ಸಾರಾ, ತಮ್ಮನಾದ ಅರ್ಜುನ್ ತೆಂಡುಲ್ಕರ್​ ಮೊದಲೇ ಮದುವೆ ಆಗ್ತಿರೋದು ಯಾಕೆ..?

ಡಿವೋರ್ಸ್​​, ಬ್ರೇಕ್​ ಅಪ್​​ ಸುದ್ದಿಗಳಿಂದಲೇ ಸದ್ದು ಮಾಡಿದ್ದ ಕ್ರಿಕೆಟ್​​ ಲೋಕದಲ್ಲೀಗ ಖುಷಿ ಸುದ್ದಿಯೊಂದು ಹೊರಬಿದ್ದಿದೆ. ಕ್ರಿಕೆಟ್​​ ದೇವರು ಮಾಸ್ಟರ್​ ಬ್ಲಾಸ್ಟರ್​​ ಸಚಿನ್​ ತೆಂಡುಲ್ಕರ್​​ ಕುಟುಂಬದಲ್ಲಿ ಫುಲ್​​ ಸಂಭ್ರಮ ಮನೆ ಮಾಡಿದೆ. ಸದ್ದಿಲ್ಲದೇ ಸಮಾರಂಭವೊಂದು ನಡೆದಿದ್ದು, ಬ್ಯಾಚುಲರ್​ ಲೈಫ್​ಗೆ ಟಾಟಾ ಮಾಡೋಕೆ ಸಚಿನ್​ ಪುತ್ರ ಅರ್ಜುನ್​ ತೆಂಡುಲ್ಕರ್​ ರೆಡಿಯಾಗಿದ್ದಾರೆ. 

ಸಾನಿಯಾ ಚಂದೋಕ್​​ ಜೊತೆ ಅರ್ಜುನ್​ ಎಂಗೇಜ್​.!

ಸಚಿನ್​ ತೆಂಡುಲ್ಕರ್​ ಪುತ್ರ ಅರ್ಜುನ್​ ತೆಂಡುಲ್ಕರ್​ ಸದ್ದಿಲ್ಲದೇ ಜೀವನದ ಹೊಸ ಇನ್ನಿಂಗ್ಸ್​ ಶುರು ಮಾಡೋಕೆ ರೆಡಿಯಾಗಿದ್ದಾರೆ. ಬಹುಕಾಲದ ಗೆಳತಿಯೊಂದಿಗೆ ಅರ್ಜುನ್​ ತೆಂಡುಲ್ಕರ್​​ ಎಂಗೇಜ್​ಮೆಂಟ್​ ಮಾಡಿಕೊಂಡಿದ್ದಾರೆ. ಮುಂಬೈನಲ್ಲಿ ನಡೆದ ಸಮಾರಂಭದಲ್ಲಿ ಸಾನಿಯಾ ಚಂದೋಕ್​​ ಹಾಗೂ ಅರ್ಜುನ್​ ತೆಂಡುಲ್ಕರ್​​​ ರಿಂಗ್​ ಬದಲಾಯಿಸಿಕೊಂಡಿದ್ದಾರೆ. ಸಾನಿಯಾ, ಅರ್ಜುನ್​ ಕುಟುಂಬಸ್ಥರು ಮತ್ತು ಆಪ್ತರು ಮಾತ್ರ ಈ ಸಮಾರಂಭದಲ್ಲಿ ಭಾಗಿಯಾಗಿದ್ರು ಎನ್ನಲಾಗಿದೆ. 

ಬಾಲ್ಯದ ಗೆಳತಿ, ಇನ್ಮುಂದೆ ಬಾಳ ಸಂಗಾತಿ.!

ಸಾನಿಯಾ ಚಂದೋಕ್​​ ಅರ್ಜುನ್​ ತೆಂಡುಲ್ಕರ್ ಬಾಲ್ಯದ ಗೆಳೆಯರು. ಬಾಲ್ಯದಿಂದ ಉತ್ತಮ ಸ್ನೇಹಿತರಾಗಿದ್ದ ಇವರಿಬ್ಬರು ಕೆಲ ವರ್ಷಗಳಿಂದ ಪ್ರೇಮಿಗಳಾಗಿದ್ದರು. ಕೆಲ ವರ್ಷಗಳಿಂದ ಪ್ರೀತಿಸ್ತಾ ಇದ್ರು ಅನ್ನೋದು ಆಪ್ತ ಮೂಲಗಳ ಮಾಹಿತಿಯಾಗಿದೆ. 

ಸಾನಿಯಾ ಚಂದೋಕ್​ ಯಾರು.? ಹಿನ್ನೆಲೆ ಏನು.?

ಸಚಿನ್​ ತೆಂಡುಲ್ಕರ್​ ಕ್ರಿಕೆಟ್​​ ಲೋಕಕ್ಕೆ ಗುಡ್​ ಬೈ ಹೇಳಿದ ದಶಕವೇ ಉರುಳಿದೆ. ಆದ್ರೆ, ಈಗಲೂ ಕೂಡ ಸಚಿನ್​ ತೆಂಡುಲ್ಕರ್​​ ಶ್ರೀಮಂತ ಕ್ರಿಕೆಟಿಗರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಸಚಿನ್ ಸಂಬಂಧ ಬೆಳೆಸಿರುವ ಕುಟುಂಬ ಕೂಡ ದೇಶದ ಶ್ರೀಮಂತ ಕುಟುಂಬವೇ. ಸಾನಿಯಾ ಚಂದೋಕ್​ ಖ್ಯಾತ ಬ್ಯುಸಿನಸ್​ಮನ್​ ರವಿ ಘಾಯ್​ರ ಮೊಮ್ಮಗಳು. hospitality ಇಂಡಸ್ಟ್ರಿಯಲ್ಲಿ​ ರವಿ ಘಾಯ್​ ದೊಡ್ಡ ಬ್ಯುಸಿನೆಸ್​ಮನ್​ ಆಗಿ ಗುರುತಿಸಿಕೊಂಡಿದ್ದಾರೆ. 

ಗ್ರಾವಿಸ್​​ ಗ್ರೂಪ್​ಗೆ ರವಿ ಘಾಯ್ ಚೇರ್​​ಮನ್​ ಆಗಿದ್ದು, ಈ ಕಂಪನಿಯ 23-24ರ ರೆವಿನ್ಯೂನೇ ಬರೋಬ್ಬರಿ 624 ಕೋಟಿ ಎಂದು ವರದಿಯಾಗಿದೆ. ಹೋಟೆಲ್​, ಐಸ್​​ಕ್ರೀಮ್​ ಸೇರಿದಂತೆ ಹಲವು ಉದ್ದಿಮೆಗಳಲ್ಲಿ ಸಾನಿಯಾ ಕುಟುಂಬದವರು ಹೂಡಿಕೆ ಮಾಡಿದ್ದಾರೆ. ಇನ್ನು ಸಾನಿಯಾ ಚಂದೋಕ್​ ಕೂಡ ಬ್ಯುಸಿನೆಸ್​ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿದ್ದಾರೆ. ಮಿಸ್ಟರ್​​ ಪಾವ್ಸ್​​​ ಪೆಟ್​ ಸ್ಪಾ & ಸ್ಟೋರ್​​ (Mr. Paws Pet Spa & Store) ನಡೆಸ್ತಿದ್ದು, ಇದಕ್ಕೆ ಸಾನಿಯಾನೇ ಡೈರೆಕ್ಟರ್​​ ಆಗಿದ್ದಾರೆ. 

ಸಾರಾಗಿಂತ ಮೊದಲು ತಮ್ಮನ ವಿವಾಹ ಯಾಕೆ.?

ಅರ್ಜುನ್​ ತೆಂಡುಲ್ಕರ್ ಎಂಗೇಜ್​ಮೆಂಟ್​ ಮಾಡಿಕೊಳ್ತಿದ್ದಂತೆ ಎಲ್ಲರನ್ನ ಕಾಡ್ತಿರೋ ಪ್ರಶ್ನೆಯಿದು. ಶುಭ್​ಮನ್​ ಗಿಲ್, ಸಿದ್ಧಾರ್ಥ್​ ಚತುರ್ವೇದಿ ಸೇರಿದಂತೆ ಹಲವರ ಜೊತೆಗೆ ಸಾರಾ ಹೆಸರು ಆಗಾಗ ಕೇಳಿ ಬರ್ತಾ ಇರುತ್ತೆ. ಹೀಗಿದ್ರೂ ಸಾರಾಗೂ ಮುನ್ನ 25 ವರ್ಷದ ಅರ್ಜುನ್​ ವಿವಾಹ ಮಾಡಲು ಸಚಿನ್​ ಮುಂದಾಗಿದ್ದಾರೆ. ಯಾಕಂದ್ರೆ ಸಾರಾ ತೆಂಡುಲ್ಕರ್​ಗೆ ಈಗಲೇ ವಿವಾಹ ಇಷ್ಟವಿಲ್ಲವಂತೆ. 

ಇದನ್ನೂ ಓದಿ:Asia Cup T20; ಕ್ಯಾಪ್ಟನ್ ಸೂರ್ಯಕುಮಾರ್ ಕೈಯಲ್ಲಿ ಬಲಿಷ್ಠ ತಂಡದ ಆಯ್ಕೆ..!

ಮಾಡೆಲಿಂಗ್​ ಕ್ಷೇತ್ರದಲ್ಲಿ ಮುಂದುವರೆಯಬೇಕು ಅನ್ನೋದು ಸಚಿನ್​ ಪುತ್ರಿ ಸಾರಾ ತೆಂಡುಲ್ಕರ್​​ ಆಸೆಯಂತೆ. ಇತ್ತೀಚೆಗಷ್ಟೇ ಆಸ್ಟ್ರೇಲಿಯನ್​ ಟೂರಿಸಮ್​ನ​ ಅಂಬಾಸಿಡರ್ ಆಗಿ ಸಾರಾ ಆಯ್ಕೆಯಾಗಿದ್ದಾರೆ. ಇದ್ರ ಜೊತೆಗೆ ಸಚಿನ್​ ತೆಂಡುಲ್ಕರ್​ ಫೌಂಡೇಶನ್​ನ ಡೈರೆಕ್ಟರ್​​ ಆಗಿರೋ ಸಾರಾಗೆ ಸಾಮಾಜಿಕ ಕೆಲಸ ಮಾಡಬೇಕು ಅನ್ನೋ ಕಾಳಜಿಯನ್ನ ಹೊಂದಿದ್ದಾರೆ. ಈ ಎಲ್ಲಾ ಕಾರಣದಿಂದ ಈಗಲೇ ವಿವಾಹ ಬೇಡ ಎಂಬ ನಿರ್ಧಾರಕ್ಕೆ ಸಾರಾ ಬಂದಿದ್ದು, ಸಚಿನ್​ ಕೂಡ ಮಗಳ ಇಷ್ಟ ನನ್ನಿಷ್ಟ ಎಂದಿದ್ದಾರಂತೆ. 

ಸದ್ಯ ಸದ್ದಿಲ್ಲದೇ ನಿಶ್ಚಿತಾರ್ಥ ಮುಗಿಸಿರುವ ಸಚಿನ್​ಗೆ ಮಗನ ವಿವಾಹವನ್ನ ಅದ್ಧೂರಿಯಾಗಿ ಮಾಡೋ ಕನಸಿದೆ. ಎಲ್ಲಾ ಅಂದುಕೊಂಡಂತೆ ಆದ್ರೆ, ಮುಂದಿನ ವರ್ಷದಲ್ಲಿ ತೆಂಡುಲ್ಕರ್​​ ಪುತ್ರನ ಅದ್ಧೂರಿ ವಿವಾಹ ನಡೆಯಲಿದೆ ಅನ್ನೋದು ಕುಟುಂಬದ ಮೂಲಗಳ ಮಾಹಿತಿಯಾಗಿದೆ. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ