ದಿಢೀರ್​ ನಿವೃತ್ತಿ ಘೋಷಿಸಿದ ಶಿಖರ್​ ಧವನ್​

ದಿಗ್ಗಜರ ಪಾರ್ಟನರ್​​ಶಿಪ್​ ಅಧಿಕೃತವಾಗಿ ಬ್ರೇಕ್​

ಧವನ್​​-ರೋಹಿತ್​ ಅಬ್ಬರಕ್ಕೆ ತಬ್ಬಿಬ್ಬಾಗ್ತಿದ್ರು ಬೌಲರ್ಸ್

ಶಿಖರ್​​​ ಧವನ್​ ಜೊತೆಗೆ ನೆನಪಾಗುವ ಮತ್ತೊಂದು ಹೆಸರು ರೋಹಿತ್​ ಶರ್ಮಾ. ಈ ಹಿಟ್​ಮ್ಯಾನ್​ ರೋಹಿತ್​-ಗಬ್ಬರ್​ ಧವನ್​​ ಸೇರಿಕೊಂಡು ಬೌಲರ್ಸ್​ಗೆ ಕೊಟ್ಟ ಕ್ವಾಟ್ಲೆ ಅಷ್ಟಿಷ್ಟಲ್ಲ. ಇವರಿಬ್ರು ಕ್ರಿಸ್​ ಕಚ್ಚಿ ನಿಂತು ಆರ್ಭಟಿಸಲು ಶುರುವಿಟ್ಟುಕೊಂಡ್ರೆ ಬೌಲರ್ಸ್​ ಕಥೆ ಫಿನಿಷ್​ ಅಂತಲೇ ಅರ್ಥ. ಹಂಗಿತ್ತು ಈ ಭಲೇ ಜೋಡಿಯ ಭಲೇ ಆಟ.

ಸಚಿನ್​ ತೆಂಡುಲ್ಕರ್​-ಸೌರವ್​ ಗಂಗೂಲಿ ಟೀಮ್​ ಇಂಡಿಯಾ ಕಂಡ ಸರ್ವ ಶ್ರೇಷ್ಠ ಓಪನರ್ಸ್​. ಈ ದಿಗ್ಗಜರ ಬಳಿಕ ವೀರೇಂದ್ರ ಸೆಹ್ವಾಗ್​-ಗೌತಮ್​ ಗಂಭೀರ್​ ಆ ಸ್ಥಾನದ ಜವಾಬ್ದಾರಿಯನ್ನ ಸಮರ್ಥವಾಗಿ ನಿರ್ವಹಿಸಿಸಿದ್ರು. ಇವ್ರು ತಂಡದಿಂದ ಸೈಡ್​ ಲೈನ್​ ಆದ ಮೇಲೆ ಟೀಮ್​ ಇಂಡಿಯಾ ಮುಂದಿನ ಓಪನರ್ಸ್​ ಯಾರು ಎಂಬ ದೊಡ್ಡ ಪ್ರಶ್ನೆ ತಲೆದೂರಿತ್ತು. ಆ ಪ್ರಶ್ನೆಗೆ ಉತ್ತರವಾಗಿದ್ದು ಶಿಖರ್​ ಧವನ್ – ರೋಹಿತ್​ ಶರ್ಮಾ.

ಇದನ್ನೂ ಓದಿ:ದುಲೀಪ್ ಟ್ರೋಫಿಯಲ್ಲೂ ಮೋಸ.. ಧವನ್ ದಿಢೀರ್ ನಿವೃತ್ತಿಗೆ ಅಸಲಿ ಕಾರಣ ರಿವೀಲ್..!

ಧವನ್​​-ರೋಹಿತ್​ ಅಬ್ಬರಕ್ಕೆ ತಬ್ಬಿಬ್ಬಾಗ್ತಿದ್ರು ಬೌಲರ್ಸ್​
ಶಿಖರ್​ ಧವನ್-ರೋಹಿತ್​​ ಶರ್ಮಾ ಓಪನರ್​​ಗಳಾಗಿ ಇನ್ನಿಂಗ್ಸ್​ ಆರಂಭಿಸಲು ಶುರುಮಾಡಿದ್ದು 2013ರ ಚಾಂಪಿಯನ್ಸ್​ ಟ್ರೋಫಿಯಲ್ಲಿ. ಕಿಂಚಿತ್ತೂ ಭಯವಿಲ್ಲದೇ ಎದುರಾಳಿಗಳನ್ನ ತಮ್ಮ ಡೇರ್​​​ ಡೆವಿಲ್​​ ಆಟದಿಂದಲೇ ಹಿಮ್ಮೆಟ್ಟಿಸ್ತಿದ್ದ ಇವ್ರಿಬ್ಬರು, ಕೆಲವೇ ವರ್ಷಗಳಲ್ಲಿ ವಿಶ್ವ ಕ್ರಿಕೆಟ್​ನ ಒನ್​ ಆಫ್​ ಬೆಸ್ಟ್​ ಓಪನರ್ಸ್​ ಪಟ್ಟ ಕಬ್ಜ ಮಾಡಿದ್ರು. ಮೂರೂ ಫಾರ್ಮೆಟ್​​ಗಳಲ್ಲಿ ಹಸಿದ ಹುಲಿಯಂತೆ ರನ್​ ಕಲೆಹಾಕಿ ಭಾರತ ತಂಡದ ಅದೆಷ್ಟೋ ಅವಿಸ್ಮರಣೀಯ ಗೆಲುವುಗಳಿಗೆ ಅಡಿಪಾಯ ಹಾಕಿದ್ರು.

ಧವನ್​ – ರೋಹಿತ್​ ಜುಗಲ್​ಬಂದಿ
ಟೀಮ್​ ಇಂಡಿಯಾ ಪರ ಒಟ್ಟಾರೆ 173 ಇನ್ನಿಂಗ್ಸ್​ಗಳಲ್ಲಿ ಓಪನರ್​ಗಳಾಗಿ ಕಣಕ್ಕಿಳಿದ ರೋಹಿತ್​ ಶರ್ಮಾ-ಶಿಖರ್​ ಧವನ್​ 40.84ರ ಸರಾಸರಿಯಲ್ಲಿ 6984 ರನ್​ಗಳಿಸಿದ್ರು. 22 ಶತಕ, 50 ಅರ್ಧಶತಕದ ಜೊತೆಯಾಟದ ಕಾಣಿಕೆ ನೀಡಿದ್ರು.

ಇದನ್ನೂ ಓದಿ:ಕೊಹ್ಲಿ ಜರ್ಸಿ 40 ಲಕ್ಷಕ್ಕೆ ಸೇಲ್.. KL ರಾಹುಲ್​ ಮಾನವೀಯ ಸೇವೆಗೆ ಹರಿದುಬಂದು ಹಣದ ಹೊಳೆ..!

ಬೊಂಬಾಟ್​ ಆಟ.!
ಟೆಸ್ಟ್, ಟಿ20 ಬಿಡಿ.. ಈ ಜೋಡಿ ಅಸಲಿ ಆರ್ಭಟ ನಡೆಸಿರೋದು ಏಕದಿನದಲ್ಲಿ. ಬೌಲರ್​ಗಳನ್ನಂತೂ ಇವ್ರಿಬ್ರು ಸಿಂಹಸ್ವಪ್ನದಂತೆ ಕಾಡಿದ್ರು. ಮೊದಲ ವಿಕೆಟ್​ಗೆ​​ 18 ಶತಕದ ಜೊತೆಯಾಟ ಆಡಿದ ಹೆಗ್ಗಳಿಕೆ ಧವನ್​ – ರೋಹಿತ್​ ಜೋಡಿಗಿದೆ. ಸಚಿನ್​ – ಗಂಗೂಲಿಯನ್ನ ಬಿಟ್ರೆ, ವಿಶ್ವ ಕ್ರಿಕೆಟ್​​ನಲ್ಲಿ ಹೆಚ್ಚು ಸೆಂಚುರಿ ಪಾರ್ಟನರ್​ಶಿಪ್​ ಮಾಡಿರೋದು ಈ ಜೋಡಿಯೇ.

ODIನಲ್ಲಿ ಜುಗಲ್​ಬಂದಿ
ಏಕದಿನದಲ್ಲಿ 115 ಇನ್ನಿಂಗ್ಸ್​ಗಳಲ್ಲಿ ಆರಂಭಿಕರಾಗಿ ಕಣಕ್ಕಿಳಿದಿದ್ದ ಧವನ್-ರೋಹಿತ್​ 45.55ರ ಸರಾಸರಿಯಲ್ಲಿ 5148 ರನ್​​ಗಳಿಸಿದ್ರು. 18 ಬಾರಿ ಶತಕ ಹಾಗೂ 15 ಬಾರಿ ಅರ್ಧಶತಕ ಜೊತೆಯಾಟವಾಡಿದ್ರು.

ಇದನ್ನೂ ಓದಿ:MI​ ಜೊತೆ KKR ಬಿಗ್ ಡೀಲ್.. ಕ್ಯಾಪ್ಟನ್ಸಿಗಾಗಿ ಸ್ಟಾರ್ ಆಟಗಾರನ ಖರೀದಿಸಲು ಮಾತುಕತೆ.. ರೋಹಿತ್ ಅಲ್ಲ!

ಅವಿಸ್ಮರಣೀಯ ಜೊತೆಯಾಟ
2013ರಲ್ಲಿ ಜೈಪುರದಲ್ಲಿ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಟೀಮ್​ ಇಂಡಿಯಾಗೆ 360 ರನ್​ಗಳ ಬಿಗ್​ ಟಾರ್ಗೆಟ್​ ನೀಡಿತ್ತು. ಈ ಗುರಿ ಬೆನ್ನತ್ತಿದ್ದ ಭಾರತಕ್ಕೆ ಧಮ್​ದಾರ್​​ ಓಪನಿಂಗ್​ ನೀಡಿದ್ರು. ಇವರಿಬ್ಬರ ಆರ್ಭಟಕ್ಕೆ ಕಾಂಗರೂಗಳು ಕಂಗಾಲ್​ ಆಗಿದ್ರು. 26.1 ಓವರ್​ ಗಟ್ಟಿಯಾಗಿ ಕ್ರಿಸ್​ ಕಚ್ಚಿ ನಿಂತ ಜೋಡಿ 176 ರನ್​ಗಳ ಜೊತೆಯಾಟವಾಡಿತ್ತು. ಇದೇ ಗೆಲುವಿಗೆ ಬುನಾದಿ ಹಾಕ್ತು.

ರೋಹಿತ್​-ಧವನ್​ ಆಟಕ್ಕೆ ಪಾಕ್ ಪಂಚರ್
2018ರ ಏಷ್ಯಾಕಪ್​ನಲ್ಲಿ ಪಾಕಿಸ್ತಾನದ ಬಲಿಷ್ಟ ಬೌಲಿಂಗ್​ ದಾಳಿಯನ್ನ ಧೂಳಿಪಟ ಮಾಡಿದ್ರು. 238 ರನ್​​ಗಳ ಟಾರ್ಗೆಟ್​​ ಬೆನ್ನತ್ತಿದ ವೇಳೆ ಚಿಂದಿ ಬ್ಯಾಟಿಂಗ್​ ನಡೆಸಿದ್ದ ಈ ಜೋಡಿ 210 ರನ್​ಗಳ ಜೊತೆಯಾಟದ ಕಾಣಿಕೆ ನೀಡಿತ್ತು.

2013ರ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಈ ಇಬ್ಬರೂ ಓಪನರ್​ಗಳಾಗಿ ಕಣಕ್ಕಿಳಿದಿದ್ದ ಮೊದಲ ಪಂದ್ಯದಲ್ಲೇ ಶತಕದ ಜೊತೆಯಾಟವಾಡಿದ್ರು. ಸೌತ್​ ಆಫ್ರಿಕಾ ಎದುರು ಸೆಂಚುರಿ ಪಾರ್ಟನರ್​ಶಿಪ್​ನೊಂದಿಗೆ ಶುಭಾರಂಭ ಮಾಡಿದ್ರು. ಇದೀಗ ಶಿಖರ್​ ಧವನ್​ ನಿವೃತ್ತಿಯೊಂದಿಗೆ ಈ ಜೋಡಿಯ ಪಾರ್ಟನರ್​ಶಿಪ್​ ಅಧಿಕೃತವಾಗಿ ಬ್ರೇಕ್​ ಆಗಿದೆ. ಈ ಜೋಡಿ ತಂಡಕ್ಕೆ ನೀಡಿದ ಕೊಡುಗೆ, ಫ್ಯಾನ್ಸ್​ಗೆ ನೀಡಿದ ಜಬರ್ದಸ್ತ್​ ಎಂಟರ್​​ಟೈನ್​ಮೆಂಟ್​ ಎಂದಿಗೂ ಹಸಿರಾಗಿ ಉಳಿಯಲಿದೆ.

ಇದನ್ನೂ ಓದಿ:ಕೊಹ್ಲಿ ಜರ್ಸಿ 40 ಲಕ್ಷಕ್ಕೆ ಸೇಲ್.. KL ರಾಹುಲ್​ ಮಾನವೀಯ ಸೇವೆಗೆ ಹರಿದುಬಂದು ಹಣದ ಹೊಳೆ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್