ವಿರಾಟ್ ಕೊಹ್ಲಿ ಭರ್ಜರಿ ಶತಕ.. ನಿವೃತ್ತಿ ಕೇಳ್ತಿರುವ BCCIಗೆ ಕಪಾಳಮೋಕ್ಷ..!

ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಶತಕ ಬಾರಿಸಿ ಮಿಂಚಿದ್ದಾರೆ. ಟಿ-20 ಕ್ರಿಕೆಟ್​ನಂತೆ ಬ್ಯಾಟ್ ಬೀಸಿದ ಕೊಹ್ಲಿ, ತಮ್ಮ ವಿರಾಟರೂಪವನ್ನ ಪ್ರದರ್ಶಿಸಿದರು. 

ದಕ್ಷಿಣಾ ಆಫ್ರಿಕಾ ಬೌಲರ್​ಗಳನ್ನು ಮನಬಂದಂತೆ ಕಾಡಿದ ವಿರಾಟ್ 102 ಬಾಲ್​​ನಲ್ಲಿ ಆಕರ್ಷಕ ಶತಕ ಬಾರಿಸಿದರು. 100.98 ಸ್ಟ್ರೈಕ್​​ ರೇಟ್​ನಲ್ಲಿ ಬ್ಯಾಟ್ ಬೀಸಿದ ವಿರಾಟ್, ಐದು ಸಿಕ್ಸರ್, ಏಳು ಬೌಂಡರಿ ಚಚ್ಚಿದರು.

ಇದನ್ನೂ ಓದಿ: ಹೈವೋಲ್ಟೆಜ್​ ಸಭೆಗೆ ಮಹೂರ್ತ ಇಟ್ಟ ಬಿಸಿಸಿಐ; ಕೊಹ್ಲಿ, ರೋಹಿತ್ ಟಾರ್ಗೆಟ್​..!

ಮುಂದಿನ ಏಕದಿನ ವಿಶ್ವಕಪ್ ಆಡುವ ಬಯಕೆ ವಿರಾಟ್ ಕೊಹ್ಲಿ ಅವರದ್ದಾಗಿದೆ. ಆದರೆ ಬಿಸಿಸಿಐ ಹಿರಿಯ ಆಟಗಾರ ಕೊಹ್ಲಿಯನ್ನು ಕಡೆಗಣಿಸುತ್ತಿದೆ ಎಂಬ ಆರೋಪ ಇದೆ. ಹೀಗಾಗಿ ಕೊಹ್ಲಿಗೆ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸೀರಿಸ್​ ತುಂಬಾನೇ ಮಹತ್ವದ್ದಾಗಿದೆ. ಅಂತೆಯೇ ಅದನ್ನು ಚೆನ್ನಾಗಿ ಬಳಸಿಕೊಂಡಿರುವ ವಿರಾಟೋ ಅಮೋಘ ಶತಕ ಬಾರಿಸಿದ್ದಾರೆ. ಆ ಮೂಲಕ ಬಿಸಿಸಿಐ, ಆಯ್ಕೆ ಸಮಿತಿ ಜೊತೆಗೆ ಟೀಕಾಕಾರರಿಗೂ ನೇರ ಸಂದೇಶ ರವಾನಿಸಿದ್ದಾರೆ.

ಅರ್ಧ ಶತಕ ಬಾರಿಸಿದ ರೋಹಿತ್..!

ಹಿಟ್​ ಮ್ಯಾನ್ ರೋಹಿತ್ ಶರ್ಮಾ ಕೂಡ ಅದ್ಭುತವಾಗಿ ಆಡಿದರು. 51 ಬಾಲ್​​ನಲ್ಲಿ 57 ರನ್​ಗಳ ಕಾಣಿಕೆ ನೀಡಿದರು. ಈ ವೇಳೆ ರೋಹಿತ್ ಮೂರು ಸಿಕ್ಸರ್, ಐದು ಬೌಂಡರಿ ಬಾರಿಸಿದರು. ಪ್ರಸ್ತುತ ಟೀಂ ಇಂಡಿಯಾ ನಾಲ್ಕು ವಿಕೆಟ್ ಕಳೆದುಕೊಂಡು 233 ರನ್​ಗಳಿಸಿ ಆಡುತ್ತಿದೆ. 

ಇದನ್ನೂ ಓದಿ:IND vs SA: ಏಕದಿನ ಸರಣಿ.. ಈ ಆರು ಆಟಗಾರರಿಗೆ ರಿಯಲ್ ಟೆಸ್ಟ್​..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ