ಏಕಾಏಕಿ ಕಳಚಿ ಬಿದ್ದ ಕೇಬಲ್​ ಟ್ರೈಸೆಪ್ಸ್.. ಕನ್ಯಾಕುಮಾರಿ ಖ್ಯಾತಿಯ ಯಶವಂತ್​ ಗೌಡ ತಲೆಗೆ ಗಾಯ

ಕನ್ನಡ ಕಿರುತೆರೆಯ ಮೋಸ್ಟ್​ ಹ್ಯಾಂಡ್ಸಮ್ ನಟರಲ್ಲಿ ಕನ್ಯಾಕುಮಾರಿ ಧಾರಾವಾಹಿಯ ನಾಯಕ ನಟ ಕೂಡ ಒಬ್ಬರು. ಕನ್ಯಾಕುಮಾರಿ ಮೂಲಕ ಫೇಮಸ್​ ಆಗಿದ್ದ ನಟ ಯಶವಂತ್​ ಗೌಡ ಅವರು ಸದ್ಯ ಪರಭಾಷೆಯಲ್ಲಿ ಮಿಂಚುತ್ತಿದ್ದಾರೆ.

ಇದನ್ನೂ ಓದಿ: ಅದ್ಧೂರಿಯಾಗಿ ಮಗಳ ಹುಟ್ಟುಹಬ್ಬ ಆಚರಿಸಿದ ಬಿಗ್​ಬಾಸ್​ ಖ್ಯಾತಿಯ ಧನರಾಜ್ ಆಚಾರ್ ದಂಪತಿ

ಆದ್ರೆ, ಇದರ ಮಧ್ಯೆ ನಟ ಯಶವಂತ್​ ಗೌಡ ಅವರ ತಲೆಗೆ ಪೆಟ್ಟು ಬಿದ್ದಿದೆ. ಹೌದು, ವರಮಹಾಲಕ್ಷ್ಮಿ ಹಬ್ಬದ ದಿನವೇ ನಟ ಯಶವಂತ್​ ಗೌಡ ತಲೆಗೆ ಪೆಟ್ಟು ಬಿದ್ದಿದೆ. ನಟ ಯಶವಂತ್​ ಗೌಡ ಜಿಮ್​ನಲ್ಲಿ ವರ್ಕೌಟ್ ಮಾಡುತ್ತಿದ್ದಾಗ ಏಕಾಏಕಿ ಕೇಬಲ್​ ಟ್ರೈಸೆಪ್ಸ್ ಕಳಚಿ ತಲೆ ಮೇಲೆ ಬಿದ್ದಿದೆ. ಪರಿಣಾಮ ತಲೆಗೆ ನಾಲ್ಕು ಸುತ್ತು ಸ್ಟಿಚ್ ಹಾಕಲಾಗಿದೆ. ಈ ವಿಚಾರವನ್ನು ನಟ ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್​ಯಲ್ಲಿ ವಿಡಿಯೋ ಸಮೇತ ಶೇರ್ ಮಾಡಿಕೊಂಡಿದ್ದಾರೆ. ಜೊತೆಗೆ ಜಿಮ್​ನಲ್ಲಿ ವರ್ಕೌಟ್​ ಮಾಡುವವರಿಗೆ ಸಲಹೆ ನೀಡಿದ್ದಾರೆ.

ಈ ಬಗ್ಗೆ ಇನ್​ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡ ನಟ, ‘‘ದುರದೃಷ್ಟಕರ ಜಿಮ್‌ನಲ್ಲಿ ನನಗೆ ಗಾಯವಾಯಿತು. ನಮ್ಮ ಸುರಕ್ಷತೆಯು ಪ್ರತಿಯೊಬ್ಬರ ಜವಾಬ್ದಾರಿಯಾಗಿದೆ. ದಯವಿಟ್ಟು ಜಿಮ್​ನಲ್ಲಿ ಉಪಕರಣಗಳನ್ನು ಬಳಕೆ ಮಾಡುವಾಗ, ಸ್ಪಾಟರ್‌ಗಳ ಬಗ್ಗೆ ಜಾಗರೂಕರಾಗಿ ಇರಿ. ಇಲ್ಲವಾದರೇ ಅಪಘಾತಗಳು ಸಂಭವಿಸುತ್ತವೆ. ನಾವೆಲ್ಲರೂ ಸೆಟಪ್ ಅನ್ನು ಪರಿಶೀಲಿಸಿ ಜಿಮ್​​ ಮಾಡಬೇಕು’’ ಎಂದಿದ್ದಾರೆ.  

ಇನ್ನೂ, ಈ ವಿಚಾರ ತಿಳಿದ ಕೂಡಲೇ ನ್ಯೂಸ್​ ಫಸ್ಟ್​ ನಟ ಯಶವಂತ್​ ಗೌಡ ಅವರನ್ನು ಸಂಪರ್ಕಿಸಿದ್ದೇವೆ. ಆಗ ಮಾತಾಡಿದ ನಟ, ಈಗ ನಾನು ಆರಾಮವಾಗಿದ್ದೇನೆ. ಮನೆಯಲ್ಲೇ ವಿಶ್ರಾಂತಿ ಪಡೆದುಕೊಳ್ಳುತ್ತಿದ್ದೇನೆ. ವರಮಹಾಲಕ್ಷ್ಮಿ ಹಬ್ಬದ ದಿನವೇ ಈ ಘಟನೆ ನಡೆದಿದೆ ಎಂದು ವಿವರಿಸಿದ್ದಾರೆ. ಕನ್ಯಾಕುಮಾರಿ ಧಾರಾವಾಹಿಯ ಮುಕ್ತಾಯದ ಬಳಿಕ ಕನ್ನಡ ಕಿರುತೆರೆಯಿಂದ ಕೊಂಚ ಬ್ರೇಕ್ ತೆಗೆದುಕೊಂಡ ನಟ ಪರಭಾಷೆಗಳಲ್ಲಿ ಸಕ್ರೀಯಗೊಂಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ