾ ಬುರ್ಲಿ ಕಲರ್​ ಫುಲ್​ ಎಂಟ್ರಿ ಕೊಡ್ತಿದ್ದಾರೆ ಅಂತ. ಆ ಸುದ್ದಿ ನಿಜ ಆಗಿದೆ. 

ಶಿಶಿರ್​, ಗಗನ್​, ಜಯಂತ್​ ಹಾಗೂ ಭವಿಷ್ಯ ನಾಯಕ ನಟರಾಗಿ ಅಭಿನಯಿಸ್ತಿರೋ ಶ್ರೀಗಂಧದ ಗುಡಿಗೆ ನಾಯಕಿ ಆಗಿದ್ದಾರೆ ನಟಿ ಸಂಜನಾ ಬುರ್ಲಿ. ಪುಟ್ಟಕ್ಕನ ಮಗಳು ಧಾರಾವಾಹಿ ಮೂಲಕ ಜನಪ್ರಿಯತೆ ಪಡೆದ ನಟಿ ಸಂಜನಾ ಬುರ್ಲಿ. ವಿದ್ಯಾಭ್ಯಾಸ ಮುಂದುವರೆಸುವ ಕಾರಣಕ್ಕೆ ಸೀರಿಯಲ್​ನಿಂದ ಹೊರ ಬಂದಿದ್ರು.

ಬರೋಬ್ಬರಿ 10 ತಿಂಗಳ ಗ್ಯಾಪ್​ನ ನಂತರ ಹೊಸ ಧಾರಾವಾಹಿ ಮೂಲಕ ವೀಕ್ಷಕರ ಮುಂದೆ ಬರೋದಕ್ಕೆ ಸಜ್ಜಾಗಿದ್ದಾರೆ. ಅಂದ್ಹಾಗೆ, ಶಿಶಿರ್​ ಸೇರಿದಂತೆ ನಾಲ್ಕು ಜನ ಅಣ್ಣ ತಮ್ಮಂದಿರಲ್ಲಿ ಎರಡನೇ ಸಹೋದರನ ಪಾತ್ರ ಮಾಡ್ತಿರೋ ಭವಿಷ್ಯಗೆ ಜೋಡಿ ಆಗಿದ್ದಾರೆ ನಟಿ. ಹೆಣ್ಣು ದಿಕ್ಕಿಲ್ಲದ ಮನೆ ಹಾಳು ಕೊಂಪೆ ಆಗಿರುತ್ತೆ. ಅದನ್ನು ಸುಂದರ ನಂದಗೋಕಲ ಮಾಡೋ ಜವಬ್ದಾರಿ ಸಂಜನಾ ಪಾತ್ರದ್ದು.

ತಮಿಳು ಭಾಷೆಯ ಅಯ್ಯನರ್​ ತುನೈ ಧಾರಾವಾಹಿಯ ರಿಮೇಕ್​ ಶ್ರೀಗಂಧದ ಗುಡಿ. ಈಗಾಲೇ ತಮಿಳು ಭಾಷೆಯಲ್ಲಿ ಈ ಸ್ಟೋರಿ ಜನಪ್ರಿಯತೆ ಪಡೆದಿದ್ದು, ಅದೇ ಕಥೆಯನ್ನ  ಕನ್ನಡಕ್ಕೆ ತರಲಾಗಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ