ಹೈವೋಲ್ಟೆಜ್​ ಸಭೆಗೆ ಮಹೂರ್ತ ಇಟ್ಟ ಬಿಸಿಸಿಐ; ಕೊಹ್ಲಿ, ರೋಹಿತ್ ಟಾರ್ಗೆಟ್​..!

ತಿಂಗಳ ಅಂತರದ ಬಳಿಕ ಮೈದಾನಕ್ಕಿಳಿಯಲು ಜೋಡೆತ್ತುಗಳು ಸಜ್ಜಾಗಿವೆ. ಫೆಬ್ರವರಿಯಲ್ಲಿ ಭಾರತದ ನೆಲದಲ್ಲಿ ಕೊನೆಯ ಬಾರಿಗೆ ಏಕದಿನ ಸರಣಿಯನ್ನಾಡಿದ್ದ ಕೊಹ್ಲಿ-ರೋಹಿತ್​, ಸುದೀರ್ಘ ಅಂತರದ ಬಳಿಕ ಬ್ಲ್ಯೂ ಜೆರ್ಸಿ ತೊಟ್ಟು ಅಖಾಡಕ್ಕಿಳಿಯಲು ಸಜ್ಜಾಗಿದ್ದಾರೆ. ಇದ್ರ ನಡುವೆ ಸರಣಿಯ ಮೊದಲ ಪಂದ್ಯದ ಆರಂಭಕ್ಕೆ ಮುನ್ನ ಇವರಿಬ್ಬರ ಮುಂದಿನ ಭವಿಷ್ಯ ಚರ್ಚೆಗೆ ಬಂದಿದೆ. 2026ರ ಟಿ20 ವಿಶ್ವಕಪ್​ಗಿಂತ 2027ರ ಏಕದಿನ ವಿಶ್ವಕಪ್​​ ಟೂರ್ನಿಯನ್ನ ಬಿಸಿಸಿಐ ಬಾಸ್​ಗಳು ಫುಲ್​ ಗಂಭೀರವಾಗಿ ಪರಿಗಣಿಸಿದ್ದಾರೆ. ಒನ್​ ಡೇ ಮೆಗಾ ಟೂರ್ನಿಗೆ ಬ್ಲ್ಯೂ ಪ್ರಿಂಟ್​​ ರೆಡಿ ಮಾಡ್ತಿದ್ದಾರೆ.

ಇಂಡೋ-ಆಫ್ರಿಕಾ ಏಕದಿನ ಸರಣಿ ಡಿಸೆಂಬರ್​ 6ಕ್ಕೆ ಅಂತ್ಯ ಕಾಣಲಿದೆ. ವೈಜಾಗ್​ನಲ್ಲಿ ನಡೆಯೋ ಕೊನೆಯ ಪಂದ್ಯದ ಬಳಿಕ ಗುಜರಾತ್​ನ ಅಹ್ಮದಾಬಾದ್​ನಲ್ಲಿ ಮಹತ್ವದ ಸಭೆ ನಡೆಸಲು ಬಿಸಿಸಿಐ ಬಾಸ್​ಗಳು ನಿರ್ಧರಿಸಿದ್ದಾರೆ. ಬಿಸಿಸಿಐ ಬಾಸ್​ಗಳು, ಚೀಫ್​ ಸೆಲೆಕ್ಟರ್​ ಅಜಿತ್​ ಅಗರ್ಕರ್​, ಹೆಡ್​ ಕೋಚ್​ ಗೌತಮ್​ ಗಂಭೀರ್​ ಹಾಗೂ ವಿರಾಟ್​ ಕೊಹ್ಲಿ ಮತ್ತು ರೋಹಿತ್​ ಶರ್ಮಾ ಈ ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ಈ ಸಭೆಯ ಒನ್​ ಲೈನ್​ ಅಜೆಂಡಾ ಏನ್ ಗೊತ್ತಾ? ಕೊಹ್ಲಿ-ರೋಹಿತ್​ ಭವಿಷ್ಯ.

ಇದನ್ನೂ ಓದಿ: ಇವತ್ತು ಮೊದಲ ODI ಮ್ಯಾಚ್​​.. ಟೀಂ ಇಂಡಿಯಾದ ಬಲಿಷ್ಠ ಪ್ಲೇಯಿಂಗ್​-11..!

ರೋಹಿತ್​-ಕೊಹ್ಲಿ ವಿಚಾರದಲ್ಲಿ ಎಲ್ಲರಿಗೂ ಗೊಂದಲವಿದೆ. ಜೋಡೆತ್ತುಗಳು ಒನ್​ ಡೇ ವಿಶ್ವಕಪ್​ ಆಡ್ತಾರಾ? ಇಲ್ವಾ? ಎಂಬ ಗೊಂದಲ ಟೀಮ್​ ಮ್ಯಾನೇಜ್​ಮೆಂಟ್​, ಹೆಡ್​ ಕೋಚ್, ಸೆಲೆಕ್ಟರ್ಸ್​ ಹಾಗೂ ಬಿಸಿಸಿಐಗಿದೆ. ಒಂದು ವೇಳೆ ಕೊಹ್ಲಿ-ರೋಹಿತ್​ ಆಡಲ್ಲ ಅಂದ್ರೆ ಬ್ಯಾಕ್​ ಅಪ್​ ಪ್ಲೇಯರ್ಸ್​ನ ಈಗಿನಿಂದಲೇ ರೆಡಿ ಮಾಡಬೇಕಿದೆ. ​ನಾವು ಫ್ಯೂಚರ್​ ಪ್ಲಾನ್​ನಲ್ಲಿ ಇದೀವಾ? ಇಲ್ವಾ? ಅನುಮಾನ ರೋಹಿತ್​-ಕೊಹ್ಲಿಗಿದೆ. ಈ ಗೊಂದಲವನ್ನ ಬಗೆಹರಿಸೋಕೆ ಬಿಸಿಸಿಐ ಈ ಸಭೆ ಕರೆದಿದೆ.

ಕೋಚ್ ಗೌತಮ್​ ಗಂಭೀರ್​, ಸೆಲೆಕ್ಟರ್​ ಅಜಿತ್​ ಅಗರ್ಕರ್​ ತುರಾತುರಿಯಲ್ಲಿ ಬದಲಾವಣೆ ಮಾಡೋಕೆ ಹೋಗಿ ಟೆಸ್ಟ್​ ತಂಡವನ್ನ ಅದ್ವಾನ ಮಾಡಿರೋದು ಇಡೀ ಜಗತ್ತಿಗೆ ಗೊತ್ತಿರೋ ಸಂಗತಿಯಾಗಿದೆ. ಒನ್​ ಡೇ ತಂಡದಲ್ಲಿ ಹೀಗೆ ಆಗಬಾರದು ಅನ್ನೋದು ಬಿಸಿಸಿಐನ ಉದ್ದೇಶ. ಹೀಗಾಗಿ ರೋಹಿತ್​, ಕೊಹ್ಲಿಯನ್ನ 2027ರ ಏಕದಿನ ವಿಶ್ವಕಪ್​ ಅಂತ್ಯದವರೆಗೆ ತಂಡದಲ್ಲಿ ಉಳಿಸಿಕೊಳ್ಳೋದು ಬಿಸಿಸಿಐ ಪ್ಲಾನ್​. ರೋಹಿತ್​, ಕೊಹ್ಲಿ ಉದ್ದೇಶವೂ ಇದೆ ಆಗಿದೆ. ಈ ಸಭೆಯಲ್ಲಿ ಸೆಲೆಕ್ಟರ್ಸ್​ - ಹೆಡ್​ಕೋಚ್​ಗೆ ಈ ಬಗ್ಗೆ ಸ್ಪಷ್ಟ ಸಂದೇಶ ರವಾನಿಸಲು ನಿರ್ಧರಿಸಲಾಗಿದೆ.   

ಬಿಸಿಸಿಐ ಬಾಸ್​ಗಳಿಂದ 2 ಸಲಹೆ

ಸಭೆಗೂ ಮುನ್ನವೇ ರೋಹಿತ್​ ಶರ್ಮಾ ಬಿಸಿಸಿಐ ಬಾಸ್​ಗಳಿಂದ 2 ಮುಖ್ಯ ಸಲಹೆಗಳು ರವಾನೆಯಾಗಿವೆ. ಸ್ಪೆಕ್ಯುಲೇಷನ್​ಗಳ ಬಗ್ಗೆ ತಲೆ ಕೆಡಿಸಿಕೊಳ್ಳದೇ ಫಾರ್ಮ್​ ಅಂಡ್ ಫಿಟ್​ನೆಸ್​ ಮೇಲೆ ಗಮನಹರಿಸುವಂತೆ ಬಿಸಿಸಿಐ ಬಾಸ್​ಗಳು ಸೂಚಿಸಿದ್ದಾರೆ. ರೋಹಿತ್​ ಸಿಕ್ಕಾಪಟ್ಟೆ ಹಾರ್ಡ್​ವರ್ಕ್​ ಮಾಡ್ತಿದ್ದಾರೆ. ಆಸ್ಟ್ರೇಲಿಯಾ ಪ್ರವಾಸದ ಅಪ್ರೋಚ್​ ಬದಲಾಯಿಸಿಕೊಂಡು ರನ್​ಗಳಿಕೆಗೆ ಸ್ಟ್ರಗಲ್​ ಮಾಡಿದ್ದನ್ನೂ ಬಿಸಿಸಿಐ ಗಮನಿಸಿದೆ. ತಮ್ಮ ಎಂದಿನ ಅಗ್ರೆಸ್ಸಿವ್​ ಬ್ರ್ಯಾಂಡ್​ ಕ್ರಿಕೆಟ್​ ಮುಂದುವರೆಸಲು ಸಲಹೆಯನ್ನೂ ನೀಡಲಾಗಿದೆ. ಇದರರ್ಥ ರೋಹಿತ್​ 2027ರ ವಿಶ್ವಕಪ್ ಆಡೋದು ಕನ್ಫರ್ಮ್​ ಅಂತಲೇ.

ಇದನ್ನೂ ಓದಿ: ಪಂತ್​​ಗೆ ಪಶ್ಚಾತಾಪ ಪಡುವ ಸಮಯ.. ಎಚ್ಚರ ಎಚ್ಚರ..!

ಟೆಸ್ಟ್​ ಕ್ರಿಕೆಟ್​ಗೆ ನಿವೃತ್ತಿ ಹೇಳಿದ ಬಳಿಕ ವಿರಾಟ್​ ಕೊಹ್ಲಿ ನಿಗೂಢ ವ್ಯಕ್ತಿಯಾಗಿಬಿಟ್ಟಿದ್ದಾರೆ. ಸರಣಿ ಬಂದಾಗ ಪ್ರತ್ಯಕ್ಷವಾಗೋ ಕೊಹ್ಲಿ, ಬಳಿಕ ಕಣ್ಮರೆಯಾಗ್ತಾರೆ. ಕಾಣೆಯಾಗೋ ಕೊಹ್ಲಿ ಬಗ್ಗೆ ಫ್ಯಾನ್ಸ್​ ಹೇಗೆ ಹುಡುಕ್ತಾರೋ ಹಾಗೇ ಬಿಸಿಸಿಐನಲ್ಲೂ ಹುಡುಕಾಟ ನಡೆದಿದೆ. ವಿಶ್ವಕಪ್​ ಆಡೋ ಉದ್ದೇಶ ಇದ್ಯಾ? ಇಲ್ವಾ? ಎಂಬ ಪ್ರಶ್ನೆ ಸೇರಿದಂತೆ​ ಕೊಹ್ಲಿ ಬಗ್ಗೆ ಬಿಸಿಸಿಐನಲ್ಲೂ ಹಲವು ಗೊಂದಲಗಳಿವೆ. ಈ ಗೊಂದಲಗಳನ್ನ ಸಭೆಯಲ್ಲಿ ಬಗೆಹರಿಸಿಕೊಳ್ಳಲು ಬಿಸಿಸಿಐ ಚಿಂತಿಸಿದೆ. 

ಸೌತ್​ ಆಫ್ರಿಕಾ ಸರಣಿಯ ಅಂತ್ಯದ ಬಳಿಕ ಕೊಹ್ಲಿ-ರೋಹಿತ್​, ನ್ಯೂಜಿಲೆಂಡ್​ ವಿರುದ್ಧ ಏಕದಿನ ಸರಣಿಯನ್ನಾಡಲಿದ್ದಾರೆ. ಅದಾದ ಬಳಿಕ ಏಕದಿನ ಸರಣಿ ಇರೋದು ಜುಲೈನಲ್ಲಿ ಇಂಗ್ಲೆಂಡ್​ ವಿರುದ್ಧ. ಅಲ್ಲಿಯವರೆಗೆ ಕೊಹ್ಲಿ,ರೋಹಿತ್​ ಮೈದಾನದಿಂದ ಹೊರಗಿರಲಿದ್ದಾರೆ. ಈ ಸಮಯದಲ್ಲಿ ವಿಜಯ್​ ಹಜಾರೆ ಹಾಗೂ ಇಂಗ್ಲೆಂಡ್​ನಲ್ಲಿ ಕೌಂಟಿ ಕ್ರಿಕೆಟ್​ ಆಡುವಂತೆ ಸೂಚಿಸಲು ಬಿಸಿಸಿಐ ವಲಯದಲ್ಲಿ ಚರ್ಚೆ ನಡೆದಿದೆ. ದೀರ್ಘ ಕಾಲ ಮೈದಾನದಿಂದ ಹೊರಗಿರೋದ್ರಿಂದ ಕ್ರಿಕೆಟ್​ ಟಚ್ ಕಾಯ್ದುಕೊಳ್ಳಲು ಇದು ಸಹಾಯ ಮಾಡಲಿದೆ. 

ಇದನ್ನೂ ಓದಿ: KSCA ಚುನಾವಣೆಗೆ ಮತ್ತೆ ಟ್ವಿಸ್ಟ್.. ಹೈಕೋರ್ಟ್​ನಿಂದ ಮಹತ್ವದ ಆದೇಶ

ಒಟ್ಟಿನಲ್ಲಿ ಸೌತ್​​ ಆಫ್ರಿಕಾ ಎದುರಿನ ಸರಣಿ ಅಂತ್ಯದ ಬಳಿಕ ಹೈವೋಲ್ಟೆಜ್​ ಸಭೆಗಂತೂ ಮಹೂರ್ತ ನಿಗದಿಯಾಗಿದೆ. ಕೊಹ್ಲಿ-ರೋಹಿತ್​ ಭವಿಷ್ಯದ ಬಗ್ಗೆ ಇರೋ ಗೊಂದಲಗಳಿಗೆ ಈ ಸಭೆಯಲ್ಲೆ ಬ್ರೇಕ್​ ಬಿದ್ದು, ಭವಿಷ್ಯದ ಬಗ್ಗೆಯೂ ಕ್ಲಾರಿಟಿ ಸಿಗಲಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ