2026 IPL ಮ್ಯಾಚ್ ನೋಡುವವರಿಗೆ ಬಿಗ್ ಶಾಕ್.. ಟಿಕೆಟ್​ಗಳ ಮೇಲೆ ಭಾರೀ ಜಿಎಸ್​ಟಿ!

2026ರ ಇಂಡಿಯನ್ ಪ್ರೀಮಿಯರ್ ಲೀಗ್​ (ಐಪಿಎಲ್)ಗೂ ಮೊದಲೇ ಅಭಿಮಾನಿಗಳಿಗೆ ಕೇಂದ್ರ ಸರ್ಕಾರ ಬಿಗ್ ಶಾಕ್ ಕೊಟ್ಟಿದೆ. ಮೈದಾನಕ್ಕೆ ಹೋಗಿ ಲೈವ್​ನಲ್ಲಿ ಕ್ರಿಕೆಟ್​ ನೋಡಬೇಕು ಎನ್ನುವ ಫ್ಯಾನ್ಸ್​ ಜೇಬಿಗೆ ದೊಡ್ಡ ಮಟ್ಟದಲ್ಲೇ ಕತ್ತರಿ ಹಾಕಲಾಗಿದೆ. ಐಪಿಎಲ್ ಟಿಕೆಟ್​ಗಳಿಗೆ ಜಿಎಸ್​ಟಿ ಹಾಕಲಾಗಿದ್ದು ಇದರಿಂದ ಅಭಿಮಾನಿಗಳು ದೊಡ್ಡ ಮೊತ್ತವನ್ನೇ ಪಾವತಿಸಿ ಇನ್ಮುಂದೆ ಕ್ರಿಕೆಟ್​ ನೋಡಬೇಕಿದೆ. 

ಐಪಿಎಲ್ ಟಿಕೆಟ್​ಗಳಿಗೆ ಈವರೆಗೆ ಶೇಕಡಾ 28 ಜಿಎಸ್​​ಟಿ ಮಾತ್ರ ವಿಧಿಸಲಾಗುತ್ತಿತ್ತು. ಆದರೆ ಈಗ ಶೇಕಡಾ 40 ರಷ್ಟು ಜಿಎಸ್​ಟಿ ಹಾಕಲಾಗುತ್ತದೆ. ಈ ನಿಯಮವು ಇದೇ ಸೆಪ್ಟೆಂಬರ್​ 22 ರಿಂದಲೇ ಜಾರಿಯಲ್ಲಿರುತ್ತದೆ. ಈ ಮೊದಲು 1000 ರೂಪಾಯಿ ಐಪಿಎಲ್ ಟಿಕೆಟ್ ಇದ್ರೆ ಇದಕ್ಕೆ ಶೇ.28 ರಷ್ಟು ಜಿಎಸ್​ಟಿ ಸೇರಿಸಿ 1280 ರೂಪಾಯಿ ಪಾವತಿ ಮಾಡಬೇಕಿತ್ತು. ಅದರಂತೆ ಈಗ ಶೇ.40 ರಷ್ಟು ಜಿಎಸ್​ಟಿ ಹಾಕಿದ್ದರಿಂದ 120 ರೂಪಾಯಿ ಅಧಿಕವಾಗಿದ್ದು 1400 ರೂಪಾಯಿ ಕೊಡಬೇಕು. ಅಂದರೆ ಪ್ರತಿ 1000 ರೂಪಾಯಿಗೆ ಶೇಕಡ 12 ರಷ್ಟು ದರ ಹೆಚ್ಚಳವಾಗಿದೆ ಎಂದು ಹೇಳಲಾಗಿದೆ.  

ಜಿಎಸ್​ಟಿ ವಿವಿಧ ಟಿಕೆಟ್​ಗಳ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ? 

• 500 ರೂಪಾಯಿ ಟಿಕೆಟ್​ ಈಗ 700 ರೂಪಾಯಿ (ಈ ಮೊದಲು 640 ರೂ.)- 60 ರೂ ಹೆಚ್ಚಳ
• 1000 ರೂಪಾಯಿ ಟಿಕೆಟ್​ ಈಗ 1400 ರೂಪಾಯಿ (ಈ ಮೊದಲು 1,280 ರೂ.)- 120 ರೂ ಹೆಚ್ಚಳ 
• 2000 ರೂಪಾಯಿ ಟಿಕೆಟ್​ ಈಗ 2,800 ರೂಪಾಯಿ (ಈ ಮೊದಲು 2,560 ರೂ.)- 240 ರೂಪಾಯಿ ಹೆಚ್ಚಳ 

ಇದನ್ನೂ ಓದಿ:ಕಾಂತಾರ ಪ್ರೀಕ್ವೆಲ್​ ರಿಲೀಸ್​ಗೆ ಕೇವಲ 27 ದಿನಗಳು ಬಾಕಿ.. ಹೊಂಬಾಳೆ ಹೊಸ ಅಪ್​ಡೇಟ್​?

ಟೀಮ್ ಇಂಡಿಯಾದ ಅಂತರಾಷ್ಟ್ರೀಯ ಪಂದ್ಯಗಳ ಟಿಕೆಟ್​ಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಈ ಶುಲ್ಕವು ಕೇವಲ ಐಪಿಎಲ್​ಗೆ ಮಾತ್ರ ಅನ್ವಯ ಆಗಲಿದೆ. ಭಾರತದ ಅಂತರಾಷ್ಟ್ರೀಯ ಪಂದ್ಯಗಳ ಟಿಕೆಟ್​ಗಳಿಗೆ ಈ ಮೊದಲಿನಂತೆ ಶೇಕಡ 18 ರಷ್ಟು ಜಿಎಸ್​ಟಿ ಇರುತ್ತದೆ. ಏರಿಕೆ ಮಾಡಿಲ್ಲ. 500 ರೂಪಾಯಿಗಿಂತ ಕಡಿಮೆ ಇರುವ ಡಿಕೆಟ್​ಗೆ ಮಾನ್ಯತೆ ಮುಂದುವರೆಯುತ್ತದೆ ಎಂದು ತಿಳಿಸಲಾಗಿದೆ. 

ಐಪಿಎಲ್ ಟಿಕೆಟ್​ ದರ ನಿಗದಿ ಪಡಿಸುವುದು ಬಿಸಿಸಿಐಗೆ ಬರುವುದಿಲ್ಲ, ಫ್ರಾಂಚೈಸಿಗಳು ಆಗಿರುತ್ತವೆ. ಹೀಗಾಗಿ 2026ರ ಐಪಿಎಲ್​ನಲ್ಲಿ ಎಲ್ಲ ಫ್ರಾಂಚೈಸಿಗಳು ಟಿಕೆಟ್ ದರ ಅಧಿಕ ಮಾಡುವ ಸಾಧ್ಯತೆ ಇದೆ. 2024ರಲ್ಲಿ ಆರ್​ಸಿಬಿ ಟಿಕೆಟ್​ 55,000 ರೂಪಾಯಿ ಇದ್ದಿದ್ದು ಈ ಬಾರಿ 60,000 ರೂಪಾಯಿಗೆ ಏರಿಕೆ ಆಗಬಹುದು ಎನ್ನಲಾಗಿದೆ.  

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ