ಕ್ರಿಕೆಟ್​ ಫ್ಯಾನ್ಸ್​ಗೆ ಶಾಕಿಂಗ್ ನ್ಯೂಸ್​.. ಕಿಂಗ್ ಕೊಹ್ಲಿ, ರೋಹಿತ್​ ಶರ್ಮಾಗೆ ಮುಹೂರ್ತ ಇಟ್ರಾ?

ರೋಹಿತ್ ಶರ್ಮಾ ಆ್ಯಂಡ್ ವಿರಾಟ್ ಕೊಹ್ಲಿ ಟೀಮ್ ಇಂಡಿಯಾದ ಜೋಡೆತ್ತು. ಜೊತೆಯಾಗಿ ಕ್ರಿಕೆಟ್ ಕರಿಯರ್ ಆರಂಭಿಸದಿದ್ರೂ, ಟಿ20, ಟೆಸ್ಟ್​ ಕ್ರಿಕೆಟ್​​​ ಕರಿಯರ್​​ಗೆ ಅಂತ್ಯವಾಡಿದ್ದು ಜೊತೆಯಾಗಿಯೇ. ಇದೀಗ ಏಕದಿನಕ್ಕೂ ಜೊತೆಯಾಗೇ ಗುಡ್​ ಬೈ ಹೇಳ್ತಾರೆ ಎಂಬ ಅನುಮಾನ ಹುಟ್ಟಿದೆ. ಯಾಕಂದ್ರೆ, ಬಿಸಿಸಿಐ ಟೈಮ್ ಬಾಂಬ್​ ಫಿಕ್ಸ್ ಮಾಡಿದೆ. 

ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ಟೀಮ್ ಇಂಡಿಯಾದ ಮೋಸ್ಟ್​ ಸಕ್ಸಸ್​ಫುಲ್ ಬ್ಯಾಟ್ಸ್​ಮನ್ಸ್​ ಮಾತ್ರವಲ್ಲ. ಸಕ್ಸಸ್​ಫುಲ್ ನಾಯಕರು. ರೋಹಿತ್ ಶರ್ಮಾ ವಿಶ್ವ ಕ್ರಿಕೆಟ್​ನ ಹಿಟ್​ಮ್ಯಾನ್ ಆಗಿ ಗುರುತಿಸಿಕೊಂಡ್ರೆ. ವಿರಾಟ್​, ವಿಶ್ವ ಕ್ರಿಕೆಟ್​​ನ ಕಿಂಗ್​ ಆಗಿ ಮಿಂಚಿದ್ದಾರೆ. ಲೆಕ್ಕವಿಲ್ಲದಷ್ಟು ಮ್ಯಾಚ್​ಗಳನ್ನ ಗೆಲ್ಲಿಸಿಕೊಟ್ಟಿದ್ದಾರೆ. ಇದೀಗ ಇವರ ಕ್ರಿಕೆಟ್ ಕರಿಯರ್ ಅಂತ್ಯಕ್ಕೆ ಬಂದು ನಿಂತಿದೆ.

ರೋಹಿತ್​-ಕೊಹ್ಲಿ ಯುಗಾಂತ್ಯಕ್ಕೆ ಟೈಮ್​ಬಾಂಬ್ ಫಿಕ್ಸ್​..!

ದಿನದಿಂದ ದಿನಕ್ಕೆ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಭವಿಷ್ಯದ ಚರ್ಚೆಗಳೂ ಜೋರಾಗ್ತಿದೆ. ರೋಹಿತ್, ವಿರಾಟ್​, 2027 ಏಕದಿನ ವಿಶ್ವಕಪ್ ತನಕ ಆಡ್ತಾರಾ..? ಇಲ್ವಾ ಎಂಬ ಟೆನ್ಶನ್ ಅಭಿಮಾನಿಗಳಲ್ಲಿ ಮನೆ ಮಾಡ್ತಾನೇ ಇದೆ. ಇಂಥಹ ಟೈಮ್​ನಲ್ಲೇ ಟೀಮ್ ಇಂಡಿಯಾ ಅಭಿಮಾನಿಗಳಿಗೆ ಶಾಕಿಂಗ್ ನ್ಯೂಸ್ ಕಿವಿಗಪ್ಪಳಿಸಿದೆ. ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಕ್ರಿಕೆಟರ್ ಕರಿಯರ್​​ನ ಯುಗಾಂತ್ಯಕ್ಕೆ ಟೈಮ್​ಬಾಂಬ್ ಫಿಕ್ಸಾಗಿದೆ. ಆಸ್ಟ್ರೇಲಿಯಾ ಸರಣಿ ಬೆನ್ನಲ್ಲೇ ಟೀಮ್ ಇಂಡಿಯಾದಿಂದ RO-KO ಔಟ್​ ಆಗುವ ಎಲ್ಲಾ ಸಾಧ್ಯಗಳಿವೆ.

ಯುಗಾಂತ್ಯಕ್ಕೆ ಕೌಂಟ್​ಡೌನ್ ಶುರು, ಆಸಿಸ್​ ಸರಣಿಯೇ ಕೊನೆ..?

ಸದ್ಯ ಟಿ20, ಟೆಸ್ಟ್​ನಿಂದ ದೂರ ಉಳಿದಿರುವ ವಿರಾಟ್, ರೋಹಿತ್, ಏಕದಿನ ತಂಡದಿಂದ ದೂರ ಉಳಿಯುವ ಸಮಯ ದೂರವೇನಿಲ್ಲ. ಯಾಕಂದ್ರೆ, 36 ವರ್ಷದ ವಿರಾಟ್​ ಕೊಹ್ಲಿ, 38 ವರ್ಷದ ರೋಹಿತ್​ ಸಂಧ್ಯಾಕಾಲದ ಹೊಸ್ತಿಲ್ಲಿಲ್ಲಿದ್ದಾರೆ. 2027ರ ಏಕದಿನ ವಿಶ್ವಕಪ್​ ವೇಳೆಗೆ 40 ವರ್ಷ ವಯಸ್ಸಾಗಿರುತ್ತೆ. ಈ ಕಾರಣಕ್ಕೆ ಬಿಸಿಸಿಐ, ಭವಿಷ್ಯ ಹೊಸ ಟೀಮ್ ಕಟ್ಟುವ ಲೆಕ್ಕಾಚಾರದಲ್ಲಿದೆ. ಹೀಗಾಗಿ ಅಕ್ಟೋಬರ್​ 19ರಿಂದ ಆರಂಭವಾಗಲಿರುವ ಏಕದಿನ ಸರಣಿಯಲ್ಲಿ ಇಂಪ್ಯಾಕ್ಟ್​ ಫುಲ್ ಪರ್ಫಾಮೆನ್ಸ್ ನೀಡಬೇಕಿದೆ. ಇಲ್ಲ ಆಸಿಸ್ ಪ್ರವಾಸದ ಏಕದಿನ ಸರಣಿಯೇ ವಿರಾಟ್ ಹಾಗೂ ರೋಹಿತ್ ಶರ್ಮಾ ಪಾಲಿಗೆ ಕೊನೆಯಾದರು ಅಚ್ಚರಿ ಇಲ್ಲ.

ರೋಹಿತ್, ವಿರಾಟ್ ಕೊಹ್ಲಿಗೆ ಬಿಸಿಸಿಐ ಬಾಸ್​​ಗಳ ಷರತ್ತು..!

ರೋಹಿತ್, ವಿರಾಟ್​ 2027ರ ಏಕದಿನ ವಿಶ್ವಕಪ್​​ ಕನಸಿನಲ್ಲಿದ್ದಾರೆ ನಿಜ. ಆದ್ರೆ, ಈ ಆಸೆಗೆ ಬಿಸಿಸಿಐ ತಣ್ಣೀರು ಎರಚಲು ಮುಂದಾಗಿದೆ. ಆಸ್ಟ್ರೇಲಿಯಾ ಸರಣಿ ನಂತರ ಸೈಡ್​ಲೈನ್​ ಮಾಡುವ ಉದ್ದೇಶ ಹೊಂದಿರುವ ಬಿಸಿಸಿಐ, ವಿಜಯ ಹಜಾರೆ ಟ್ರೋಫಿಯನ್ನಾಡಲು ಸೂಚಿಸಿದೆ. ಮುಂದಿನ ಏಕದಿನ ಹಾಗೂ 2027ರ ಏಕದಿನ ವಿಶ್ವಕಪ್​​ಗೆ ಪರಿಗಣಿಸಬೇಕಾದ್ರೆ, ಡಿಸೆಂಬರ್​​ನಲ್ಲಿ ಆರಂಭವಾಗಲಿರುವ ವಿಜಯ್ ಹಜಾರೆಯಲ್ಲಿ ರನ್​ಗಳಿಸೋದ್ರ ಜೊತೆಗೆ ಫಿಟ್‌ನೆಸ್, ಫಾರ್ಮ್ ಕಾಪಾಡಿಕೊಳ್ಳುವ ಷರತ್ತು ಹಾಕಿದೆ. ಹಾಗಾಗಿ, ಆಸ್ಟ್ರೇಲಿಯಾ ಪ್ರವಾಸದ ನಂತರ ರೋಹಿತ್, ವಿರಾಟ್​ ಮತ್ತೆ ಏಕದಿನ ತಂಡಕ್ಕೆ ಕಮ್​​ಬ್ಯಾಕ್ ಮಾಡಬೇಕಾದ್ರೆ. ವಿಜಯ್ ಹಜಾರೆ ಅಗ್ನಿಪರೀಕ್ಷೆ ಗೆಲ್ಲಬೇಕಿದೆ.

ಇದನ್ನೂ ಓದಿ:Asia Cup 2025; ಟೀಮ್ ಇಂಡಿಯಾ ಓಪನರ್ ಸ್ಲಾಟ್​ಗೆ ಕನ್ನಡಿಗ ಸೇರಿ 7 ಪ್ಲೇಯರ್ಸ್ ಪೈಪೋಟಿ.. ಯಾರಿಗೆ ಚಾನ್ಸ್?

ಅಪಮಾನಕ್ಕೆ ಶಾಕ್ ಕೊಡ್ತಾರಾ ರೋಹಿತ್, ವಿರಾಟ್ ಕೊಹ್ಲಿ..?

ರೋಹಿತ್ ಶರ್ಮಾ, ವಿರಾಟ್​ ಕೊಹ್ಲಿ, ಮಾಡ್ರನ್ ಡೇ ಕ್ರಿಕೆಟ್​​ನ ಶ್ರೇಷ್ಠ ಆಟಗಾರರು. ಆದ್ರೆ, ಈ ಶ್ರೇಷ್ಠ ಆಟಗಾರರ ವಿಚಾರದಲ್ಲಿ ಬಿಸಿಸಿಐನ ಚದುರಂಗದ ಆಟ ಫ್ಯಾನ್ಸ್​ಗೆ ಬೇಸರ ತರಿಸಿದೆ. ಅಷ್ಟೇ ಅಲ್ಲ, ಟೀಮ್ ಇಂಡಿಯಾಕ್ಕಾಗಿ ಟನ್​ ಗಟ್ಟಲೇ ರನ್ ಗಳಿಸಿರುವ ರೋಹಿತ್ ಶರ್ಮಾ ಹಾಗೂ ವಿರಾಟ್​ಗೆ ಪರೋಕ್ಷ ಅಪಮಾನ ಮಾಡ್ತಿದೆ. ಹೀಗಾಗಿ ಇಂಗ್ಲೆಂಡ್ ಸರಣಿ ಆರಂಭಕ್ಕೂ ಮುನ್ನ ಟೆಸ್ಟ್ ಸರಣಿಗೆ ಗುಡ್ ಬೈ ಹೇಳಿದಂತೆ, ಆಸ್ಟ್ರೇಲಿಯಾ ಪ್ರವಾಸಕ್ಕೂ ಮುನ್ನ ಏಕದಿನ ಕ್ರಿಕೆಟ್​​ಗೆ ಗುಡ್​ ಬೈ ಹೇಳಿ ಶಾಕ್ ಕೊಡ್ತಾರಾ ಎಂಬ ಅನುಮಾನವೂ ಇದ್ಧೇ ಇದೆ.

ರೋಹಿತ್-ವಿರಾಟ್​ ಶ್ರೇಷ್ಠ ಆಟಗಾರರು ಅನ್ನೋದ್ರಲ್ಲಿ ಡೌಟಿಲ್ಲ. ಆದ್ರೆ, transaction ನೆಪದಲ್ಲಿ, ಭವಿಷ್ಯದ ತಂಡದ ಕಟ್ಟುವ ನೆಪದಲ್ಲಿ ದಿಗ್ಗಜರನ್ನು ಸೈಡ್ ಲೈನ್​ ಮಾಡಲು ಮುಂದಾಗಿರುವುದು ನಿಜಕ್ಕೂ ಬೇಸರದ ಸಂಗತಿ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ