ಇವತ್ತು ಮೊದಲ ODI ಮ್ಯಾಚ್​​.. ಟೀಂ ಇಂಡಿಯಾದ ಬಲಿಷ್ಠ ಪ್ಲೇಯಿಂಗ್​-11..!

ಇಂಡೋ-ಆಸಿಸ್​ ಏಕದಿನ ಸರಣಿ ಆರಂಭಕ್ಕೆ ಕೌಂಟ್​ಡೌನ್​ ಆರಂಭವಾಗಿದೆ. ರಾಂಚಿ ರಣಾಂಗಣದಲ್ಲಿ ಮೊದಲ ಏಕದಿನಕ್ಕೆ ವೇದಿಕೆ ಸಜ್ಜಾಗಿದೆ. ಟೆಸ್ಟ್​ ಸರಣಿಯಲ್ಲಿ ಮುಗ್ಗರಿಸಿಬಿದ್ದ ಟೀಮ್​ ಇಂಡಿಯಾ ಒನ್​ ಡೇ ಸರಣಿಯಲ್ಲಿ ಕಮ್​ಬ್ಯಾಕ್ ಮಾಡೋ ಲೆಕ್ಕಾಚಾರದಲ್ಲಿದೆ.  ಯುದ್ಧಕ್ಕೆ ಇಳಿಯೋಕೆ ಕೆಲವೇ ಗಂಟೆಗಳು ಬಾಕಿ ಇದ್ರೂ, ಸೈನಿಕರ ಆಯ್ಕೆಯ ಗೊಂದಲವೇ ಟೀಮ್​ ಇಂಡಿಯಾದಲ್ಲಿ ಬಗೆಹರಿದಿಲ್ಲ. 

ವೈಟ್​ವಾಷ್​ ಮುಖಭಂಗದೊಂದಿಗೆ ಇಂಡೋ-ಆಫ್ರಿಕಾ ಟೆಸ್ಟ್​ ಸರಣಿ ಅಂತ್ಯ ಕಂಡಿದ್ದಾಯ್ತು. ಇದೀಗ ಏಕದನ ಸರಣಿಗೆ ಕೌಂಟ್​ಡೌನ್​ ಶುರುವಾಗಿದೆ. ಭಾರತೀಯ ಕ್ರಿಕೆಟ್​ ಲೋಕ ಕಂಡ ಸರ್ವಶ್ರೇಷ್ಠ ನಾಯಕ ಎಮ್​.ಎಸ್​ ಧೋನಿಯ ನಾಡಲ್ಲಿ ಮೊದಲ ಒನ್​ ಡೇ ಫೈಟ್​ಗೆ ಟೀಮ್​ ಇಂಡಿಯಾ ಸಜ್ಜಾಗಿದೆ. ಟೆಸ್ಟ್​ ಸರಣಿಯ ಹೀನಾಯ ಸೋಲಿನ ಸೇಡನ್ನ ಒನ್ ಡೇ ಸರಣಿಯಲ್ಲಿ ತೀರಿಸಿಕೊಳ್ಳಲು ಮೆನ್​ ಇನ್​ ನ್ಲೂ ಪಡೆ ಸಜ್ಜಾಗಿದೆ. 

ಇದನ್ನೂ ಓದಿ: ಪಂತ್​​ಗೆ ಪಶ್ಚಾತಾಪ ಪಡುವ ಸಮಯ.. ಎಚ್ಚರ ಎಚ್ಚರ..!

ಇಂದಿನ ಒನ್​ ಡೇ ಫೈಟ್​​ನಲ್ಲಿ ಅಭಿಮಾನಿಗಳ ಕಣ್ಣಿರೋದೆ ವಿರಾಟ್​ ಕೊಹ್ಲಿ-ರೋಹಿತ್​ ಶರ್ಮಾ ಮೇಲೆ. ತಿಂಗಳ ಅಂತರದ ಬಳಿಕ ಫೀಲ್ಡ್​ಗೆ ಮರಳ್ತಿರೋ ಕೊಹ್ಲಿ, ರೋಹಿತ್​ ಭಾರತದ ನೆಲದಲ್ಲಿ 291 ದಿನಗಳ ಬಳಿಕ ಬ್ಲೂ ಜೆರ್ಸಿ ತೊಟ್ಟು ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ. ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಉತ್ತಮ ಪರ್ಫಾಮೆನ್ಸ್​ ನೀಡಿದ ರೋ-ಕೊ ಜೋಡಿ ತವರಿನಲ್ಲೂ ಬೊಂಬಾಟ್​ ಎಂಟರ್​​ಟೈನ್​ಮೆಂಟ್​ ನೀಡ್ತಾರೆ ಅನ್ನೋದು ಅಭಿಮಾನಿಗಳ ನಿರೀಕ್ಷೆಯಾಗಿದೆ. 

ರೋಹಿತ್​ ಜೊತೆ ಓಪನರ್​ ಯಾರು..?

ಇಂಜುರಿಗೆ ತುತ್ತಾಗಿರೋ ಶುಭ್​ಮನ್​ ಗಿಲ್​ ಒನ್​ ಡೇ ಸರಣಿ ಅಲಭ್ಯರಾಗಿದ್ದಾರೆ. ಗಿಲ್​ ಬದಲಾಗಿ ರೋಹಿತ್​ ಜೊತೆಗೆ ಇನ್ನಿಂಗ್ಸ್​ ಓಪನ್​ ಮಾಡೋದು ಯಾರು ಅನ್ನೋದು ಸದ್ಯ ದೊಡ್ಡ ಪ್ರಶ್ನೆಯಾಗಿದೆ. ಮೇಲ್ನೋಟಕ್ಕೆ ಯಶಸ್ವಿ ಜೈಸ್ವಾಲ್ ಓಪನಿಂಗ್​ ಮಾಡೋದು ಕನ್​​ಫರ್ಮ್ ಅನಿಸಿದ್ರೂ, ಆಯ್ಕೆಯಲ್ಲಿ ಋತುರಾಜ್​ ಗಾಯಕ್ವಾಡ್​ನ ನಗ್ಲೆಟ್​ ಮಾಡುವಂತಿಲ್ಲ. ಲಿಸ್ಟ್​ ಎ ಕ್ರಿಕೆಟ್​ನಲ್ಲಿ ಜೈಸ್ವಾಲ್​ ಬರೋಬ್ಬರಿ 57.39ರ ಸರಾಸರಿ ಹೊಂದಿದ್ದಾರೆ. ಕೆಲ ದಿನಗಳ ಹಿಂದಷ್ಟೇ ನ್ಯೂಜಿಲೆಂಡ್​ ಎ ಎದುರು ಒಂದು ಶತಕ, ಒಂದು ಅರ್ಧಶತಕ ಸಿಡಿಸಿ ಮಿಂಚಿದ್ದಾರೆ. ಹೀಗಾಗಿ ಜೈಸ್ವಾಲ್​-ಋತುರಾಜ್​ ನಡುವೆ ಸ್ಥಾನಕ್ಕೆ ಫೈಟ್​ ಏರ್ಪಟ್ಟಿದೆ. 

ಇದನ್ನೂ ಓದಿ: KSCA ಚುನಾವಣೆಗೆ ಮತ್ತೆ ಟ್ವಿಸ್ಟ್.. ಹೈಕೋರ್ಟ್​ನಿಂದ ಮಹತ್ವದ ಆದೇಶ

ಉಪನಾಯಕ ಶ್ರೇಯಸ್​ ಅಯ್ಯರ್​ ಕೂಡ ಈ ಸರಣಿಗೆ ಅಲಭ್ಯರಾಗಿದ್ದಾರೆ. ಶ್ರೇಯಸ್​ ಸ್ಥಾನದಲ್ಲಿ ಯಾರು ಸ್ಥಾನಗಿಟ್ಟಿಸಿಕೊಳ್ತಾರೆ ಅನ್ನೋದು ಸದ್ಯ ಕುತೂಹಲ ಮೂಡಿಸಿದೆ. ವಿಕೆಟ್​ ಕೀಪರ್​ ಬ್ಯಾಟರ್​ ರಿಷಭ್ ಪಂತ್​, ತಿಲಕ್​ ವರ್ಮಾ ಸ್ಥಾನದ ರೇಸ್​ನಲ್ಲಿದ್ದಾರೆ. ಪಂತ್​ ಏಕದಿನದಲ್ಲಿ ಕೇವಲ 33.5ರ ಸರಾಸರಿ ಹೊಂದಿದ್ದಾರೆ. ತಿಲಕ್​ ವರ್ಮಾ ರಿಸೆಂಟ್​ ಆಗಿ ಪಂತ್​ಗಿಂತ ಇಂಪ್ರೆಸ್ಸಿವ್​ ಅನಿಸಿದ್ದಾರೆ. ಹೀಗಾಗಿ 4ನೇ ಕ್ರಮಾಂಕದಲ್ಲಿ ಮ್ಯಾನೇಜ್​ಮೆಂಟ್​ ಅನುಭವಿ ಪಂತ್​ನ ಬ್ಯಾಕ್ ಮಾಡುತ್ತಾ.? ತಿಲಕ್​ ವರ್ಮಾಗೆ ಮಣೆ ಹಾಕುತ್ತಾ.? ಅನ್ನೋದು ದೊಡ್ಡ ಪ್ರಶ್ನೆಯಾಗಿ ಕಾಡ್ತಿದೆ. 

ಕನ್ನಡಿಗ ಕೆ.ಎಲ್​ ರಾಹುಲ್​ ಇಂದಿನ ಪಂದ್ಯದ ಅಟ್ರಾಕ್ಷನ್​ ಎನಿಸಿದ್ದಾರೆ. ಗಿಲ್​ ಅಲಭ್ಯತೆಯಲ್ಲಿ ನಾಯಕತ್ವ ರಾಹುಲ್​ ಹೆಗಲೇರಿದೆ. ಸೌತ್​ ಆಫ್ರಿಕಾ ಎದುರು ರಾಹುಲ್ ನಾಯಕನಾಗಿ ಸಕ್ಸಸ್​ ಕಂಡ್ರೆ, ಭವಿಷ್ಯದಲ್ಲಿ ಮತ್ತೆ ಟೀಮ್​ ಇಂಡಿಯಾ ನಾಯಕನಾಗೂ ಅವಕಾಶವೂ ಸಿಗಬಹುದು. ಆದ್ರೆ, 5ನೇ ಕ್ರಮಾಂಕದ ಬ್ಯಾಟಿಂಗ್​, ವಿಕೆಟ್​ ಕೀಪಿಂಗ್​ ಜೊತೆಗೆ ನಾಯಕತ್ವ ಎಲ್ಲವನ್ನೂ ರಾಹುಲ್​ ಹೇಗೆ ನಿಭಾಯಿಸ್ತಾರೆ ಅನ್ನೋದ್ರ ಮೇಲೆ ಎಲ್ಲಾ ನಿಂತಿದೆ.

ಇದನ್ನೂ ಓದಿ: ಶ್ರೇಯಾಂಕನೂ ಅಲ್ಲ, ಮಂದಾನನೂ ಅಲ್ಲ.. ಆರ್​ಸಿಬಿಯಲ್ಲೀಗ ಹೊಸ ಕ್ರಷ್..!

ಮೂವರು ಸ್ಪಿನ್ನರ್​​ಗಳೊಂದಿಗೆ ಫಸ್ಟ್​ ಓಡಿಐನಲ್ಲಿ ಟೀಮ್​ ಇಂಡಿಯಾ ಕಣಕ್ಕಿಳಿಯೋದು ಬಹುತೇಕ ಪಕ್ಕಾ. ಸ್ಪಿನ್​ ಆಲ್​​ರೌಂಡರ್​ಗಳಾದ ರವೀಂದ್ರ ಜಡೇಜಾ, ಆಫ್​ ಸ್ಪಿನ್ನರ್​ ವಾಷಿಂಗ್ಟನ್ ಸುಂದರ್​ ಹಾಗೂ ಸ್ಪೆಷಲಿಸ್ಟ್​ ಸ್ಪಿನ್ನರ್​ ಕುಲ್​​ದೀಪ್​ ಯಾದವ್​ ಕಣಕ್ಕಿಳಿಯಲಿದ್ದಾರೆ. ಪೇಸ್​ ಆಲ್​​​ರೌಂಡರ್​ ನಿತೀಶ್​ ರೆಡ್ಡಿ ಸ್ಥಾನಗಿಟ್ಟಿಸಿಕೊಳ್ಳೋದು ಖಚಿತವಾಗಿದೆ. 

ಫಸ್ಟ್​ ಚಾಯ್ಸ್​ ವೇಗಿಯಾಗಿ ಆರ್ಷ್​ದೀಪ್​ ಸಿಂಗ್ ಕಣಕ್ಕಿಳಿಯೋ ಸಾಧ್ಯತೆ ಹೆಚ್ಚಿಸಿದೆ.  ಮತ್ತೊಂದು ಸ್ಥಾನಕ್ಕೆ ಹರ್ಷಿತ್​​ ರಾಣಾ, ಪ್ರಸಿದ್ಧ್​ ಕೃಷ್ಣ ನಡುವೆ ಪೈಪೋಟಿಯಿದೆ. ಗಂಭೀರ್​ ಶಿಷ್ಯ ಹರ್ಷಿತ್​ಗೆ ಚಾನ್ಸ್​ ನೀಡ್ತಾರಾ? ಪ್ರಸಿದ್ಧ್​​ಗೆ ಅವಕಾಶ ನೀಡ್ತಾರೋ? ಅನ್ನೋದು ಕುತೂಹಲ ಮೂಡಿಸಿದೆ. 

ಒಟ್ಟಿನಲ್ಲಿ ಟೆಸ್ಟ್​ ಸರಣಿಯಲ್ಲಿ ಹೋದ ಮಾನವನ್ನ ಟೀಮ್​ ಇಂಡಿಯಾ ಒನ್​ ಡೇ ಸರಣಿಯಲ್ಲಿ ಹುಡುಕಾಡ್ತಿದೆ. ಬಲಿಷ್ಟ ಪ್ಲೇಯಿಂಗ್​ ಇಲೆವೆನ್​ನೊಂದಿಗೆ ಕಣಕ್ಕಿಳಿದು, ಏಕದಿನ ಸರಣಿಯಲ್ಲಿ ಗೆಲುವಿನ ಹಳಿಗೆ ಮರಳೋದು ಟೀಮ್​ ಇಂಡಿಯಾ ಪ್ಲಾನ್​ ಆಗಿದೆ. ಈ ಪ್ಲಾನ್​​ಗೆ ಸಕ್ಸಸ್​​​ ಸಿಗುತ್ತಾ? ಕಾದು ನೋಡೋಣ.

ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ