KL ರಾಹುಲ್​ಗೆ ಪ್ರಶಂಸೆಯ ಸುರಿಮಳೆ.. ಕನ್ನಡಿಗನ ತಾಳ್ಮೆ, ಶಾಂತತೆ, ಬಲಿಷ್ಠ ಬ್ಯಾಟಿಂಗ್ ಮೆಚ್ಚಲೇಬೇಕು!

ಕೊನೆ ಪಂದ್ಯವನ್ನು ಕೇವಲ 6 ರನ್​ಗಳಿಂದ ಗೆಲ್ಲುವ ಮೂಲಕ ಗಿಲ್ ನೇತೃತ್ವದ​ ಟೀಮ್ ಇಂಡಿಯಾ 5 ಪಂದ್ಯಗಳ ಟೆಸ್ಟ್​ ಸರಣಿಯನ್ನು ಡ್ರಾ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಒಂದು ತಿಂಗಳ ನಡೆದ ಈ ಸರಣಿಯಲ್ಲಿ ವಿರಾಟ್​ ಕೊಹ್ಲಿ, ರೋಹಿತ್ ಶರ್ಮಾರಂತ ಆಟಗಾರರ ಅನುಪಸ್ಥಿತಿ ಇತ್ತು. ಆದರೆ ಇದನ್ನು ಕೆ.ಎಲ್ ರಾಹುಲ್​ ಶಾಂತವಾಗಿ ನಿಭಾಯಿಸಿದರು ಎಂದು ಭಾರತದ ಮಾಜಿ ಬೌಲರ್​ ಆಶಿಶ್ ನೆಹ್ರಾ ಅವರು ಹೇಳಿದ್ದಾರೆ.   

ಕನ್ನಡಿಗ ಕೆ.ಎಲ್ ರಾಹುಲ್ ಅವರ ಬಗ್ಗೆ ಟೀಮ್ ಇಂಡಿಯಾದ ಮಾಜಿ ಬೌಲರ್​ ಆಶಿಶ್ ನೆಹ್ರಾ ಅವರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಆ್ಯಂಡರ್​ಸನ್-ತೆಂಡುಲ್ಕರ್​ ಟ್ರೋಫಿಯಲ್ಲಿ ಕೆ.ಎಲ್ ರಾಹುಲ್ ಅವರ ಪ್ರಭಾವಶಾಲಿ ಪ್ರದರ್ಶನ ಮೆಚ್ಚಲೇಬೇಕು. ಏಕೆಂದರೆ ರೋಹಿತ್ ಶರ್ಮಾ ಹಾಗೂ ವಿರಾಟ್​ ಕೊಹ್ಲಿ ಅವರು ನಿವೃತ್ತಿ ಹೊಂದಿದ ಬಳಿಕ ಅವರ ಸ್ಥಾನವನ್ನು ಕೆ.ಎಲ್ ರಾಹುಲ್ ಅವರು ತುಂಬಿದ್ದಾರೆ ಎನ್ನಬಹುದು ಎಂದಿದ್ದಾರೆ.

ಏಕೆಂದರೆ ಪ್ರಭಾವಶಾಲಿ ಬ್ಯಾಟಿಂಗ್, ಶಾಂತತೆ, ಕಿರಿಯ ಆಟಗಾರರ ಜೊತೆ ಅವರು ಹೊಂದಿಕೊಂಡಿರುವುದು ಎಲ್ಲವು ಕೆ.ಎಲ್ ರಾಹುಲ್​​ರನ್ನ ಪಾಯಿಂಟ್​ಔಟ್ ಮಾಡುತ್ತವೆ. ತಂಡದಲ್ಲಿ ಹಿರಿಯ ಆಟಗಾರರು ಇಲ್ಲದ್ದನ್ನ ಅತ್ಯಂತ ಅನುಭವಿಯಾಗಿ ಟೆಸ್ಟ್​ನಲ್ಲಿ ಕಾಣಿಸಿಕೊಂಡರು. ಅಲ್ಲದೇ ಸರಣಿಯಲ್ಲಿ ಭಾರತ ತಂಡ ಸಮಬಲ ಸಾಧಿಸಲು ಕೆ.ಎಲ್ ರಾಹುಲ್​ ಕೀ ರೋಲ್ ಪ್ಲೇ ಮಾಡಿದರು ಎಂದು ಆಶಿಶ್ ನೆಹ್ರಾ, ಕನ್ನಡಿಗನನ್ನ ಹಾಡಿ ಹೊಗಳಿದ್ದಾರೆ. 

ಇದನ್ನೂ ಓದಿ: ಮೊಹಮ್ಮದ್ ಸಿರಾಜ್​ಗೆ ಸ್ಪೆಷಲ್ ಮೆಸೇಜ್ ಕಳುಹಿಸಿದ ಕಿಂಗ್ ಕೊಹ್ಲಿ.. ಭಾರತದ ಗೆಲುವಿಗೆ

ಈ ಸರಣಿಯಲ್ಲಿ ಒಟ್ಟು 10 ಇನ್ನಿಂಗ್ಸ್​ಗಳನ್ನು ಆಡಿದ ಕನ್ನಡಿಗ ರಾಹುಲ್ ಸರಾಸರಿ 53.2 ರಿಂದ 532 ರನ್​ಗಳನ್ನು ಗಳಿಸಿದ್ದಾರೆ. ಇದರಲ್ಲಿ 2 ಸೆಂಚುರಿ, 2 ಅರ್ಧಶತಕ ಇವೆ. ಇದು ಅಲ್ಲದೇ ನಾಯಕ ಗಿಲ್​ ನಂತರದ ಅತ್ಯಧಿಕ ರನ್ ಬಾರಿಸಿದರು. ಪಂದ್ಯಗಳಲ್ಲಿ ಆ ಸಮಯಕ್ಕೆ ತಕ್ಕಂತೆ ತಮ್ಮ ಬ್ಯಾಟಿಂಗ್ ಪ್ರದರ್ಶನ ಮಾಡಿರುವುದು ಮುಖ್ಯವಾಗಿದೆ. ಇದು ಹಿರಿಯ ಆಟಗಾರರು ಇಲ್ಲದ್ದನ್ನ ತುಂಬಿದಂತೆ ಆಗಿದೆ ಎಂದು ಹೇಳಿದ್ದಾರೆ. 

ಟೆಸ್ಟ್​ನಲ್ಲಿ ತಮ್ಮ ತಾಳ್ಮೆ, ಜವಾಬ್ದಾರಿ, ಬದ್ಧತೆಯನ್ನು ಅದ್ಭುತವಾಗಿ ನಿಭಾಯಿಸಿದ್ದಾರೆ. ಕೊಹ್ಲಿ, ರೋಹಿತ್​​ರಂತೆ ಅನುಭವಿಯಾಗಿರುವ ರಾಹುಲ್​, ಯುವ ಆಟಗಾರರೊಂದಿಗೆ ತನ್ನ ಅನುಭವ ಹಂಚಿಕೊಂಡಿದ್ದಾರೆ. ಇಂಗ್ಲೆಂಡ್ ಟೂರ್​ ಅಷ್ಟು ಸುಲಭವಾಗಿರಲ್ಲ. ಆದರೆ ರಾಹುಲ್ ಸೇರಿ ಎಲ್ಲರು ಅತ್ಯುತ್ತಮ ಪ್ರದರ್ಶನ ನೀಡಿದರು ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ