ಪೇಜರ್​ ಬಾಂಬ್​ ದಾಳಿಗೆ ಒಂಭತ್ತು ಜನರು ಸಾವು

ಭಾರತಕ್ಕೆ ಎಲೆಕ್ಟ್ರಾನಿಕ್ಸ್​​ ವಸ್ತುಗಳ ಆಮದು ಅಪಾಯವೇ?

ಭಾರತಕ್ಕೆ ಹಲವು ದೇಶಗಳಿಂದ ಬರುತ್ತಿದೆ ಎಲೆಕ್ಟ್ರಾನಿಕ್ಸ್​​ ವಸ್ತುಗಳು!

ಇತ್ತೀಚೆಗೆ ಲೆಬನಾನ್​​ನಲ್ಲಿ ಹಿಜ್ಬುಲ್ಲಾಗಳ ಮೇಲೆ ರಹಸ್ಯ ದಾಳಿ ನಡೆದಿತ್ತು. ಉಗ್ರರು ಸಂವಹನಕ್ಕಾಗಿ ಬಳಸುತ್ತಿದ್ದ ಪೇಜರ್‌ ಸಾಧನವೇ ಸ್ಫೋಟಗೊಂಡು ಸಾವು ನೋವು ಸಂಭವಿಸಿದೆ. ಘಟನೆಯಲ್ಲಿ 9 ಮಂದಿ ಸಾವನ್ನಪ್ಪಿದ್ರೆ, 2 ಸಾವಿರಕ್ಕೂ ಹೆಚ್ಚು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದರು. ಒಟ್ಟಿನಲ್ಲಿ ಪೇಜರ್​ ಬಾಂಬ್​ ಸ್ಫೋಟ ಜಾಗತಿಕ ಕಳವಳವನ್ನು ಹೆಚ್ಚಿಸಿದಲ್ಲದೆ, ಸಾಕಷ್ಟು ಅನುಮಾನಗಳಿಗೂ ಕಾರಣವಾಗಿದೆ. ಆದರೀಗ ಇಂಟರ್​ನೆಟ್​ ಸಂಪರ್ಕವಿರುವ ಮತ್ತು ಸಂವಹನ ಸಾಧನವಾಗಿರುವ ಸ್ಮಾರ್ಟ್​​ಫೋನ್​ಗಳು ಕೂಡ ಹೀಗೆ ಸ್ಫೋಟಗೊಳ್ಳಬಹುದೇ? ಎಂಬ ಅನುಮಾನ ಅನೇಕರಿಗೆ ಮೂಡಿದೆ. ಅದಕ್ಕೆ ಸರಿಯಾದ ಉತ್ತರ ಇಲ್ಲಿದೆ.

ಸ್ಮಾರ್ಟ್​ಫೋನ್​​ ಬ್ಲಾಸ್ಟ್​​ ಆಗಬಹುದೇ ಎಂಬ ಅನುಮಾನದ ಕುರಿತಾಗಿ ಭದ್ರತಾ ತಜ್ಞರಾದ ಮೌಕೇಶ್​​ ಸೈನಿ ಮಾತನಾಡಿದ್ದಾರೆ. ಇತ್ತೀಚೆಗೆ ಎಲೆಕ್ಟ್ರಾನಿಕ್​​ ಸಾಧನಗಳಲ್ಲಿ ಲಿಥಿಯಂ ಬ್ಯಾಟರಿ ಅಳವಡಿಸಲಾಗುತ್ತಿದೆ. ಇದು ಅಪಾಯಕಾರಿಯೂ ಹೌದು. ಶಾರ್ಟ್​ ಸರ್ಕ್ಯೂಟ್​​ ವೇಳೆ ಬೆಂಕಿ ಹೊತ್ತಿಕೊಳ್ಳುತ್ತದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಹಿಜಬುಲ್​ನ ಟಾಪ್ ಕಮಾಂಡರ್​ನ ಕಥೆ ಮುಗಿಸಿದ ಇಸ್ರೇಲ್ ! ಯಾರು ಈ ಇಬ್ರಾಹಿಮ್ ಅಕಿಲ್​..?

ಎಲ್ಲಾ ಲಿಥಿಯಂ ಬ್ಯಾಟರಿಗಳು ನಿರ್ವಹಣಾ ವ್ಯವಸ್ಥೆಯ (BMS) ಮೂಲಕ ನಿಯಂತ್ರಿಸಲ್ಪಡುವ ವಿಭಜಕವನ್ನು ಹೊಂದಿದೆ. ಯಾರಾದರೂ ಬ್ಯಾಟರಿ ಮ್ಯಾನೇಜಿಂಗ್​​ ಸಿಸ್ಟಂ ಅನ್ನು ಹ್ಯಾಕ್​ ಮಾಡಿದರೆ ಶಾರ್ಟ್​​ ಸರ್ಕ್ಯೂಟ್​​ ಮಾಡಬಹುದು. ಬ್ಯಾಟರಿ ಮತ್ತು ಬ್ಯಾಟರಿ ಮ್ಯಾನೇಜಿಂಗ್​ ಸಿಸ್ಟಂ ಲಿಥಿಯಂ ಮತ್ತು ಐಯಾನ್​ನಲ್ಲಿ ಸ್ಫೋಟ ಮತ್ತು ಬೆಂಕಿ ತಡೆಗಟ್ಟುವಲ್ಲಿ ಕೆಲಸ ಮಾಡುತ್ತದೆ.

ಇದನ್ನೂ ಓದಿ: ಪೇಜರ್​ ಎಂದರೇನು? ​ಹಿಜ್ಬುಲ್ಲಾಗಳು 1980ರ ಹಳೆಯ ಸಾಧನವನ್ನು ಈಗಲೂ ಬಳಸುತ್ತಿರೋದೇಕೆ?

ಮತ್ತೋರ್ವ ಸೈಬರ್​ ಸೆಕ್ಯುರಿಟಿ ತಜ್ಞ, ಪವನ್​​ ದುಗ್ಗಲ್ ಕೂಡ ಈ ಬಗ್ಗೆ ಮಾತನಾಡಿದ್ದು,​ ಪೇಜರ್​​ಗಳು ಸ್ಫೋಟಗೊಳ್ಳುವಂತಹ ಹ್ಯಾಕಿಂಗ್​ ಸಿದ್ಧಾಂತವನ್ನು ಹೊಂದಿರಲು ಸಾಧ್ಯವಿದೆ ಎಂದು ಹೇಳಿದ್ದಾರೆ. ಏಕೆಂದರೆ ಏಕಕಾಲದಲ್ಲಿ ಸ್ಫೋಟಗೊಳ್ಳಲು ಕೇಂದ್ರೀಕೃತ ನೆಟ್​ವರ್ಕ್​ ಅಗತ್ಯವಿದೆ ಎಂದು ಹೇಳಿದ್ದಾರೆ.

ಮೇಜರ್​ ಸಂಜಯ್​ ಸೂರಿ ಕೂಡ ಈ ಬಗ್ಗೆ ಮಾತನಾಡಿದ್ದು, ಭಾರತವು ಚೀನಾ ಸೇರಿದಂತೆ ಹಲವು ದೇಶಗಳಿಂದ ಎಲೆಕ್ಟ್ರಾನಿಕ್ಸ್​​ ವಸ್ತುಗಳನ್ನು ಆಮದು ಮಾಡಿಕೊಳ್ಳುತ್ತಿದೆ. ಇದು ಅಪಾಯಕಾರಿಯಾಗಿದ್ದು, ಇಂತಹ ರೀತಿಯ ದಾಳಿಗೆ ಒಳಗಾಗಬೇಕಾಗುತ್ತದೆ ಎಂದಿದ್ದಾರೆ. ಎಲ್ಲಾ ಎಲೆಕ್ಟ್ರಾನಿಕ್ಸ್​ ವಸ್ತುಗಳ ಮೇಲಿನ ಭದ್ರತಾ ತಪಾಸಣೆಯನ್ನು ಬಿಗಿಗೊಳಿಸುವುದು ಹೆಚ್ಚು ಸೂಕ್ತವಾಗಿದೆ. ​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ