Asia Cup 2025​; ಟೀಮ್ ಇಂಡಿಯಾಗೆ ಸ್ಪಾನ್ಸರ್ ಕೊಡೋದು ಯಾರು.. Dream11 ಹಿಂದೆ ಸರಿಯುತ್ತಾ?

2025ರ ಏಷ್ಯಾ ಕಪ್​ಗಾಗಿ ಭಾರತ ತಂಡಕ್ಕೆ ಯುವ ಆಟಗಾರರ ಹೆಸರನ್ನು ಘೋಷಣೆ ಮಾಡಲಾಗಿದೆ. ಸೆಪ್ಟೆಂಬರ್ 09 ರಿಂದ ಆರಂಭವಾಗುವ ಈ ಮಹತ್ವದ ಟೂರ್ನಿಗೆ ಸೂರ್ಯಕುಮಾರ್ ನೇತೃತ್ವದಲ್ಲಿ ಟೀಮ್ ಇಂಡಿಯಾ ಅಖಾಡಕ್ಕೆ ಇಳಿಯುತ್ತಿದೆ. ಶುಭ್​ಮನ್ ಗಿಲ್ ಅವರು ಉಪನಾಯಕನ ಪಟ್ಟ ಅಲಂಕರಿಸಿದ್ದಾರೆ. ಇದರ ಬೆನ್ನಲ್ಲೇ ಟೀಮ್ ಇಂಡಿಯಾದ ಸ್ಪಾನ್ಸರ್​ಶಿಪ್​ನಿಂದ ಫಾಂಟಸಿ ಸ್ಪೋರ್ಟ್ಸ್​ ಪ್ಲಾಟ್​ಫಾರ್ಮ್ ಡ್ರೀಮ್-11 (Dream11) ಹಿಂದೆ ಸರಿದಿದೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. 

ಕೆಲವೇ ದಿನಗಳಲ್ಲಿ ಆರಂಭವಾಗುವ ಏಷ್ಯಾ ಕಪ್​ಗೆ ಸೂರ್ಯಕುಮಾರ್ ನೇತೃತ್ವದ ಟೀಮ್ ಇಂಡಿಯಾ ಭರ್ಜರಿ ಸಿದ್ಧತೆ ನಡೆಸಿದೆ. ಆಟಗಾರರು ಯುಎಇಗೆ ತೆರಳಬೇಕಾಗಿದೆ. ಆದರೆ ಏಷ್ಯಾಕಪ್​ಗಾಗಿ ಟೀಮ್ ಇಂಡಿಯಾ ಪರವಾಗಿ ಡ್ರೀಮ್-11 ಸ್ಪಾನ್ಸರ್ ಮಾಡುತ್ತಿಲ್ಲ ಎನ್ನಲಾಗುತ್ತಿದೆ. ಫಾಂಟಸಿ ಸ್ಪೋರ್ಟ್ಸ್​ ಪ್ಲಾಟ್​ಫಾರ್ಮ್ ಆದ ಡ್ರೀಮ್-11 ಈ ನಿರ್ಧಾರ ತೆಗೆದುಕೊಳ್ಳಲು ಬಲವಾದ ನಿರ್ಧಾರ ಕೂಡ ಇದೆ ಎನ್ನಲಾಗುತ್ತಿದೆ. 

ಇತ್ತೀಚೆಗೆ ದೇಶದಲ್ಲಿ ಎಲ್ಲ ಕಡೆಯೂ ಆನ್​ಲೈನ್​ ಬೆಟ್ಟಿಂಗ್​ಗಳನ್ನು ಬ್ಯಾನ್ ಮಾಡಲಾಗಿದೆ. ಈ ಬಗ್ಗೆ ಸಂಸತ್ತಿನಲ್ಲಿ ಆನ್‌ಲೈನ್ ಗೇಮಿಂಗ್ ಪ್ರಚಾರ ಮತ್ತು ನಿಯಂತ್ರಣ ಮಸೂದೆ, 2025 ಅನ್ನು ಜಾರಿಗೆ ತರಲಾಗಿದೆ. ಇದರ ಪರಿಣಾಮ ಡ್ರೀಮ್-11ಗೂ ತಟ್ಟಿದೆ. ಆನ್​ಲೈನ್​​ ಬೆಟ್ಟಿಂಗ್​ನಲ್ಲಿ ಗೆದ್ದವರಿಗೆ ಡ್ರೀಮ್-11 ಹಣ ಕೊಡುತ್ತಿದ್ದರೂ, ಮಸೂದೆಯಿಂದ ಡ್ರೀಮ್-11 ಬ್ಯಾನ್ ಆದಂತೆ ಆಗಿದೆ ಎನ್ನಲಾಗಿದೆ. 

ಇದನ್ನೂ ಓದಿ:T20 World Cup Final; ಸೂರ್ಯಕುಮಾರ್ ಕ್ಯಾಚ್ ಬಗ್ಗೆ ರಾಯುಡು ವಿವಾದಾತ್ಮಕ ಹೇಳಿಕೆ!

ಟೀಮ್ ಇಂಡಿಯಾಗೆ ಸ್ಪಾನ್ಸರ್​ಶಿಪ್ ಕುರಿತು ಫಾಂಟಸಿ ಸ್ಪೋರ್ಟ್ಸ್​ ಪ್ಲಾಟ್​ಫಾರ್ಮ್ ಡ್ರೀಮ್-11 ಅಥವಾ ಬಿಸಿಸಿಐ ಎಲ್ಲಿಯೂ ಅಧಿಕೃತವಾಗಿ ಮಾಹಿತಿ ನೀಡಿಲ್ಲ. ಆದರೆ ಒಪ್ಪಂದವನ್ನು ಮುಂದುವರೆಸಲು ಡ್ರೀಮ್-11 ಸಿದ್ಧವಿಲ್ಲ ಎಂದು ಹೇಳಲಾಗುತ್ತಿದೆ. ಇನ್ನೇನು ಕೆಲವೇ ದಿನಗಳಲ್ಲಿ ಏಷ್ಯಾ ಕಪ್ ಆರಂಭವಾಗುವುದರಿಂದ ಟೀಮ್ ಇಂಡಿಯಾ ಯುಎಇ ಪ್ರವಾಸ ಮಾಡಲಿದ್ದಾರೆ. ಇದರ ಒಳಗಾಗಿ ಈ ಕುರಿತು ಮಾಹಿತಿ ಹೊರಬೀಳುತ್ತಾ ಎಂದು ಕಾದು ನೋಡಬೇಕಿದೆ. 

ಏಷ್ಯಾ ಕಪ್, ಟೀಮ್ ಇಂಡಿಯಾ ಆಟಗಾರರು

ಸೂರ್ಯಕುಮಾರ್ ಯಾದವ್ (ನಾಯಕ), ಶುಭ್​ಮನ್ ಗಿಲ್ (ಉಪನಾಯಕ), ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್ (ವಿಕೆಟ್ ಕೀಪರ್), ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ, ಶಿವಂ ದುಬೆ, ಅಕ್ಷರ್ ಪಟೇಲ್, ಬುಮ್ರಾ, ಅರ್ಷದೀಪ್ ಸಿಂಗ್, ವರುಣ್ ಚಕ್ರವರ್ತಿ, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಕುಲ್ದೀಪ್ ಯಾದವ್, ಹರ್ಷಿತ್ ರಾಣಾ, ರಿಂಕು ಸಿಂಗ್.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ