ದಕ್ಷಿಣ ಆಫ್ರಿಕಾಗೆ ನೀರು ಕುಡಿಸಿದ RoKo, ರಾಹುಲ್..! ಸೂಪರ್ ಬ್ಯಾಟಿಂಗ್!

ರಾಂಚಿಯಲ್ಲಿ ನಡೆಯುತ್ತಿರುವ ಮೊದಲ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 349 ರನ್​ಗಳ ಬೃಹತ್ ಮೊತ್ತಗಳಿಸಿದೆ. ಎದುರಾಳಿ ದಕ್ಷಿಣ ಆಫ್ರಿಕಾ ಗೆಲ್ಲಲು 350 ರನ್​​ಗಳು ಬೇಕಾಗಿದೆ. ಕೆಎಲ್ ರಾಹುಲ್ ಪಡೆ ಗೆಲ್ಲಲು 349 ರನ್​​ಗಳನ್ನು ಡಿಪೆಂಡ್ ಮಾಡಿಕೊಳ್ಳಬೇಕಾಗಿದೆ. 

ರೋಹಿತ್, ಕೊಹ್ಲಿ ಬೊಂಬಾಟ್​..!

ಟಾಸ್ ಸೋತು ಮೊದಲು ಬ್ಯಾಟಿಂಗ್​ಗೆ ಬಂದ ಟೀಂ ಇಂಡಿಯಾ 25 ರನ್​ಗಳ ಅಂತರದಲ್ಲಿ ಮೊದಲ ವಿಕೆಟ್ ಕಳೆದುಕೊಳ್ತು. ಜೈಸ್ವಾಲ್ ಅವರು 16 ಬಾಲ್​ಗೆ 18 ರನ್​ಗಳಿಸಿ ಔಟ್ ಆದರು. ನಂತರ ಬಂದ ಕಿಂಗ್ ಕೊಹ್ಲಿ, ರೋಹಿತ್ ಶರ್ಮಾಗೆ ಉತ್ತಮ ಸಾಥ್ ನೀಡಿದರು. 
ಇಬ್ಬರು ಬಿರುಸಿನಿಂದ ಬ್ಯಾಟಿಂಗ್ ಆರಂಭಿಸಿ ಅದ್ಭುತ ಪಾರ್ಟ್ನರ್​ಶಿಪ್ ಕಲೆ ಹಾಕಿದರು. ಕೊಹ್ಲಿ ಮತ್ತು ರೋಹಿತ್ 136 ರನ್​ಗಳ ಪಾರ್ಟ್ನರ್​ಶಿಪ್ ಕಲೆ ಹಾಕಿದರು. ರೋಹಿತ್ ಜೊತೆ ಕೊಹ್ಲಿ, 72 ರನ್​ಗಳಿಸಿದ್ರೆ, ರೋಹಿತ್ 56 ರನ್​ಗಳಿಸಿದರು. ಇನ್ನು ರೋಹಿತ್ ಶರ್ಮಾ ಒಟ್ಟು 51 ಬಾಲ್ ಎದುರಿಸಿ 57 ರನ್​ಗಳಿಸಿ ಅರ್ಧಶತಕ ಬಾರಿಸಿ ಮಿಂಚಿ ಮರೆಯಾದರು.

ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ರೋಹಿತ್ ಔಟ್ ಬಳಿಕ ಬಂದ ಗಾಯಕ್ವಾಡ್, ನಿರೀಕ್ಷೆ ಹುಸಿ ಮಾಡಿದರು. 8 ರನ್​ಗಳಿಸಿ ಔಟ್ ಆದರೆ, ವಾಷಿಂಗ್ಟನ್ ಸುಂದರ್ ಕೂಡ ಬರೀ 13 ರನ್​ಗಳಿಗೆ ಸುಸ್ತಾದರು. ನಂತರ ಬಂದ ನಾಯಕ ಕೆಎಲ್ ರಾಹುಲ್, ಜವಾಬ್ದಾರಿಯತವಾಗಿ ಬ್ಯಾಟಿಂಗ್ ಮಾಡಿ, ಕೊಹ್ಲಿಗೆ ಸಾಥ್ ನೀಡಿದರು. 120 ಬಾಲ್​ ಎದುರಿಸಿದ ಕೊಹ್ಲಿ 7 ಸಿಕ್ಸರ್, 11 ಬೌಂಡರಿಯೊಂದಿಗೆ ಅಮೂಲ್ಯ 135 ರನ್​ಗಳ ಕಾಣಿಕೆ ನೀಡಿದರು. 

ಇನ್ನು ನಾಯಕ ಕೆಎಲ್ ರಾಹುಲ್, 56 ಬಾಲ್​ನಲ್ಲಿ 3 ಸಿಕ್ಸರ್, ಎರಡು ಬೌಂಡರಿಯೊಂದಿಗೆ 60 ರನ್​ಗಳಿಸಿದರು. ಅಂತಿಮವಾಗಿ ಟೀಂ ಇಂಡಿಯಾ 8 ವಿಕೆಟ್ ಕಳೆದುಕೊಂಡು 349 ರನ್​ಗಳಿಸಿತು.   

ಇದನ್ನೂ ಓದಿ:ವಿರಾಟ್ ಕೊಹ್ಲಿ ಭರ್ಜರಿ ಶತಕ.. ನಿವೃತ್ತಿ ಕೇಳ್ತಿರುವ BCCIಗೆ ಕಪಾಳಮೋಕ್ಷ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ