ಏಷ್ಯಾ ಕಪ್​ 2025; ಸೂರ್ಯ ಸೇರಿ ಈ ಬಿಗ್ ಹಿಟ್ಟರ್​, ಬಲಿಷ್ಠ ಆಲ್​ರೌಂಡರ್ ಆಡೋದು ಪಕ್ಕಾ..!

ಟೀಮ್ ಇಂಡಿಯಾಕ್ಕೆ ಈಗ ಏನಿದ್ದರೂ 2025ರ ಏಷ್ಯಾ ಕಪ್ ಗೆಲ್ಲಬೇಕು ಎನ್ನುವ ಉದ್ದೇಶ ಒಂದೇ ಅದರ ಮುಂದಿದೆ. ಇದಕ್ಕಾಗಿ ಬಿಸಿಸಿಐ ಆಯ್ಕೆ ಸಮಿತಿ ಬಲಿಷ್ಠ ಆಟಗಾರರ ಸೇನೆ ಕಟ್ಟಲು ಮುಂದಾಗಿದ್ದು ಯಾವ್ಯಾವ ಪ್ಲೇಯರ್​ಗಳ ಹೆಸರನ್ನು ಅಂತಿಮ ಮಾಡುತ್ತದೆ ಎನ್ನುವುದು ಕುತೂಹಲ ಮೂಡಿಸಿದೆ. ಇದರ ನಡುವೆ ಈ ಆಟಗಾರರು ಏಷ್ಯಾ ಕಪ್​ನಲ್ಲಿ ಆಡುವುದು ಕನ್​​ಫರ್ಮ್ ಎಂದು ಹೇಳಲಾಗುತ್ತಿದೆ. 

ಬಿಸಿಸಿಐ 2026ರಲ್ಲಿನ ಟಿ20 ವಿಶ್ವಕಪ್ ಅನ್ನು ದೃಷ್ಟಿಯಲ್ಲಿಟ್ಟುಕೊಂಡು ಟೀಮ್ ಇಂಡಿಯಾದಲ್ಲಿ ಯುವ ಆಟಗಾರರಿಗೆ ಹೆಚ್ಚಿನ ಮಹತ್ವ ಕೊಡಲಾಗುತ್ತದೆ. ಏಷ್ಯಾ ಕಪ್​ನಲ್ಲಿ ಉತ್ತಮ ಪರ್ಫಾಮೆನ್ಸ್ ತೋರಿದವರಿಗೆ ಮುಂದೆ ವಿಶ್ವಕಪ್​ಗೆ ಅದೃಷ್ಟಗಳು ಕುಲಾಯಿಸಬಹುದು. ಆಗಸ್ಟ್ 19 ರಂದು ಭಾರತ ತಂಡದ ಆಟಗಾರರ ಹೆಸರುಗಳನ್ನು ಬಿಸಿಸಿಐ ಚೀಫ್ ಸೆಲೆಕ್ಟರ್ ಅಜಿತ್ ಅಗರ್ಕರ್ ಅವರು ಘೋಷಣೆ ಮಾಡಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಪಾಕ್ ಜೊತೆ ಭಾರತ ಕ್ರಿಕೆಟ್ ಆಡಬಾರದು.. ರಕ್ತ, ನೀರು ಒಟ್ಟಿಗೆ ಹರಿಯಲ್ಲ, ದೇಶ ಮೊದಲು- ಮಾಜಿ ಆಟಗಾರ!

ಈ ಬಲಿಷ್ಠ ತಂಡದಲ್ಲಿ ನಾಯಕ ಸೂರ್ಯಕುಮಾರ್ ಸ್ಥಾನ ಫಿಕ್ಸ್​ ಆಗಿದೆ. ಏಕೆಂದರೆ ಟಿ20ಗೆ ನಾಯಕನಾಗಿರುವ ಸೂರ್ಯಕುಮಾರ್ ಭಾರತ ತಂಡವನ್ನ ಮುನ್ನಡೆಸುವುದು ಫಿಕ್ಸ್​. ಇವರ ಜೊತೆಗೆ ಅನುಭವಿ ಹಾಗೂ ಹಿರಿಯ ಆಟಗಾರ ಹಾರ್ದಿಕ್ ಪಾಂಡ್ಯ 11ರ ಬಳಗದಲ್ಲಿ ಇರಲಿದ್ದಾರೆ. ಹೊಡಿಬಡಿ ಬ್ಯಾಟಿಂಗ್​ನಿಂದ ಎದುರಾಳಿಯ ಎದೆ ನಡುಗಿಸುವ ಅಭಿಷೇಕ್ ಶರ್ಮಾ ಕೂಡ ಏಷ್ಯಾ ಕಪ್ ಆಡುವುದು ಪಕ್ಕಾ ಆಗಿದೆ ಎಂದು ಹೇಳಲಾಗುತ್ತಿದೆ. 

ಶುಭ್​ಮನ್ ಗಿಲ್​ಗೆ ಸ್ಥಾನ ಸಿಗುತ್ತಾ?

ಆದರೆ ಇಂಗ್ಲೆಂಡ್​ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಕ್ಯಾಪ್ಟನ್ ಆಗಿ ಯಶಸ್ಸು ಕಂಡಿದ್ದ ಶುಭ್​ಮನ್ ಗಿಲ್ ಅವರು ಏಷ್ಯಾ ಕಪ್​ಗೆ ಆಯ್ಕೆ ಆಗುತ್ತಾರೋ, ಇಲ್ವೋ ಎನ್ನುವುದು ಅನುಮಾನ ಇದೆ. ಏಕೆಂದರೆ ಈ ಹಿಂದೆ ಟೀಮ್ ಇಂಡಿಯಾ ಆಡಿದ್ದ ಕೆಲವು ಟಿ20 ಸರಣಿಗಳಿಗೆ ಗಿಲ್ ಅವರನ್ನು ಹೊರಗಿಡಲಾಗಿತ್ತು. ಓಪನಿಂಗ್​ನಲ್ಲಿ ಸಂಜು ಸ್ಯಾಮ್ಸನ್, ಅಭಿಷೇಕ್ ಶರ್ಮಾ ಟವೆಲ್ ಹಾಕಿದ್ದಾರೆ. ಆದರೆ ಇಂಗ್ಲೆಂಡ್ ವಿರುದ್ಧ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿರುವ ಗಿಲ್​ಗೆ ಅವಕಾಶ ಸಿಗುವ ನಿರೀಕ್ಷೆ ಅಂತೂ ಇದೆ ಎನ್ನಲಾಗಿದೆ. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ